I Love Muhammad Protest | ಸಿಎಂ ಯೋಗಿ ನಿರ್ಧಾರದಿಂದ ಬೇಸತ್ತು ಪಕ್ಷಕ್ಕೆ ರಾಜೀನಾಮೆ ನೀಡುತ್ತೇನೆ ಎಂದ ಬಿಜೆಪಿ ನಾಯಕ

I Love Muhammad Protest: ಉತ್ತರಪ್ರದೇಶದಲ್ಲಿ ಕಳೆದ ವಾರದಿಂದ ಸುದ್ದಿಯಲ್ಲಿರುವ 'ಐ ಲವ್ ಮುಹಮ್ಮದ್' ವಿವಾದದ ವಿಷಯದಲ್ಲಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ರ ನಿಲುವನ್ನು ಖಂಡಿಸಿರುವ ಜಮ್ಮು ಮತ್ತು ಕಾಶ್ಮೀರದ ಬಿಜೆಪಿ ಹಿರಿಯ ನಾಯಕ ಜಹಾನ್‌ಜೈಬ್ ಸಿರ್ವಾಲ್ ಪಕ್ಷಕ್ಕೆ ರಾಜೀನಾಮೆ ನೀಡುವುದಾಗಿ ಶುಕ್ರವಾರ(ಅ 3) ಎಚ್ಚರಿಕೆ ನೀಡಿದ್ದಾರೆ.

ಈ ವಿಷಯವಾಗಿ ಸಂದರ್ಶನದಲ್ಲಿ ಮಾತನಾಡಿರುವ ಸಿರ್ವಾಲ್, ಯುಪಿ ಸರ್ಕಾರ ಮತ್ತು ಪೊಲೀಸರು ಮುಸ್ಲಿಂ ಸಮುದಾಯದ ವಿಷಯದಲ್ಲಿ ಸೇಡಿನ ಮನೋಭಾವ ಹೊಂದಿದ್ದಾರೆ ಎಂದರು. ಹೈ ಕಮಾಂಡ್​ ನಾಯಕರುಗಳು ಇದನ್ನು ಸರಿಪಡಿಸುವ ಪ್ರಯತ್ನಕ್ಕೆ ಕೈ ಹಾಕದಿದ್ದರೆ ಪಕ್ಷ ಬಿಡುವುದನ್ನು ಬಿಟ್ಟು ಬೇರೆ ಯಾವುದೇ ದಾರಿ ಇಲ್ಲ ಎಂದಿದ್ದಾರೆ. ಉತ್ತರ ಪ್ರದೇಶದಲ್ಲಿನ ಪರಿಸ್ಥಿತಿ ಪ್ರಧಾನಿ ನರೇಂದ್ರ ಮೋದಿಯವರ 'ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ್' ಎಂಬ ದೃಷ್ಟಿಕೋನಕ್ಕೆ ವಿರುದ್ಧವಾಗಿದೆ ಎಂದರು.

ಇದನ್ನೂ ಓದಿ:ಕರೂರು ಕಾಲ್ತುಳಿತ ದುರಂತ: ಟಿವಿಕೆ ಪಕ್ಷದ ನಾಯಕ, ನಟ ವಿಜಯ್​ ವಿರುದ್ಧ ಮದ್ರಾಸ್​ ಹೈಕೋರ್ಟ್​ ಆಕ್ರೋಶ! Karur Tragedy

ಐ ಲವ್ ಮುಹಮ್ಮದ್ ಬ್ಯಾನರ್ ಮೂಲಕ ಮುಸ್ಲಿಂ ಸಮುದಾಯದ ಭಕ್ತಿಯ ಅಭಿವ್ಯಕ್ತಿಯನ್ನು ಗುರಿಯಾಗಿಯಾಗಿಸಿಕೊಂಡಿರುವ ಯೋಗಿ ಸರ್ಕಾರದ ಇತ್ತೀಚಿನ ಕೆಲ ಕ್ರಮಗಳಿಂದ ನನಗೆ ತೀವ್ರವಾಗಿ ನೋವುಂಟಾಗಿದ್ದು, ನಾನು ಹೆಮ್ಮೆಯ ಮುಸ್ಲಿಂ ಮತ್ತು ಬಿಜೆಪಿಯ ಕಟ್ಟಾ ನಾಯಕ ಎಂದು ಹೇಳಿದರು.

ಏನಿದು 'ಐ ಲವ್ ಮುಹಮ್ಮದ್' ವಿವಾದ..?

