ಚನ್ನಪಟ್ಟಣದಲ್ಲಿಯೇ ಜೋರು : ಜಿಲ್ಲೆಯ ಮತದಾರರ ಪೈಕಿ ಅತಿ ಹೆಚ್ಚು ಮತದಾರರಿರುವುದು ಚನ್ನಪಟ್ಟಣದಲ್ಲಿ. ಸುಮಾರು 4 ಸಾವಿರದಷ್ಟಿರುವ ಮತದಾರರನ್ನು ಸೆಳೆಯಲು ಕಸರತ್ತು ತೀವ್ರಗೊಂಡಿದೆ. ಆದರೆ, ಮತದಾರರನ್ನು ಪಕ್ಷವಾರು ಪಟ್ಟಿ ಮಾಡಿ, ಪಕ್ಷಗಳ ಸ್ಥಳೀಯ ನಾಯಕರ ಮೂಲಕವೇ ಮತಯಾಚಿಸುವ ಕೆಲಸವನ್ನೂ ಅಭ್ಯರ್ಥಿಗಳು ಮಾಡುತ್ತಿದ್ದಾರೆ. ಅಲ್ಲದೆ, ಎದುರಾಳಿ ಇಂತಹ ಪಕ್ಷದವನಾಗಿದ್ದು, ತಾನು ಸೋತರೆ ನಮ್ಮ ಪಕ್ಷಕ್ಕೆ ಸೋಲಾಗದಂತೆ ಎನ್ನುವ ಸಂದೇಶ ಸಾರುವ ಮೂಲಕ ಪಕ್ಷದ ಆಧಾರದ ಮೇಲೆ ಮತಯಾಚಿಸುತ್ತಿದ್ದಾರೆ. ಉಳಿದಂತೆ ರಾಮನಗರ, ಮಾಗಡಿ ಮತ್ತು ಕನಕಪುರಗಳಲ್ಲೂ ಪಕ್ಷದ ಪ್ರಭಾವ ಬಳಕೆ ಮಾಡಿಕೊಳ್ಳುವ ಯತ್ನಗಳು ನಡೆದಿದ್ದು, ರಾಜಕೀಯೇತರ ಸಂಬಂಧದಿಂದ ದೂರವೇ ಉಳಿದಿರುವ ಕಸಾಪಗೆ ರಾಜಕೀಯದ ಕೆಸರೆರಚುವ ಕೆಲಸ ಮಾಡಲಾಗುತ್ತಿದೆ.
