ಬೆಂಗಳೂರು: ಕರ್ನಾಟಕ ತಂಡ ಅಹಮದಾಬಾದ್ನಲ್ಲಿ ಭಾನುವಾರ ಮುಕ್ತಾಯಗೊಂಡ 79ನೇ ರಾಷ್ಟ್ರೀಯ ಚಾಂಪಿಯನ್ಷಿಪ್ನಲ್ಲಿ (Senior National Aquatic Championship) ಸಮಗ್ರ ಪ್ರಶಸ್ತಿ ಗೆದ್ದುಕೊಳ್ಳುವ ಮೂಲಕ 33 ವರ್ಷಗಳ ಪ್ರಾಬಲ್ಯವನ್ನು ಕಾಯ್ದುಕೊಂಡಿದೆ. 6 ದಿನಗಳ ಕೂಟದಲ್ಲಿ ಕರ್ನಾಟಕ ಒಟ್ಟು 19 ಚಿನ್ನ, 16 ಬೆಳ್ಳಿ ಮತ್ತು 11 ಕಂಚಿನ ಸಹಿತ 47 ಪದಕ (ಒಟ್ಟು 334 ಅಂಕ) ಗೆದ್ದುಕೊಂಡಿತು. ಕೊನೇ ದಿನ ಕರ್ನಾಟಕ ಮತ್ತೆ 2 ಚಿನ್ನ, 3 ಬೆಳ್ಳಿ, 3 ಕಂಚಿನ ಪದಕ ಜಯಿಸಿತು. ಕರ್ನಾಟಕ ಪುರುಷರ ವಿಭಾಗದಲ್ಲಿ 164 ಅಂಕ ಮತ್ತು ಮಹಿಳಾ ವಿಭಾಗದಲ್ಲಿ 170 ಅಂಕ ಗಳಿಸಿ ಪ್ರಶಸ್ತಿ ಜಯಿಸಿತು. ಕೂಟದಲ್ಲಿ ಪುರುಷರ ವಿಭಾಗದಲ್ಲಿ 10 ಮತ್ತು ಮಹಿಳಾ ವಿಭಾಗದಲ್ಲಿ 12 ದಾಖಲೆ ನಿರ್ಮಾಣವಾದವು. ಗುಜರಾತ್ನ ಆರ್ಯನ್ ನೆಹ್ರ (3 ಚಿನ್ನ, 1 ಕಂಚು) ಪುರುಷರ ಮತ್ತು ಮಹಾರಾಷ್ಟ್ರದ ಸಾನ್ವಿ ದೇಸ್ವಾಲ್ (3 ಚಿನ್ನ, 1 ಬೆಳ್ಳಿ) ಮಹಿಳಾ ವಿಭಾಗದಲ್ಲಿ ವೈಯಕ್ತಿಕ ಪ್ರಶಸ್ತಿ ಪಡೆದರು.
