Rishab Shetty Interview - ಮೊದಲು ಜೈ ಹನುಮಾನ್​ ನಂತರ ಶಿವಾಜಿ

"ಕಾಂತಾರ' ಖ್ಯಾತಿಯ ನಟ, ನಿರ್ದೇಶಕ ರಿಷಬ್​ ಶೆಟ್ಟಿಗೆ ಮಂಗಳವಾರ (ಜು. 7) 43ನೇ ಹುಟ್ಟುಹಬ್ಬದ ಸಂಭ್ರಮ. "ಕಾಂತಾರ ಭಾಗ 1' ಯಶಸ್ಸಿನ ಬಳಿಕ ಅವರು ಮಾಧ್ಯಮಗಳಿಗೆ ಸಿಕ್ಕಿರಲಿಲ್ಲ. ಇದೀಗ ಹುಟ್ಟುಹಬ್ಬದ ಖುಷಿಯಲ್ಲಿ ಮಾಧ್ಯಮಗಳ ಮುಂದೆ ಎದುರಾದರು. ಮುಂದಿನ ಸಿನಿಮಾ, ಯೋಜನೆ, ನಟನೆ, ನಿರ್ದೇಶನ, ಒಟಿಟಿ ಟ್ರೆಂಡ್​, ಕನ್ನಡ ಚಿತ್ರರಂಗ ಎದುರಿಸುತ್ತಿರುವ ಸವಾಲುಗಳು... ಹೀಗೆ ಹಲವು ವಿಷಯಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದರು.

- "ಕಾಂತಾರ' ನನಗೆ ಹೊಸ ಜೀವನ ಕೊಟ್ಟಿತು. ಜತೆಗೆ ಕೆಲವರ ನಿಜ ಮುಖಗಳನ್ನೂ ತೋರಿಸಿತು. ನೀನಿನ್ನೂ ತುಂಬ ಕಲಿಯಬೇಕು ಅಂತ ತೋರಿಸಿಕೊಟ್ಟಿತು. ನನ್ನನ್ನು ಒಬ್ಬ ಮನುಷ್ಯನನ್ನಾಗಿ ಮಾಡಿತು. ಇನ್ನೂ ಗ್ರೌಂಡೆಡ್​ ಆಗಿರಬೇಕು ಅಂತ ತೋರಿಸಿತು. ಒಂದು ಯಶಸ್ಸಿನಿಂದ ಎಲ್ಲವೂ ಮುಗಿಯುವುದಿಲ್ಲ. ಅದನ್ನು ಮುಂದುವರಿಸಬೇಕು. ಅದೊಂದು ನಿರಂತರ ಪ್ರಕ್ರಿಯೆ. ಕಲಿತಷ್ಟೂ ಟ್ಯೂನ್​ ಆಗುತ್ತೇವೆ. ಯಶಸ್ಸು ಸಿಕ್ಕ ಬಳಿಕ ಆ ಸಿನಿಮಾ ಮುಗಿದು ಹೋಗುತ್ತದೆ. ಮುಂದೆ? ನನಗೂ ಆ ಪ್ರಶ್ನೆ ಕಾಡುತ್ತದೆ. ಎಲ್ಲವನ್ನೂ ಬ್ಯಾಲೆನ್ಸ್​ ಮಾಡುತ್ತಾ ಹೋಗಬೇಕು. ಒಟ್ಟಾರೆ "ಕಾಂತಾರ' ತುಂಬ ಅನುಭವಗಳನ್ನು ನೀಡಿದೆ.

