ಅಮೆರಿಕದಲ್ಲೂ ಪ್ರತಿಮೆಗಳ ತಲೆ ಉರುಳಿಸುವ ಕೆಲಸ ಮಾಡ್ತಾರೆ!

ಮಿಯಾಮಿ: ಅಮೆರಿಕದಲ್ಲೂ ಪ್ರತಿಮೆಗಳ ತಲೆ ಉರುಳಿಸುವ ಕೆಲಸ ಮಾಡ್ತಾರೆ. ಸೌತ್ ಫ್ಲೋರಿಡಾದಲ್ಲಿ ಜೀಸ್​ಸ್ ಕ್ರಿಸ್ಟ್​ನ ತಲೆಯನ್ನು ಉರುಳಿಸಿದ ಘಟನೆ ಇತ್ತೀಚೆಗೆ ನಡೆದಿದ್ದು, ಅದರ ತನಿಖೆ ನಡೆಸುತ್ತಿರುವುದಾಗಿ ಮಿಯಾಮಿ-ಡೇಡ್ ಪೊಲೀಸ್ ಮತ್ತು ಡಿಪಾರ್ಟ್​ಮೆಂಟ್​ ಆಫ್​ ಹೋಮ್​ಲ್ಯಾಂಡ್ ಸೆಕ್ಯುರಿಟಿ ಹೇಳಿದೆ.

ವೆಸ್ಟ್​ ಕೆಂಡಾಲ್​ನ ಗುಡ್​ ಶೆಫರ್ಡ್​ ಕ್ಯಾಥೋಲಿಕ್ ಚರ್ಚ್​ನ ಆವರಣದಲ್ಲಿದ್ದ ಜೀಸಸ್​ ಪ್ರತಿಮೆಗೆ ಹಾನಿ ಎಸಗಿರುವ ಕೃತ್ಯ ಮಂಗಳವಾರ ರಾತ್ರಿ ಅಥವಾ ಬುಧವಾರ ನಸುಕಿನ ವೇಳೆ ನಡೆದಿರಬೇಕು ಎಂಬ ಶಂಕೆ ವ್ಯಕ್ತವಾಗಿದೆ. ಮಿಯಾಮಿಯ ಆರ್ಚಿಡಿಯೋಸಿಸ್​ನ ವಕ್ತಾರ ಮೆರಿ ರೋಸ್ ಅಗಸ್ಟಾ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, ಇದು ಚರ್ಚ್ ಮೇಲೆ ನಡೆದ ದಾಳಿಯಾಗಿದೆ. ಇದು ಖಾಸಗಿ ಆಸ್ತಿಯಷ್ಟೇ ಅಲ್ಲ, ಶ್ರದ್ಧಾ ಕೇಂದ್ರದ ಆಸ್ತಿ. ಬುಧವಾರ ಬೆಳಗ್ಗೆ 8 ಗಂಟೆಗೆ ಜೀಸಸ್​ ಪ್ರತಿಮೆಯ ತಲೆ ನೆಲದ ಮೇಲೆ ಉರುಳಿ ಬಿದ್ದುಕೊಂಡಿರುವುದು ಪತ್ತೆಯಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಜನಪ್ರತಿನಿಧಿಗಳು ನಿಯಮ ಉಲ್ಲಂಘಿಸಿದ್ರೂ ಕ್ರಮ ತೆಗೆದುಕೊಳ್ಳಿ- ಸರ್ಕಾರಕ್ಕೆ ಹೈಕೋರ್ಟ್ ಸೂಚನೆ

"ಓಹ್ ಸಾರಿ.. ಎಂದು ಹೇಳಿದ ಮಾತ್ರಕ್ಕೆ ಬಿಟ್ಟುಬಿಡಬಹುದಾದ ವಿಚಾರವಲ್ಲ ಇದು. ಯಾರೋ ಇದನ್ನು ಉದ್ದೇಶ ಪೂರ್ವಕವಾಗಿಯೇ ಮಾಡಿದ್ದಾರೆ. ನಾವು ವಿಡಿಯೋ ದೃಶ್ಯಾವಳಿಗಳನ್ನು ಪೊಲೀಸರಿಗೆ ಹಸ್ತಾಂತರಿಸಿದ್ದೇವೆ ಎಂದು ಆಕೆ ಹೇಳಿದ್ದಾರೆ.

ಇಂತಹ ಸನ್ನಿವೇಶದಲ್ಲೂ ಜನ ಈ ರೀತಿ ಕೃತ್ಯಗಳಿಗೆ ಸಮಯ ಕಂಡುಕೊಳ್ಳುತ್ತಿರುವುದೇ ಸೋಜಿಗ. ಜನರಿಗೆ ಸುರಕ್ಷಿತ ಭಾವನೆ ಮೂಡಿಸುವ ಪ್ರಯತ್ನದಲ್ಲಿ ನಾವಿದ್ದೇವೆ. ಈ ಕೃತ್ಯವೆಸಗಿದವರ ವಿರುದ್ಧ ಕ್ರಮ ತೆಗೆದುಕೊಳ್ಳುತ್ತೇವೆ ಎಂದು ಪೊಲೀಸ್ ವಕ್ತಾರ ಅರ್ಜೆಮಿಸ್​ ಕೊಲೊಮ್ ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/comet-neowise-to-be-clearly-visible-till-mid-august-in-india/