ಕಾರಿಡಾರ್​-1 ಮಾರ್ಗ ನಿರ್ಮಾಣಕ್ಕೆ 1,422 ಕೋಟಿ ರೂ. ಮೊತ್ತದ ಟೆಂಡರ್​ ಆಹ್ವಾನ

ಬೆಂಗಳೂರು: ಬೆಂಗಳೂರು ಉಪನಗರ ರೈಲು ಯೋಜನೆ (ಬಿಎಸ್​ಆರ್​ಪಿ), ಕೆಎಸ್​ಆರ್​ ಬೆಂಗಳೂರು ಸಿಟಿ ರೈಲ್ವೆ ನಿಲ್ದಾಣದಿಂದ-ದೇವನಹಳ್ಳಿ (ಕಾರಿಡಾರ್​-1) ಮಾರ್ಗದ ನಿರ್ಮಾಣಕ್ಕೆ ಕೆ-ರೈಡ್​ 1,422 ಕೋಟಿ ರೂ. ಮೊತ್ತದ ಟೆಂಡರ್​ ಆಹ್ವಾನಿಸಿದೆ.

ಉಪನಗರ ರೈಲು ಯೋಜನೆ ಅನುಷ್ಠಾನಗೊಳಿಸುತ್ತಿರುವ ಕೆ-ರೈಡ್​ ಸಂಸ್ಥೆ, ಕಾರಿಡಾರ್​-1ರ 41.40 ಕಿ.ಮೀ ಮಾರ್ಗ ನಿರ್ಮಾಣಕ್ಕೆ ಎರಡು ಹಂತದಲ್ಲಿ ಟೆಂಡರ್​ ಆಹ್ವಾನಿಸುತ್ತಿದೆ. ಮೊದಲ ಹಂತದ ಟೆಂಡರ್​ನಲ್ಲಿ ಕೆಎಸ್​ಆರ್​ ಬೆಂಗಳೂರು ಸಿಟಿ ರೈಲ್ವೆ ನಿಲ್ದಾಣದಿಂದ ಯಲಹಂಕವರೆಗಿನ 18 ಕಿ.ಮೀ ಮಾರ್ಗ ಮತ್ತು ನಿಲ್ದಾಣಗಳ ನಿರ್ಮಾಣಕ್ಕೆ ಟೆಂಡರ್​ ಅಹ್ವಾನಿಸಿದೆ.

ಟೆಂಡರ್​ ಪ್ಯಾಕೇಜ್​ನಲ್ಲಿ 14.5 ಕಿಮೀ ಉದ್ದದ ಎತ್ತರಿಸಿದ ಮಾರ್ಗ ನಿರ್ಮಾಣ, 3.5 ಕಿಮೀ ಉದ್ದದ ನೆಲಮಟ್ಟದ ಮಾರ್ಗದ ನಿರ್ಮಾಣ, ಏಳು ನಿಲ್ದಾಣಗಳ ಕಟ್ಟಡಗಳು ಮತ್ತು ಒಂದು ರೈಲ್ವೆ ಓವರ್​ ಬ್ರಿಡ್ಜ್​ ನಿರ್ಮಾಣವನ್ನು ಒಳಗೊಂಡಿದೆ.

ಎರಡನೇ ಹಂತದಲ್ಲಿ ಯಲಹಂಕದಿಂದ-ದೇವನಹಳ್ಳಿವರೆಗೆ (23 ಕಿ.ಮೀ) ಯೋಜನೆಯನ್ನು ಕೈಗೆತ್ತಿಕೊಳ್ಳಲಿದೆ. ಕಾರಿಡಾರ್​-1 (ಸಂಪಿಗೆ ಮಾರ್ಗ) ನಿರ್ಮಾಣಕ್ಕೆ ಯುರೋಪಿಯನ್​ ಇನ್ವೆಸ್ಟೆಮೆಂಟ್​ ಬ್ಯಾಂಕ್​ ಸಾಲ ನೀಡುತ್ತಿದೆ.