13ನೇ ವಯಸ್ಸಿನಲ್ಲಿ ಕಾಮ್ಯಾ ಪರ್ವತಾರೋಹಣ ಆರಂಭಿಸಿದ್ದರು. ಆಫ್ರಿಕಾದ ಮೌಂಟ್ ಕಿಲಿಮಂಜಾರೋ, ಯುರೋಪಿನ ಮೌಂಟ್ ಎಲ್ಬ›ಸ್, ಆಸ್ಟ್ರೇಲಿಯಾದ ಮೌಂಟ್ ಕೊಸ್ಸಿಯುಸ್ಕೊ, ದಕ್ಷಿಣ ಅಮೆರಿಕಾದ ಮೌಂಟ್ ಅಕೊನ್ಕಾಗುವಾ, ಉತ್ತರ ಅಮೆರಿಕಾದ ಮೌಂಟ್ ಡೆನಾಲಿ, ಏಷ್ಯಾದ ಮೌಂಟ್ ಎವರೆಸ್ಟ್ ಮತ್ತು ಅಂತಿಮವಾಗಿ ಅಂಟಾರ್ಕ್ಟಿಕಾದ ಮೌಂಟ್ ವಿನ್ಸನ್ ಪರ್ವತವನ್ನು ಅವರು ಏರಿದ್ದಾರೆ. ಭಾರತೀಯ ನೌಕಾಪಡೆಯು ಕಾಮ್ಯಾ ಮತ್ತು ಅವರ ತಂದೆಯನ್ನು ಅಭಿನಂದಿಸಿದೆ.ಈ ಸಾಧನೆಯು ಭಾರತೀಯ ಯುವ ಅದಮ್ಯ ಮನೋಭಾವಕ್ಕೆ ಸಾಕ್ಷಿಯಾಗಿದೆ ಎಂದು ಬಣ್ಣಿಸಿದೆ. ಈ ಮೊದಲು, ಮೌಂಟ್ ಎವರೆಸ್ಟ್ ಶಿಖರವನ್ನು ಏರಿದ ಅತ್ಯಂತ ಕಿರಿಯ ವ್ಯಕ್ತಿ ಎಂದು ಕಾಮ್ಯ ಗುರುತಿಸಿಕೊಂಡಿದ್ದರು. ಪ್ರತಿಯೊಂದು ಶಿಖರವೂ ನನಗೆ ಧೈರ್ಯ, ಸಹಿಷ್ಣುತೆ ಮತ್ತು ನಮ್ಮ ಗ್ರಹದ ಸೌಂದರ್ಯದ ಬಗ್ಗೆ ಪಾಠ ಕಲಿಸಿತು. ನನ್ನ ಪ್ರಯಾಣವು ಇತರರನ್ನೂ ಪ್ರೇರೇಪಿಸುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
