'ತಲೈವಾ-ಶಿವಣ್ಣ' ನಟನೆಗೆ ಫ್ಯಾನ್ಸ್​ ಫಿದಾ; 3ನೇ ದಿನಕ್ಕೆ 'ಜೈಲರ್' ಗಳಿಸಿದ್ದೆಷ್ಟು?

ತಮಿಳುನಾಡು: ಸೂಪರ್‌ಸ್ಟಾರ್, ತಲೈವಾ ಅಭಿನಯದ ರಜನಿಕಾಂತ್ 'ಜೈಲರ್' ಚಿತ್ರ ಬಿಡುಗಡೆಗೊಂಡು ಇದೀಗ ಸಿನಿಪ್ರೇಕ್ಷಕರಿಂದ ಮತ್ತು ಅಭಿಮಾನಿಗಳಿಂದ ವ್ಯಾಪಕ ಪ್ರಶಂಸೆ ಪಡೆದುಕೊಂಡಿದ್ದು, ಚಿತ್ರ ಜಾಗತಿಕವಾಗಿ ಬಾಕ್ಸ್​ ಆಫೀಸ್​​ನಲ್ಲಿ​​ ಧೂಳಿಪಟ ಮಾಡಿದೆ. ರಿಲೀಸ್​​ ಆಗಿ ಮೂರು ದಿನಗಳ ಬಳಿಕ ಸಿನಿಮಾ ಮಾಡಿದ ಕಲೆಕ್ಷನ್​ ಮೊತ್ತ ಎಷ್ಟು ಎಂಬುದರ ಮಾಹಿತಿ ಇಲ್ಲಿದೆ ನೋಡಿ.

ಇದನ್ನೂ ಓದಿ: ರೈಲು ಟಿಕೆಟ್‌ ರದ್ದುಗೊಳಿಸಲು ಹೋಗಿ 4 ಲಕ್ಷಕ್ಕೂ ