ಕಂಚಿ ಕಾಮಾಕ್ಷಿ ದೇವಿಗೆ ಚಿನ್ನದ ವೀಣೆ ಉಡುಗೊರೆ ನೀಡಿದ ಭಕ್ತ! ವಿಡಿಯೋ ವೈರಲ್​... Kanchi Kamakshi

Kanchi Kamakshi : ತಮಿಳುನಾಡಿನ ಕಾಂಚಿಪುರಂ ನಗರದಲ್ಲಿ ನೆಲೆಸಿರುವ ಕಾಮಾಕ್ಷಿ ದೇವಿಯನ್ನು ಭಕ್ತರು ಆಸೆಗಳನ್ನು ಈಡೇರಿಸುವ ಮಹಾ ದೇವತೆಯಾಗಿ ಪೂಜಿಸುತ್ತಾರೆ. ಕಾಮಾಕ್ಷಿ ದೇವಾಲಯವು ಐತಿಹಾಸಿಕ ಮಹತ್ವವನ್ನು ಹೊಂದಿದ್ದು, ಈ ದೇವಾಲಯವನ್ನು ಆರನೇ ಶತಮಾನದಲ್ಲಿ ಪಲ್ಲವ ರಾಜವಂಶದ ರಾಜರು ನಿರ್ಮಿಸಿದ್ದಾರೆ ಎಂದು ಇತಿಹಾಸ ಹೇಳುತ್ತದೆ.

ಯೋಗ ಭಂಗಿಯಲ್ಲಿ ಕಮಲದ ಮೇಲೆ ಕುಳಿತುಕೊಂಡು ಕೈಯಲ್ಲಿ ಪಾಶ, ಅಂಕುಶ, ಹೂವಿನ ಬಾಣ ಮತ್ತು ಕಬ್ಬನ್ನು ಹಿಡಿದು ಭಕ್ತರಿಗೆ ಕಾಮಾಕ್ಷಿ ದೇವಿ ದರ್ಶನ ನೀಡುತ್ತಾಳೆ. ಆದಿ ಶಂಕರಾಚಾರ್ಯರು ಇಲ್ಲಿ ಶ್ರೀ ಚಕ್ರವನ್ನು ಸ್ಥಾಪಿಸಿದ್ದು, ಇದು ಈ ದೇವಾಲಯಕ್ಕೆ ಹೆಚ್ಚಿನ ಆಧ್ಯಾತ್ಮಿಕ ಮಹತ್ವವನ್ನು ನೀಡಿದೆ.

ಕಾಂಚಿಪುರಂ ದೇವಸ್ಥಾನ ಶಕ್ತಿ ಪೀಠ ಎಂದೇ ಪ್ರಸಿದ್ಧವಾಗಿದೆ. ಕಾಮಾಕ್ಷಿ ಎಂಬ ಹೆಸರಿನ ಅರ್ಥವೇ ವಿಶೇಷವಾಗಿದೆ. ಇದರಲ್ಲಿ 'ಕಾ' ಎಂದರೆ ಸರಸ್ವತಿ ದೇವಿಯ ರೂಪ, 'ಮಾ' ಎಂದರೆ ಲಕ್ಷ್ಮಿ ದೇವಿಯ ರೂಪ ಮತ್ತು 'ಅಕ್ಷಿ' ಎಂದರೆ ಕಣ್ಣು. ಅದರಂತೆ, ದೇವತೆ ಸರಸ್ವತಿ ಮತ್ತು ಲಕ್ಷ್ಮಿ ದೇವಿಯ ರೂಪಗಳಲ್ಲಿ ಭಕ್ತರಿಗೆ ಕಾಣಿಸಿಕೊಳ್ಳುತ್ತಾಳೆ ಎಂದು ನಂಬಲಾಗಿದೆ.

ಇದನ್ನೂ ಓದಿ: ಹಠಾತ್ತನೆ ಮದ್ಯಪಾನ ತ್ಯಜಿಸುವುದರಿಂದ ಸಾಯ್ತಾರಾ? ಆಲ್ಕೋಹಾಲ್​ ಬಿಡುವುದಾದ್ರೂ ಹೇಗೆ? ಇಲ್ಲಿದೆ ಉಪಯುಕ್ತ ಮಾಹಿತಿ… | Alcohol

ಕಾಮಾಕ್ಷಿ ದೇವಿಯ ಮೇಲೆ ಭಕ್ತರಿಗೆ ಅಪಾರ ನಂಬಿಕೆ ಇದೆ. ಇದರ ಭಾಗವಾಗಿ, ಭಕ್ತನೊಬ್ಬ ದೇವಿಗೆ ಚಿನ್ನದಿಂದ ಲೇಪಿತವಾದ 10 ಕೆಜಿ ತಾಮ್ರದ ವೀಣೆಯನ್ನು ಅರ್ಪಿಸಿದ್ದಾನೆ. ನೀರಜಾ ವಿಜಯಕುಮಾರ್ ಅವರ ಕುಟುಂಬವು ದೇವಿಗೆ ಈ ಉಡುಗೊರೆಯನ್ನು ಅರ್ಪಿಸಿದೆ. ಈ ಉಡುಗೊರೆಯು ದೇವಿಯ ದೈವಿಕ ರೂಪಕ್ಕೆ ಇನ್ನಷ್ಟು ಸೌಂದರ್ಯವನ್ನು ತಂದಿದೆ.

ಅಂದಹಾಗೆ ಕಾಂಚಿಪುರಂ ಅನ್ನು ಮೋಕ್ಷವನ್ನು ತರುವ ನಗರ ಎಂದು ದಂತಕಥೆಗಳು ಹೇಳುತ್ತವೆ. ಈ ಪವಿತ್ರ ಸ್ಥಳದಲ್ಲಿ ಕಾಮಾಕ್ಷಿ ದೇವಿಯ ದರ್ಶನ ಪಡೆಯುವುದರಿಂದ ಶಾಂತಿ, ಸಮೃದ್ಧಿ ಮತ್ತು ಆಸೆಗಳು ಈಡೇರುತ್ತವೆ ಎಂದು ಭಕ್ತರು ನಂಬುತ್ತಾರೆ. ದೇವಿಗೆ ವಿಶೇಷ ಪ್ರಾರ್ಥನೆ ಸಲ್ಲಿಸಲು ಮತ್ತು ದೈವಿಕ ಆಶೀರ್ವಾದ ಪಡೆಯಲು ಭಕ್ತರು ಈ ದೇವಾಲಯಕ್ಕೆ ಸೇರುತ್ತಾರೆ. ಪ್ರಸ್ತುತ, ದೇವಿಗೆ ಅರ್ಪಿಸಲಾದ ವೀಣೆಗೆ ಸಂಬಂಧಿಸಿದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. (ಏಜೆನ್ಸೀಸ್​)

https://www.vijayavani.net/bihar-husband-addicted-to-alcohol-wife-married-to-loan-recovery-agent

https://www.vijayavani.net/back-pain-do-you-know-that-lying-on-this-bed-will-provide-good-relief