Koffee With Karan: ಬಾಲಿವುಡ್ ನಟಿ ಜಾನ್ವಿ ಕಪೂರ್ ಮತ್ತೆ ವಿವಾದದ ಕೇಂದ್ರಬಿಂದುವಾಗಿದ್ದಾರೆ. ಪ್ರಸಿದ್ಧ 'ಕಾಫಿ ವಿತ್ ಕರಣ್ 9' ಶೋನಲ್ಲಿ ನಟಿ ತಾರಾ ಸುತಾರಿಯಾ ಅವರ ಬಗ್ಗೆ ಜಾನ್ವಿ ನೀಡಿದ ಪರೋಕ್ಷ ಕಮೆಂಟ್ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದ್ದು, ನೆಟ್ಟಿಗರು ಅವರ ವಿರುದ್ಧ ತೀವ್ರ ಆಕ್ರೋಶ ಹೊರಹಾಕುತ್ತಿದ್ದಾರೆ.
'ಕಾಫಿ ವಿತ್ ಕರಣ್ 9' ಶೋನಲ್ಲಿ ವೀರ್ ಪಹಾರಿಯಾಗೆ ಯಾವ ಡೇಟಿಂಗ್ ಸಲಹೆ ನೀಡುತ್ತೀರಾ ಎಂಬ ಕರಣ್ ಜೋಹರ್ ಪ್ರಶ್ನೆಗೆ, ‘ಅವರನ್ನು ಎಂದಿಗೂ ಸಂಗೀತ ಕಚೇರಿಗೆ ಕರೆದುಕೊಂಡು ಹೋಗಬೇಡಿ’ ಎಂದು ಜಾನ್ವಿ ಕಪೂರ್ ಹೇಳಿದ್ದು, ಕರಣ್ ಹಾಗೂ ಅತಿಥಿಗಳಿಗೆ ಶಾಕ್ ನೀಡಿದೆ.
ಸುದ್ದಿಯಾಗಿದ್ದು ಹೇಗೆ?
ವೀರ್ ಪಹಾರಿಯಾ ಹಾಗೂ ನಟಿ ತಾರಾ ಸುತಾರಿಯಾ ಹಿಂದೆ ಡೇಟಿಂಗ್‌ನಲ್ಲಿದ್ದರು. ಡಿಸೆಂಬರ್ 2025ರಲ್ಲಿ ಮುಂಬೈನಲ್ಲಿ ನಡೆದ ಎಪಿ ಧಿಲ್ಲೋನ್ ಸಂಗೀತ ಕಚೇರಿಯಲ್ಲಿ ತಾರಾ 'ಥೋಡಿ ಸಿ ದಾರು' ಹಾಡಿಗೆ ಹೆಜ್ಜೆ ಹಾಕಿದ್ದರು. ಈ ವೇಳೆ ಧಿಲ್ಲೋನ್ ತಾರಾಗೆ ಹಗ್ ಮಾಡಿ ಕೆನ್ನೆಗೆ ಮುತ್ತಿಟ್ಟಾಗ, ಪ್ರೇಕ್ಷಕರ ಸಾಲಿನಲ್ಲಿದ್ದ ವೀರ್ ಪಹಾರಿಯಾ ಅಸಮಾಧಾನಗೊಂಡ ವಿಡಿಯೋ ಭಾರಿ ವೈರಲ್ ಆಗಿತ್ತು.
