20ನೇ ಏಷ್ಯನ್​ ಗೇಮ್ಸ್​ನಲ್ಲಿ ಮೊದಲ ಚಿನ್ನದ ಪದಕ ಒಲಿಸಿಕೊಂಡ ಆತಿಥೇಯ ಜಪಾನ್​

ಬ್ಯಾಡ್ಮಿಂಟನ್​ ತಂಡ ಸ್ಪರ್ಧೆಯ ಮಹಿಳಾ ವಿಭಾಗದಲ್ಲಿ ಭಾರತ ತಂಡ ಕ್ವಾರ್ಟರ್​ಫೈನಲ್​ಗೇರಿದ್ದು, ಉಪಾಂತ್ಯಕ್ಕೇರಲು ಆತಿಥೇಯ ಜಪಾನ್​ ವಿರುದ್ಧ ಸೆಣಸಾಡಲಿದೆ. ಪಿವಿ ಸಿಂಧು ಸಾರಥ್ಯದ ಭಾರತ ತಂಡ ಭಾನುವಾರ ನಡೆದ 16ರ ಘಟ್ಟದ ಪಂದ್ಯದಲ್ಲಿ ಕಜಾಕ್​ಸ್ತಾನ ವಿರುದ್ಧ 3-0 ಅಂತರದಿಂದ ಗೆಲುವು ಸಾಧಿಸಿತು. ವಿಶ್ವ ನಂ. 11 ಪಿವಿ ಸಿಂಧು, ಉನ್ನತಿ ಹೂಡಾ ಮತ್ತು ತನ್ವಿ ಶರ್ಮ ಮೊದಲ 3 ಸಿಂಗಲ್ಸ್​ ಪಂದ್ಯಗಳಲ್ಲೂ ಗೆಲುವು ಸಾಧಿಸಿದರು.

ಭಾರತದ ಮಹಿಳೆಯರ ತಂಡ ಟೇಬಲ್​ ಟೆನಿಸ್​ ಸ್ಪರ್ಧೆಯಲ್ಲಿ ಬಲಿಷ್ಠ ಸಿಂಗಾಪುರ ತಂಡಕ್ಕೆ 3-2ರಿಂದ ಆಘಾತಕಾರಿ ಸೋಲುಣಿಸಿದೆ. ಎಫ್​ ಗುಂಪಿನಲ್ಲಿ ಕನ್ನಡತಿ ಯಶಸ್ವಿನಿ ಘೋರ್ಪಡೆ ಒಳಗೊಂಡ ಭಾರತ ತಂಡ ದಿನದ ಮೊದಲ ಪಂದ್ಯದಲ್ಲಿ ಇಂಡೋನೇಷ್ಯಾ ವಿರುದ್ಧ 3-0ರಿಂದ ಜಯಿಸಿತು. ಬಳಿಕ ಸಿಂಗಾಪುರ ವಿರುದ್ಧ ಭಾರತ ಒಂದು ಹಂತದಲ್ಲಿ 1-2ರಿಂದ ಹಿನ್ನಡೆಯಲ್ಲಿತ್ತು. ಬಳಿಕ ದಿವ್ಯಾ ಚಿತಾಲೆ 4ನೇ ಪಂದ್ಯ ಗೆದ್ದು ಆಸೆ ಜೀವಂತವಿಟ್ಟರೆ, ಯಶಸ್ವಿನಿ ನಿರ್ಣಾಯಕ ಪಂದ್ಯ ಜಯಿಸಿದರು. ಪುರುಷರ ವಿಭಾಗದಲ್ಲಿ ಭಾರತ ತಂಡ ಇಂಡೋನೇಷ್ಯಾ ವಿರುದ್ಧ 3-0ಯಿಂದ ಗೆದ್ದರೆ, ಇರಾನ್​ ಎದುರು 0-3ರಿಂದ ಪರಾಭವಗೊಂಡಿತು.