ಶಹಜಹಾನ್‌ಪುರ ಸೇರಿದಂತೆ ದೇಶದ ವಿವಿಧ ಭಾಗಗಳಲ್ಲಿ ಪ್ರವಾದಿಯವರ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳ ಪ್ರಕರಣಗಳ ವಿರುದ್ಧ "ಐ ಲವ್ ಮುಹಮ್ಮದ್" ಎಂಬ ಘೋಷಣೆಯಡಿಯಲ್ಲಿ ಹೆಚ್ಚುತ್ತಿರುವ ಪ್ರತಿಭಟನೆಗಳ ಸುತ್ತ ಈ ವಿವಾದ ಕೇಂದ್ರೀಕೃತವಾಗಿದೆ. ಸೆಪ್ಟೆಂಬರ್ 26 ರಂದು ಬರೇಲಿಯಲ್ಲಿ ಶುಕ್ರವಾರದ ಪ್ರಾರ್ಥನೆಯ ನಂತರ ಕೊಟ್ವಾಲಿ ಪ್ರದೇಶದ ಮಸೀದಿಯ ಹೊರಗೆ "ಐ ಲವ್ ಮುಹಮ್ಮದ್" ಎಂದು ಓದುವ ಪೋಸ್ಟರ್‌ಗಳನ್ನು ಹಿಡಿದ ದೊಡ್ಡ ಜನಸಮೂಹ ಜಮಾಯಿಸಿದ ನಂತರ ಘರ್ಷಣೆಗಳು ಭುಗಿಲೆದ್ದವು.

ಈ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ಪೊಲೀಸರು ಸ್ಥಳೀಯ ಧರ್ಮಗುರು ಸೇರಿದಂತೆ 68 ಜನರನ್ನು ಬಂಧಿಸಿದ್ದಾರೆ. ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕದಡುವ ಯಾವುದೇ ಪ್ರಯತ್ನದ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಮುಖ್ಯಮಂತ್ರಿ ಆದಿತ್ಯನಾಥ್ ಎಚ್ಚರಿಸಿದ್ದಾರೆ. ಗೃಹ ಇಲಾಖೆ ಹೊರಡಿಸಿದ ಅಧಿಸೂಚನೆಯ ಪ್ರಕಾರ, ಅಕ್ಟೋಬರ್ 2 ರಂದು ಮಧ್ಯಾಹ್ನ 3 ಗಂಟೆಯಿಂದ ಅಕ್ಟೋಬರ್ 4 ರಂದು ಮಧ್ಯಾಹ್ನ 3 ಗಂಟೆಯವರೆಗೆ ಬರೇಲಿಯಲ್ಲಿ ಮೊಬೈಲ್ ಇಂಟರ್ನೆಟ್, ಬ್ರಾಡ್‌ಬ್ಯಾಂಡ್ ಮತ್ತು ಎಸ್‌ಎಂಎಸ್ ಸೇವೆಗಳು ಸ್ಥಗಿತಗೊಳ್ಳಲಿವೆ.

ಇದನ್ನೂ ಓದಿ:ಆರ್​ಎಸ್​ಎಸ್​ಗೆ 100ರ ಸಂಭ್ರಮ: ಇಸ್ರೇಲ್​ನ ಜಿಯೋನಿಸ್ಟ್​​ಗಳು ಮತ್ತು ಆರ್​ಎಸ್​ಎಸ್ಸಿಗರು ಅವಳಿ ಸಹೋದರರು; ಪಿಣರಾಯಿ ವಿಜಯನ್| Pinarayi Vijayan

'ಐ ಲವ್ ಮುಹಮ್ಮದ್' ವಿವಾದದ ಬಗ್ಗೆ ಯೋಗಿ ಆದಿತ್ಯನಾಥ್

ಕಳೆದ ವಾರ, ಯೋಗಿ ಆದಿತ್ಯನಾಥ್ ಅವರು ಕಾನೂನು ಉಲ್ಲಂಘಿಸುವ ಜನರಿಗೆ "ದಂತ ಚಿಕಿತ್ಸೆ-ಬಣ್ಣ ಬಳಿಯುವುದು ಕಡ್ಡಾಯ" ಎಂದು ಹೇಳಿದ್ದರು ಎಂದು ವರದಿಯಾಗಿದೆ. ಹಿಂದೂ ಹಬ್ಬಗಳು ಬಂದಾಗ, ಕೆಲವರು ಗಲಭೆಗಳನ್ನು ಪ್ರಚೋದಿಸುತ್ತಾರೆ. ಆದರೆ ನಾವು ತೊಂದರೆ ಕೊಡುವವರಿಗೆ ಅವರ ಭವಿಷ್ಯದ ಪೀಳಿಗೆಯೂ ಸಹ ನೆನಪಿನಲ್ಲಿಟ್ಟುಕೊಳ್ಳುವಂತಹ ಪಾಠವನ್ನು ಕಲಿಸಿದ್ದೇವೆ ಎಂದು ಅವರು ಹೇಳಿದರು.(ಏಜೆನ್ಸೀಸ್​​)

https://www.vijayavani.net/i-love-muhammad-if-you-take-the-law-into-your-hands-we-will-give-you-a-ticket-to-hell-without-asking-cm-yogi-warns-those-who-create-anarchy