ಜೆಡಿಎಸ್​ ಸಂಘಟನಾ ಶಕ್ತಿ ಕಳೆದುಕೊಂಡಿಲ್ಲ

ಕೋಲಾರ: ಮುಂದಿನ ದಿನಗಳಲ್ಲಿ ಜೆಡಿಎಸ್​ ಸರ್ವನಾಶ ಮಾಡಬೇಕು, ಮಾರಾಟ ಮಾಡಬೇಕು ಎಂದಾಗ ಅವರವರ ದಾರಿಯನ್ನು ಅವರು ನೋಡಿಕೊಳ್ಳಬೇಕಾಗುತ್ತದೆ. ಯಾಕೆಂದರೆ ನಮ್ಮನ್ನು ನಂಬಿಕೊಂಡು ಲಾಂತರ ಮಂದಿಯಿದ್ದಾರೆ. ನಮಗೂ ಭವಿಷ್ಯವಿದೆ, ಆದರೆ ಇದುವರೆಗೂ ಆತರಹದ ಲಕ್ಷಣ ಕಂಡು ಬಂದಿಲ್ಲ ಎಂದು ಮುಳಬಾಗಿಲು ಶಾಸಕ ಸಮೃದ್ಧಿ ಮಂಜುನಾಥ್​ ಹೇಳಿದರು.

ನಗರದಲ್ಲಿ ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಜಿ.ಟಿ.ದೇವೇಗೌಡ ಯಾವ ಉದ್ದೇಶದಿಂದ ಮಾರ್ಮಿಕವಾಗಿ ಪಕ್ಷದ ಬಗ್ಗೆ ಮಾತನಾಡಿದ್ದಾರೋ ಗೊತ್ತಿಲ್ಲ. ಮುಂದಿನ ನಿರ್ಧಾರದ ಬಗ್ಗೆ ಕಾದು ನೋಡಬೇಕು ಎಂದರು.

ಉಪಚುನಾವಣೆಯಲ್ಲಿ ನಮ್ಮ ಅಭ್ಯರ್ಥಿ ಸೋತ ಮಾತ್ರಕ್ಕೆ ಜೆಡಿಎಸ್​ ಸಂಟನಾ ಶಕ್ತಿ ಕಳೆದುಕೊಂಡಿಲ್ಲ, ಬಹಳಷ್ಟು ಬಲಿಷ್ಠವಾಗಿದೆ ಎಂದರು.

ಇಬ್ರಾಹಿಂ ಬಗ್ಗೆ ಮಾತನಾಡುವುದಿಲ್ಲ, ಯಾಕೆಂದರೆ ಅವರು ಆಗಾಗ ಖಾಲಿ ಗುಂಡು ಹಾರಿಸುತ್ತಿರುತ್ತಾರೆ. ಹಿಂದೆ ಜೆಡಿಎಸ್​&ಬಿಜೆಪಿ ಮೈತ್ರಿ ಆಗುವ ಬಗ್ಗೆ ಚರ್ಚೆ ಮಾಡುತ್ತಿದ್ದಾಗ ಇಬ್ರಾಹಿಂ ಅವರು ಏನು ಆರ್​ ಕೇಳಿದ್ದರು ಎಂಬುದು ಹೇಳಿ ಅಂದರೆ ಹೇಳುತ್ತೇನೆ ಎಂದು ತಿಳಿಸಿದರು.

ಲೋಕಸಭಾ ಚುನಾವಣೆಯಲ್ಲಿ ಕುಮಾರಸ್ವಾಮಿ, ಡಾ.ಮಂಜುನಾಥ್​ ಗೆದ್ದಾಗ ಜೆಡಿಎಸ್​ ಸ್ಟ್ರಾಂಗ್​ ಆಯಿತು ಅಂತ ಚಪ್ಪಾಳೆ ತಟ್ಟಿದರು. ಸೋತ ಕಾರಣಕ್ಕೆ ವೀಕ್​ ಅಂತ ಮುದಲಿಸುತ್ತಾರೆ. ಒಂದು ಬಾರಿ ಸೋತ ಮಾತ್ರಕ್ಕೆ ಶಕ್ತಿ ಕಳೆದುಕೊಳ್ಳಲು ಸಾಧ್ಯವಿಲ್ಲ. ಈಗ ಸೋತಿರಬಹುದು, ಮುಂದಿನ ದಿನಗಳಲ್ಲಿ ಗೆಲುವು ಸಾಧಿಸುತ್ತೇವೆ ಎಂದರು.

ಸೋಲನ್ನು ಗಂಭೀರವಾಗಿ ಪರಿಗಣನೆಗೆ ತೆಗೆದುಕೊಂಡಿದ್ದೇವೆ, ನಿಖಿಲ್​ ಕುಮಾರಸ್ವಾಮಿ ಅವರಿಗೇನು ವಯಸ್ಸಾಗಿಲ್ಲ. ಮುಂದಿನ ದಿನಗಳಲ್ಲಿ ಭವಿಷ್ಯವಿದೆ ಎಂದು ತಿಳಿಸಿದರು.

ಈ ಸರ್ಕಾರದ ಅವಧಿಯಲ್ಲಿ ಕಾಂಗ್ರೆಸ್​ ಶಾಸಕರಿಗೆ ಅನುದಾನ ಸಿಗುತ್ತಿದೆ. ಆದರೆ ನಮಗೆ ಸಿಗುತ್ತಿಲ್ಲ, ಈ ಬಗ್ಗೆ ಹೈ ಕಮಾಂಡ್​ಗೂ ತಿಳಿಸಿದ್ದೇನೆ ಎಂದರು.

ಸರ್ಕಾರದಿಂದ ಅನುದಾನ ಸಿಗುತ್ತಿಲ್ಲ, ಮುಂಬರುವ ಚಳಿಗಾಲದ ಅಧಿವೇಶನದಲ್ಲಿ ಇದರ ಬಗ್ಗೆ ಧ್ವನಿ ಎತ್ತುತ್ತೆವೆ. ಚನ್ನಪಟ್ಟಣ ಸೋಲೋದಕ್ಕೆ ಗ್ಯಾರಂಟಿ ಯೋಜನೆಗಳು ಕಾರಣ. ಗೃಹಲಕ್ಷ್ಮಿ ಯೋಜನೆ ಹಣವನ್ನು ಒಂದೆ ಬಾರಿ ಬಿಡುಗಡೆ ಮಾಡಿ ಮತಗಳನ್ನು ಖರೀದಿ ಮಾಡಿಕೊಂಡರು ಎಂದು ಹೇಳಿದರು.