ಕ್ಷೇತ್ರದಿಂದ ಸತತ 4ನೇ ಬಾರಿ ಮೇಲ್ಮನೆ ಪ್ರವೇಶಿಸಲು ಸಜ್ಜಾಗಿರುವ ಹಾಲಿ ಸದಸ್ಯ, ಬಿಜೆಪಿ-ಜೆಡಿಎಸ್ ಬೆಂಬಲಿತ ವೈ.ಎ.ನಾರಾಯಣಸ್ವಾಮಿ (ವೈಎಎನ್) ಗೆಲುವಿನ ಓಟಕ್ಕೆ ಕಾಂಗ್ರೆಸ್ ಬೆಂಬಲಿತ ಡಿ.ಟಿ.ಶ್ರೀನಿವಾಸ್ (ಡಿಟಿಎಸ್) ಸ್ಪೀಡ್ ಬ್ರೇಕ್ ಹಾಕಲು ಮುಂದಾಗಿದ್ದಾರೆ. ಪಕ್ಷೇತರರಾಗಿ ಕಣಕ್ಕಿಳಿದಿರುವ ಲೋಕೇಶ್ ತಾಳಿಕಟ್ಟೆ, ವಿನೋದ್ ಶಿವರಾಜ್ ಸಹ ಸದ್ದು ಮಾಡುತ್ತಿದ್ದಾರೆ. ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ, ಚಿತ್ರದುರ್ಗ ಹಾಗೂ ದಾವಣಗೆರೆ (3 ತಾಲೂಕು) ಜಿಲ್ಲೆಗಳನ್ನೊಳಗೊಂಡ ಶಿಕ್ಷಕರ ಕ್ಷೇತ್ರದಲ್ಲಿ 25,308 ಮತದಾರರಿದ್ದಾರೆ. 9489 ಮಹಿಳಾ ಹಾಗೂ 15819 ಪುರುಷ ಮತದಾರರು ಹಕ್ಕು ಹೊಂದಿದ್ದಾರೆ. ಸುಶಿಕ್ಷಿತ ಮತದಾರರ ಚುನಾವಣೆಯಲ್ಲಿ ಕುರುಡು ಕಾಂಚಾಣದ ಸದ್ದು ಜೋರಾಗಿದೆ. ಅಲ್ಲದೆ, ಜಾತಿಬಲ, ಹಣಬಲದ ಲೆಕ್ಕಾಚಾರವೂ ಇದೆ.
