ಆತಿಥ್ಯದ ಆಯ್ಕೆ ಪ್ರಕ್ರಿಯೆ: ಸಮ್ಮೇಳನ ಆಯೋಜಿಸಲು ಬೆಂಗಳೂರು ಗ್ರಾಮಾಂತರ, ಮಂಡ್ಯ, ಚಿಕ್ಕಮಗಳೂರು, ಉತ್ತರಕನ್ನಡ, ರಾಮನಗರ, ಬಳ್ಳಾರಿ, ಬೆಳಗಾವಿ, ಕೋಲಾರ ಹಾಗೂ ಚಿಕ್ಕಬಳ್ಳಾಪುರ ಜಿಲ್ಲಾ ಸಮಿತಿಗಳು ಮುಂದೆ ಬಂದಿದ್ದವು. ಬೇಡಿಕೆ ಹಿಂಪಡೆಯಲು ಅವಕಾಶ ನೀಡಿದಾಗ ಬೆಂಗಳೂರು ಗ್ರಾಮಾಂತರ, ರಾಮನಗರ, ಬೆಳಗಾವಿ, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲಾ ಸಮಿತಿಗಳು ಹಿಂಪಡೆದುಕೊಂಡವು. ಹೀಗಾಗಿ ಮಂಡ್ಯ, ಚಿಕ್ಕಮಗಳೂರು, ಉತ್ತರಕನ್ನಡ ಹಾಗೂ ಬಳ್ಳಾರಿ ಸಮಿತಿಗಳಿಗಾಗಿ ಚುನಾವಣೆ ನಡೆಸಲಾಯಿತು. ಈ ಚುನಾವಣೆಯಲ್ಲಿ ಒಟ್ಟು 54 ಅರ್ಹ ಮತಗಳಿದ್ದವು. ಅದರಲ್ಲಿ 8 ಸದಸ್ಯರು ಗೈರಾಗಿದ್ದರು. ಹಾಜರಿದ್ದ 46 ಸದಸ್ಯರು ಮತ ಚಲಾಯಿಸಿದರು. ಇದರಲ್ಲಿ 17 ಮತಗಳನ್ನು ಪಡೆಯುವ ಮೂಲಕ ಮಂಡ್ಯ ಆತಿಥ್ಯಕ್ಕೆ ಅರ್ಹತೆ ಪಡೆಯಿತು ಎಂದು ಬಳ್ಳಾರಿ ಪರ 14, ಚಿಕ್ಕಮಗಳೂರು 5 ಮತ ಪಡೆದರೆ, ಉತ್ತರಕನ್ನಡಕ್ಕೆ ಒಂದೂ ಮತ ಲಭಿಸಲಿಲ್ಲ. ಇನ್ನುಳಿದ ಮತಗಳು ಅಸಿಂಧುಗೊಂಡಿವೆ ಎಂದು ಮಹೇಶ ವಿವರಿಸಿದರು.
