ಅಂಗನವಾಡಿಗಳಲ್ಲಿ ಇನ್ಮುಂದೆ ಸಿಗಲಿದೆ ಮೊಟ್ಟೆ ಬಿರಿಯಾನಿ! ಕೇರಳದಲ್ಲಿ anganwadi ಹೊಸ ಆಹಾರ ಮೆನು ಬಿಡುಗಡೆ...

ಕೇರಳ: ( anganwadi ) ಮೂರು ವರ್ಷದ ಬಾಲಕನೊಬ್ಬ ಅಂಗನವಾಡಿಯಲ್ಲಿ ಉಪ್ಪಿಟ್ಟು ಬದಲು ಬಿರಿಯಾನಿ ಮತ್ತು ಚಿಕನ್ ಫ್ರೈ ಕೇಳುತ್ತಿರುವ ವಿಡಿಯೋ ವೈರಲ್ ಆದ ತಿಂಗಳುಗಳ ನಂತರ, ಕೇರಳ ಸರ್ಕಾರ ಮಂಗಳವಾರ ರಾಜ್ಯದ ಮಕ್ಕಳ ಆರೈಕೆ ಸಂಸ್ಥೆಗಳಲ್ಲಿ ಆಹಾರ ಮೆನುವನ್ನು ಪರಿಷ್ಕರಿಸಿದೆ.

"ನನಗೆ ಅಂಗನವಾಡಿಯಲ್ಲಿ ಉಪ್ಪಿಟ್ಟು ಬದಲು ಬಿರಿಯಾನಿ ಮತ್ತು ಚಿಕನ್ ಫ್ರೈ ಬೇಕು" ಎಂದು ಬಾಲಕ ತ್ರಿಜಲ್ ಎಸ್ ಸುಂದರ್ ತನ್ನ ತಾಯಿಗೆ ಹೇಳುತ್ತಿರುವ ವೀಡಿಯೊ  ಜನವರಿ 26 ರಂದು ವೈರಲ್‌ ಆಗಿತ್ತು. ಶಂಕು (ತ್ರಿಜಲ್ ಎಂದು ಪ್ರೀತಿಯಿಂದ ಕರೆಯಲ್ಪಡುವ) ಮನೆಯಲ್ಲಿ  ಬಿರಿಯಾನಿ ಬೇಕು ಎಂದು ವಿನಂತಿಸಿದಾಗ ಅವನ ತಾಯಿ ವೀಡಿಯೊವನ್ನು ರೆಕಾರ್ಡ್ ಮಾಡಿದ್ದಾರೆ. ನಂತರ ತಾಯಿ ಆ ವೀಡಿಯೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದರು, ನಂತರ ಅದು ವ್ಯಾಪಕವಾಗಿ ಹಂಚಿಕೊಳ್ಳಲ್ಪಟ್ಟಿತು.

ತಿಂಗಳ ಹಿಂದೆ ಆಲಪ್ಪುಳದ ಶಂಕು ಪೋಸ್ಟ್ ಮಾಡಿದ ವೀಡಿಯೊ, ಉಪ್ಪಿಟ್ಟು ಬದಲಿಗೆ ಬಿರಿಯಾನಿ ತಿನ್ನಲು ಬಯಸುತ್ತೇನೆ ಎಂದು ಹೇಳಿದ್ದು, ಅಲ್ಲಿನ ಸರ್ಕಾರವನ್ನು ಬೆಚ್ಚಿಬೀಳಿಸಿದೆ. ವೀಡಿಯೊವನ್ನು ನೋಡಿದ ನಂತರ, ಕೇರಳ ರಾಜ್ಯ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅಂಗನವಾಡಿ ಕೇಂದ್ರಗಳಲ್ಲಿ ಮಕ್ಕಳಿಗೆ ನೀಡಲಾಗುವ ಆಹಾರ ಮೆನುವನ್ನು ಬದಲಾಯಿಸಿದರು.

ಪಟ್ಟಣಂತಿಟ್ಟ ಜಿಲ್ಲೆಯ ಅಂಗನವಾಡಿಗಳಿಗೆ ಹೊಸ ಶೈಕ್ಷಣಿಕ ವರ್ಷವನ್ನು ಉದ್ಘಾಟಿಸುತ್ತಾ, ರಾಜ್ಯ ಆರೋಗ್ಯ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ವೀಣಾ ಜಾರ್ಜ್ ಅವರು ಪರಿಷ್ಕೃತ ಮೆನುವನ್ನು ಅನಾವರಣಗೊಳಿಸುವ ಮೂಲಕ ತಮ್ಮ ಭರವಸೆಯನ್ನು ಉಳಿಸಿಕೊಂಡರು.

ಬಿರಿಯಾನಿಯ ಜೊತೆಗೆ, ಹೊಸದಾಗಿ ವಿನ್ಯಾಸಗೊಳಿಸಲಾದ ಮೆನುವಿನಲ್ಲಿ ಮೊಟ್ಟೆ ಬಿರಿಯಾನಿ, ಪುಲಾವ್, ಪಪ್ಪು, ಪಾಯಸಂ, ಸೋಯಾ ಡ್ರೈ ಕರಿ ಮತ್ತು ಲಡ್ಡುಗಳು ಸೇರಿವೆ. ಹಿಂದೆ ವಾರಕ್ಕೆ ಎರಡು ಬಾರಿ ನೀಡಲಾಗುತ್ತಿದ್ದ ಹಾಲು ಮತ್ತು ಮೊಟ್ಟೆಗಳನ್ನು ಈಗ ವಾರಕ್ಕೆ ಮೂರು ಬಾರಿ ನೀಡಲಾಗುತ್ತಿದೆ.

ಅಂಗನವಾಡಿಗಳಲ್ಲಿ ಒಂದು ವಾರದ ಪರಿಷ್ಕೃತ ಆಹಾರ ಮೆನು ಇಲ್ಲಿದೆ.

ಸೋಮವಾರ:

ಬೆಳಗಿನ ಉಪಾಹಾರ: ಹಾಲು, ಗಂಜಿ,  ಸೊಪ್ಪು ಖಾದ್ಯ

ಊಟ: ಅನ್ನ, ಬಟಾಣಿ ಕರಿ, ಹಸಿರು ಕರಿ,  ಪಲ್ಯ

ವಿಶಿಷ್ಟ ಆಹಾರ: ಧಾನ್ಯಗಳು, ಬೇಳೆ ಕರಿ

ಮಂಗಳವಾರ:

ಬೆಳಗಿನ ಉಪಾಹಾರ:   ಲಡ್ಡು

ಮಧ್ಯಾಹ್ನದ ಊಟ: ಮೊಟ್ಟೆ ಬಿರಿಯಾನಿ/ಮೊಟ್ಟೆ ಪುಲಾವ್, ಹಣ್ಣು

ಸಾಮಾನ್ಯ ಆಹಾರ

ಬುಧವಾರ:

ಬೆಳಗಿನ ಉಪಾಹಾರ: ಹಾಲು, ಗಂಜಿ, ತೆಂಗಿನಕಾಯಿ/ಬಾಳೆಹಣ್ಣು, ಕಡಲೆಕಾಯಿ ಕ್ಯಾಂಡಿ

ಮಧ್ಯಾಹ್ನದ ಊಟ: ಬೇಳೆ ಗಂಜಿ, ತರಕಾರಿ ಆಲೂಗಡ್ಡೆ ಕರಿ, ಸೋಯಾ ಡ್ರೈ ಫ್ರೈ,

ವಿಶಿಷ್ಟ ಆಹಾರ: ಇಡ್ಲಿ, ಸಾಂಬಾರ್,   ಹಸಿರು ಬಟಾಣಿ ಕರಿ

ಗುರುವಾರ:

ಬೆಳಗಿನ ಉಪಾಹಾರ: ರಾಗಿ, ಅನ್ನ ಗಂಜಿ

ಮಧ್ಯಾಹ್ನದ ಊಟ: ಅನ್ನ, ಮೊಳಕೆ ಕಾಳು, ಪಾಲಕ್, ಸಾಂಬಾರ್, ಮೊಟ್ಟೆ, ಆಮ್ಲೆಟ್

ವಿಶಿಷ್ಟ ಆಹಾರ:  ಬೆಲ್ಲ, ಹಣ್ಣಿನ ಮಿಶ್ರಣ

ಶುಕ್ರವಾರ:

ಬೆಳಗಿನ ಉಪಾಹಾರ: ಹಾಲು, ಓಟ್ಸ್‌ ಮೀಲ್

ಊಟ: ಅನ್ನ, ಕಡಲೆ ಕರಿ, ಅವಿಯಲ್, ಸೊಪ್ಪು ಪಲ್ಯ

ವಿಶಿಷ್ಟ ಆಹಾರ:   ಪುಲಾವ್

ಶನಿವಾರ:

ಬೆಳಗಿನ ಉಪಾಹಾರ:  ಲಡ್ಡು

ಮಧ್ಯಾಹ್ನದ ಊಟ: ತರಕಾರಿ ಪಲಾವ್, ಮೊಟ್ಟೆ, ರೈತಾ

ವಿಶಿಷ್ಟ ಆಹಾರ: ಧಾನ್ಯದ ಖಾದ್ಯ

https://www.vijayavani.net/virat-kohli-special-gift-for-rajat-patidar-after-historic-ipl-win