- ಮೊದಲು ಪ್ರಶಾಂತ್​ ವರ್ಮಾ ನಿರ್ದೇಶನಲ್ಲಿ "ಜೈ ಹನುಮಾನ್​' ಬರಲಿದೆ. ನಂತರ "ದ ಪೆಡ್​ ಆ್​ ಭಾರತ್​ & ಛತ್ರಪತಿ ಶಿವಾಜಿ ಮಹಾರಾಜ್​' ರಿಲೀಸ್​ ಆಗಲಿದೆ. ಎರಡು ಚಿತ್ರಗಳಿಗೂ ಬೇರೆ ಬೇರೆ ಲುಕ್​ ಇರುವ ಕಾರಣ, ಒಂದೇ ಸಮಯದಲ್ಲಿ ಎರಡು ಚಿತ್ರಗಳಲ್ಲಿ ನಟಿಸುವುದು ಕಷ್ಟ. ಕೆಲಸ ಕಡಿಮೆಯಾದರೆ ಸೋಮಾರಿ ಜೀವನ ಅಂತನಿಸುತ್ತದೆ. ಹೀಗಾಗಿ ರೈಟರ್​ನ ಕರೆದುಕೊಂಡು ಹೋಗಿ ಶೂಟಿಂಗ್​ ಸೆಟ್​ನಲ್ಲಿಯೇ ಬರವಣಿಗೆ ಕೆಲಸ ಮುಂದುವರಿಸುತ್ತಿದ್ದೇವೆ. ಪ್ರತಿ ಸಿನಿಮಾ ಕೂಡ ಒಂದು ಸವಾಲು.

- ನಾನು ಎಲ್ಲೂ ಹೋಗುವುದಿಲ್ಲ, ಇಲ್ಲೇ ಇರುತ್ತೇನೆ. "ಜೈ ಹನುಮಾನ್​' ಕನ್ನಡ ಸಿನಿಮಾ. ಏಕೆಂದರು ನಾನು ಮತ್ತು ಹನುಮಂತ ಇಬ್ಬರೂ ಕನ್ನಡಿಗರು. ಅದು ಪ್ಯಾನ್​ ಇಂಡಿಯಾ ಚಿತ್ರವಾದ ಕಾರಣ ಎಲ್ಲ ಭಾಷೆಗಳ ಕಲಾವಿದರೂ ಇದ್ದಾರೆ. ತೆಲುಗಿನವರು ತೆಲುಗಿನಲ್ಲಿ, ಕನ್ನಡಿಗರು ಕನ್ನಡದಲ್ಲಿ ಮಾತನಾಡುತ್ತಾರೆ. ಉಳಿದಂತೆ ಬೇರೆ ಭಾಷೆಗಳಿಗೆ ಡಬ್​ ಆಗಲಿದೆ. ಕಾಲು ತುಳಿದಾಕ್ಷಣ ಅಮ್ಮ ಎನ್ನುತ್ತೇವೆ. ನಾನು ಯೋಚಿಸುವುದೇ ಕನ್ನಡದಲ್ಲಿ. ಸಿನಿಮಾಗಳಿಗೆ ಭಾಷೆಯ ಗಡಿಯಿಲ್ಲ. ಕಲೆಯನ್ನು ಒಂದು ಭಾಷೆಯ ಚೌಕಟ್ಟಿಗೆ ಹಾಕುವುದು ಕಷ್ಟ. ಯಾರಿಗೆ ಯಾವ ಭಾಷೆಯ ಸಿನಿಮಾ ನೋಡಲು ಇಷ್ಟವೋ ಅದನ್ನು ನೋಡುತ್ತಾರೆ.

- ಕೋಳಿ ಮೊದಲಾ? ಮೊಟ್ಟೆ ಮೊದಲಾ? ಎನ್ನುವಂತೆ ಒಳ್ಳೆ ಸಿನಿಮಾ ಬಂದರೂ ಜನ ನೋಡುತ್ತಿಲ್ಲವಾ? ಜನ ನೋಡುತ್ತಿದ್ದರೂ, ನಾವು ಒಳ್ಳೆ ಸಿನಿಮಾ ಕೊಡುತ್ತಿಲ್ಲವಾ? ಎಂಬಂತಾಗಿದೆ. ಎರಡೂ ಸರಿಯೇ. ಆದರೆ, ಮೊದಲು ನಾವು ಒಳ್ಳೆ ಸಿನಿಮಾ ಕೊಡಬೇಕು. ಬಹುತೇಕ ಹೊಸಬರೇ ಸೇರಿ ಮಾಡಿದ್ದ "ಸು ಫ್ರಮ್​ ಸೋ' ಬಗ್ಗೆ ಏನು ಗೊತ್ತಿತ್ತು? ಜನ ಪ್ರೀಮಿಯರ್​ ನೋಡಿ ಖುಷಿಪಟ್ಟರು. ಮಲಯಾಳಂನಲ್ಲಿ ಹೊಸಬರ "ವಾಳಾ 2' ಬಂತು. ಅದೇ ರೀತಿ ತಮಿಳಿನಲ್ಲೂ ಹೊಸಬರ ಚಿತ್ರಗಳು ಸಕ್ಸಸ್​ ಆಗಿವೆ. ಈ ಚಿತ್ರಗಳು ಚಿತ್ರಮಂದಿರಗಳಿಗೆ ಬಂದ ಬಳಿಕವಷ್ಟೇ ಗೊತ್ತಾಗಿದ್ದು. ನೋಡಿದರೆ, ದೊಡ್ಡ ಮಟ್ಟದಲ್ಲಿ ಗಳಿಕೆ ಮಾಡಿಕೊಂಡವು. ಜನರ ಅಭಿರುಚಿ ಬದಲಾಗುತ್ತಿದೆ. ಒಟಿಟಿ ಬಂದು ಎಷ್ಟೋ ಕಾಲವಾಯಿತು. ನಾವಿನ್ನೂ ಹಳೆ ಕಥೆಯನ್ನೇ ಮಾತನಾಡುತ್ತಿದ್ದೇವೆ. ನಾವಿನ್ನೂ ಅಪ್ಡೇಟ್​ ಆಗಿಲ್ಲ. ಒಟಿಟಿ ಇನ್ನೊಂದು ಟಿವಿ ಆಗುತ್ತಿದೆಯಷ್ಟೆ. ಅದಕ್ಕೆ ಬೇಕಾದ ಕಂಟೆಂಟ್​ ಅದಕ್ಕೆ ಸಿಗುತ್ತಿದೆ. ಆದರೆ, ಚಿತ್ರಮಂದಿರಕ್ಕೆ ಏನು ಬೇಕು? ಅದನ್ನು ನಾವು ಮಾಡಬೇಕು. ಎಲ್ಲ ಮನರಂಜನೆಗಳಿಗೂ ಥಿಯೇಟರ್​ ಅಪ್ಪ.

- ನಾನೇ ಬರೆದು, ನಿರ್ದೇಶಿಸಿ, ನಟಿಸಬೇಕು ಅಂದರೆ, ಅದಕ್ಕೆ ಅದರದ್ದೇ ಆದ ಸಮಯ ಬೇಕು. ಹಾಗೇ ನಾವು ಒಪ್ಪಿರುವ ಕಥೆಗಳಿಗೂ ಅದರದ್ದೇ ಆದ ತಯಾರಿಗಳು ಬೇಕು. ಹೀಗಾಗಿಯೇ ನಟನೆಯ ಜತೆಗೆ ಒಂದಷ್ಟು ಬರವಣಿಗೆ ಕೆಲಸ ಮಾಡಿಟ್ಟುಕೊಳ್ಳುತ್ತಿದ್ದೇನೆ. ಸಿನಿಮಾ ಅದಾಗಿ ಅದೇ ಆಗಬೇಕು, ನಾವು ಮಾಡೋಕೆ ಆಗಲ್ಲ. "ಕಾಂತಾರ' ಅದಾಗದೇ ಆಯಿತು. "ಕಾಂತಾರ 1'ನಾವು ಮಾಡಿದೆವು.

