ಕರೂರು ಕಾಲ್ತುಳಿತ: ತಮಿಳುನಾಡು ವಿಧಾನಸಭೆಯಲ್ಲಿ ಪ್ರತಿಧ್ವನಿ; ಘಟನೆಗೆ ಟಿವಿಕೆ ಮತ್ತು ವಿಜಯ್ ಅವರೇ ಹೊಣೆ; ಸಿಎಂ ಎಂ ಕೆ ಸ್ಟಾಲಿನ್| M K Stalin

Chennai: ಕರೂರಿನಲ್ಲಿ ಸೆ. 27ರಂದು 41 ಮಂದಿಗೆ ಸಾವಿಗೆ ಕಾರಣವಾದ ಕಾಲ್ತುಳಿತ ಘಟನೆಯೂ ತಮಿಳುನಾಡು ವಿಧಾನಸಭೆಯಲ್ಲಿ ಬುಧವಾರ(ಅ. 15) ಪ್ರತಿಧ್ವನಿಸಿದ್ದು, ಘಟನೆಗೆ ತಮಿಳಿಗ ವೆಟ್ರಿ ಕಳಗಂ ಪಕ್ಷ ಮತ್ತು ಅದರ ಮುಖ್ಯಸ್ಥ ದಳಪತಿ ವಿಜಯ್ ಅವರೇ ಹೊಣೆ ಎಂದು ಸಿಎಂ ಎಂ.ಕೆ.ಸ್ಟಾಲಿನ್ (M K Stalin) ವಿಧಾನಸಭೆಯಲ್ಲಿ ಹೇಳಿದ್ದಾರೆ.

ವಿಧಾನಸಭೆಯಲ್ಲಿ ಘಟನೆ ಕುರಿತು ಮಾತನಾಡಿದ ಎಂ.ಕೆ.ಸ್ಟಾಲಿನ್, ಟಿವಿಕೆ ವೇಳಾಪಟ್ಟಿಯಲ್ಲಿನ ದೋಷಗಳೇ ಕಾಲ್ತುಳಿತಕ್ಕೆ ಕಾರಣ ಎಂದು ಆರೋಪಿಸಿದ ಅವರು,  ಮಧ್ಯಾಹ್ನ 3 ಗಂಟೆಯಿಂದ ಐದು ಗಂಟೆಗಳ ಕಾಲ ಕಾರ್ಯಕ್ರಮ ನಡೆಯಲಿದೆ ಎಂದು ಪೊಲೀಸರಿಗೆ ಪಕ್ಷ ತಿಳಿಸಿತ್ತು. ಬಳಿಕ ವಿಜಯ್ ಮಧ್ಯಾಹ್ನದ ವೇಳೆಗೆ ಸ್ಥಳಕ್ಕೆ ತಲುಪುತ್ತಾರೆ ಎಂದು ಪಕ್ಷ ಹೇಳಿದ್ದರಿಂದ ಪೊಲೀಸ್ ನಿಯೋಜನೆಯಲ್ಲಿ ಬದಲಾವಣೆ ಮಾಡಲಾಗಿತ್ತು. ಆದರೆ ಅಂತಿಮವಾಗಿ ಸಂಜೆ 7 ಗಂಟೆಗೆ ವಿಜಯ್ ಸ್ಥಳಕ್ಕೆ ಆಗಮಿಸಿದ್ದಾರೆ. ಇದರಿಂದ ಒಮ್ಮೆಲೆ ಭಾರಿ ಜನಸಂದಣಿಯಾಗಿದ್ದು ಘಟನೆಗೆ ಪ್ರಮುಖ ಕಾರಣ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ತಮಿಳುನಾಡಿನಾಡಿನಲ್ಲಿ ‘ಹಿಂದಿ’ಗೆ ಗೇಟ್​ ಪಾಸ್! ಭಾಷಾ ಹೇರಿಕೆ ನಿಷೇಧಿಸುವ ಮಸೂದೆ ಮಂಡನೆ | Ban Language

ಇದೇ ವೇಳೆ ಟಿವಿಕೆ ಪಕ್ಷದ ಕಾರ್ಯಕ್ರಮದ ನಿರ್ವಹಣೆಯನ್ನು ಟೀಕಿಸಿದ ಅವರು, ಕುಡಿಯುವ ನೀರು ಮತ್ತು ಮಹಿಳೆಯರಿಗೆ ಸಾಕಷ್ಟು ಸ್ನಾನಗೃಹಗಳಂತಹ ಮೂಲಭೂತ ಸೌಲಭ್ಯಗಳನ್ನು ನೀಡುವಲ್ಲಿ ಪಕ್ಷ ಮತ್ತು ಅದರ ನಾಯಕರು ವಿಫಲರಾಗಿದ್ದರು. ಜೊತೆಗೆ ಟಿವಿಕೆ ಕಾರ್ಯಕರ್ತರು ಇಬ್ಬರು ಆ್ಯಂಬುಲೆನ್ಸ್​ ಚಾಲಕರ ಮೇಲೆ ಹಲ್ಲೆ ನಡೆಸಿದ್ದಾರೆ. ಆ್ಯಂಬುಲೆನ್ಸ್​ಗಳನ್ನು ಧ್ವಂಸಗೊಳಿಸಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಲಾಗಿದೆ ಎಂದಿದ್ದಾರೆ.

ಸ್ಥಳದಲ್ಲಿ ವಿದ್ಯುತ್ ಸರಬರಾಜು ಸ್ಥಗಿತಗೊಳಿಸಲಾಗಿತ್ತು ಎಂಬ ಟಿವಿಕೆ ಆರೋಪಕ್ಕೆ ಸ್ಪಷ್ಟೀಕರಣ ನೀಡಿದ ಸ್ಟಾಲಿನ್,  ಹೆಚ್ಚಿನ ಅನಾಹುತಗಳನ್ನು ತಪ್ಪಿಸಲು ಜನರೇಟರ್ ಅನ್ನು ಆಫ್ ಮಾಡಲಾಗಿದೆ ಎಂದು ಹೇಳಿದ್ದಾರೆ.(ಏಜೆನ್ಸೀಸ್)

https://www.vijayavani.net/bihar-elections-will-strengthen-the-party-will-not-contest-the-elections-prashant-kishor-says