ಸೀರೆಯಲ್ಲಿ ಕಂಗೊಳಿಸುತ್ತಿದ್ದ ಕತ್ರೀನಾ ಕೈಫ್ ಅವರು ಬಲತೋಳಿನ ಹಿಂಭಾಗದಲ್ಲಿ ಕಪ್ಪು ಬಣ್ಣದ ಒಂದು ಪ್ಯಾಚ್ ಹಾಕಿಕೊಂಡಿದ್ದರು. ಇದು ಡಯಾಬಿಟಿಕ್ ಪ್ಯಾಚ್ ಎಂದು ಹೇಳಲಾಗುತ್ತಿದೆ. ಡಯಾಬಿಟಿಕ್ ಪ್ಯಾಚ್ ಎಂದರೆ, ಸ್ಮಾರ್ಟ್ ಇನ್ಸುಲಿನ್ ಹ್ಯಾಚ್. ಗ್ಲಕೋಸ್-ಪ್ರತಿಕ್ರಿಯಾತ್ಮಕ ಇನ್ಸುಲಿನ್ ಪ್ಯಾಚ್ ಎಂದೂ ಕರೆಯಲಾಗುತ್ತದೆ. ಮೈಮೇಲೆ ಧರಿಸುವ ಒಂದು ವೈದ್ಯಕೀಯ ಉಪಕರಣ. ರಕ್ತದಲ್ಲಿರುವ ಸಕ್ಕರೆ ಮಟ್ಟವನ್ನ ನಿಯಂತ್ರಣ ಮಾಡುವ ಸಲುವಾಗಿ ಇದರಲ್ಲಿ ಇನ್ಸುಲಿನ್ ತುಂಬಿಡಲಾಗುತ್ತದೆ. ಇದು ಮಧುಮೇಹಿಗಳ ಆಹಾರ ಕ್ರಮಕ್ಕೂ ಸಹಾಯ ಮಾಡುತ್ತದೆ. ಇಂಥ ಡಯಾಬಿಟಿಕ್ ನಿಯಂತ್ರಣ ಪ್ಯಾಚ್ ಕತ್ರೀನಾರ ಮೈಮೇಲೆ ಕಾಣಿಸಿದ್ದು, ಅಭಿಮಾನಿಗಳಲ್ಲಿ ಸಹಜವಾಗಿಯೇ ಆತಂಕ ಮೂಡಿಸಿದೆ.
ಸಾಮಾನ್ಯವಾಗಿ ಡಯಾಬಿಟಿಕ್ ಪ್ಯಾಚ್ನ್ನು ಟೈಪ್ 1 ಡಯಾಬಿಟಿಸ್ನಿಂದ ಬಳಲುತ್ತಿರುವವರು ಮತ್ತು ಗಂಭೀರ ಸ್ವರೂಪದ ಟೈಪ್ 2 ಡಯಾಬಿಟಿಸ್ ಹೊಂದಿರುವವರು ವೈದ್ಯರ ಸಲಹೆಯ ಮೇರೆಗೆ ಧರಿಸಿರುತ್ತಾರೆ. ಇಂಥವರ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನ ನಿರಂತವಾಗಿ ಚೆಕ್ ಮಾಡುವ ದೃಷ್ಟಿಯಿಂದ ಈ ಡಿವೈಸ್ ಅಳವಡಿಸಿಕೊಳ್ಳಲು ವೈದ್ಯರು ಸೂಚಿಸುತ್ತಾರೆ. ಇನ್ನು ಕತ್ರೀನಾ ಕೈಫ್ ಕೈಮೇಲೆ ಇರುವುದು ಡಯಾಬಿಟಿಕ್ ಪ್ಯಾಚ್ ಎಂದು ಹೇಳಲಾಗಿದ್ದರೂ, ಅದೇನೂ ಅಧಿಕೃತವಾಗಿ ದೃಢವಾಗಿಲ್ಲ..