- ಹೌದು, ಇದು ಇವತ್ತಿನ ಸಮಸ್ಯೆ ಅಲ್ಲ. ತುಂಬ ಹಿಂದೆ ಆದ ತಪ್ಪುಗಳು, ಈಗ ಪರಿಣಾಮ ಬೀರುತ್ತಿವೆ. ಚಿತ್ರರಂಗ ಅಸಂಟಿತ ವಲಯ. ನಮ್ಮಲ್ಲಿ ಬರಹಗಾರರ ಸಂಖ್ಯೆ ಬಹಳ ಕಡಿಮೆ ಇದೆ. ಅದೆಷ್ಟೊ ಬರಹಗಾರರು ಮುಂಬೈನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಒಟಿಟಿಗೆ ಬರೆಯುತ್ತಿದ್ದಾರೆ. ಅವರ ಹೆಸರುಗಳು ಸಹ ನಮಗೆ ಗೊತ್ತಿರುವುದಿಲ್ಲ. ಮೊದಲೆಲ್ಲ ರಿಮೇಕ್​ ಹಕ್ಕುಗಳಿಗೆ ಇಷ್ಟು ಹಣ ಅಂತ ಸಿಗುತ್ತಿತ್ತು. ಅದರಲ್ಲಿ ಶೇಕಡಾ 10ರಷ್ಟು ಬರಹಗಾರರಿಗೆ ಕೊಡುತ್ತಿರಲಿಲ್ಲ. ನಾವು ನಿರ್ಮಾಪಕರಿಗೆ ಒತ್ತಾಯ ಮಾಡಬೇಕಿತ್ತು. ಬರಹಗಾರರಿಗೂ ಜೀವನ ಪ್ರಶ್ನೆ. ಅವರಿಗೂ ಒಳ್ಳೆಯ ಸಂಭಾವನೆ ಕೊಟ್ಟರೆ, ಇನ್ನಷ್ಟು ಬರಹಗಾರರು ಚಿತ್ರರಂಗಕ್ಕೆ ಬರುತ್ತಾರೆ.

- ನಮ್ಮ ಬ್ಯಾನರ್​ನಲ್ಲಿ ಬಂದ "ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ'ಗೆ ಒಳ್ಳೆ ಪ್ರತಿಕ್ರಿಯೆ ದೊರೆಯಿತು. ಆದರೆ, ಒಂದು ಹಂತದಲ್ಲಿ ಕೆಲ ಚಿತ್ರಗಳಿಂದ ಕೆಟ್ಟ ಅನುಭವಗಳಾದವು. "ಪೆದ್ರೋ'ದಂತಹ ಸಿನಿಮಾಗಳು ಆಚೆ ತರಲಾಗಲಿಲ್ಲ. ದುಡಿದು ತಂದು, ಇಲ್ಲಿ ಸಿನಿಮಾಗಳ ಮೇಲೆ ಹಣ ಹಾಕಿದರೆ, ಅದನ್ನು ಜನರಿಗೆ ತಲುಪಿಸಲೂ ಸಾಧ್ಯವಾಗುತ್ತಿರಲಿಲ್ಲ. ಆಗ ಕೆಲ ಚಿತ್ರಗಳಿಗೆ ಒಟಿಟಿಯಲ್ಲಿ ಅವಕಾಶ ದೊರೆತು, ಬಜೆಟ್​ ರಿಕವರಿ ಆಯಿತು. ಹಾಗಂತ ಕನ್ನಡ ಸಿನಿಮಾ ಎಂಬ ಕಾರಣಕ್ಕೆ ಒಟಿಟಿವರು ಸಹ ಖರೀದಿಸುವುದಿಲ್ಲ. ಹೀಗಿರುವಾಗ ರಿಕವರಿ ಹೇಗೆ? ಹೀಗಾಗಿಯೇ "ಶಿವಮ್ಮ' ಚಿತ್ರಕ್ಕೆ ಮೆಚ್ಚುಗೆ ಬಂದರೂ, ಹಾಕಿದ್ದ ಹಣ ವಾಪಸ್​ ಬರಲಿಲ್ಲ. ಹೀಗಾದಾಗ ಹೆಚ್ಚು ಸಿನಿಮಾಗಳನ್ನು ಮಾಡುವುದು ಕಷ್ಟ. ಬೇರೆ ಚಿತ್ರರಂಗಗಳಲ್ಲಿ ಸಿನಿಮಾ ಸಂಸತಿ ಇದೆ. ನಮ್ಮಲ್ಲಿ ಆ ಸಂಸತಿ ಬೆಳೆಸಿಲ್ಲ. ಬೇರೆ ಚಿತ್ರರಂಗಗಳಲ್ಲಿ ಜನಪ್ರಿಯ ಸ್ಟುಡಿಯೋಗಳಿವೆ. ಸಿನಿಮಾ, ಸಿರೀಸ್​ ಅಂತ ಏನಾದರೂ ಆಗುತ್ತಿರುತ್ತವೆ. ಆದರೆ, ನಮ್ಮಲ್ಲಿ ಅಂತಹ ಸ್ಟುಡಿಯೋಗಳಿಲ್ಲ.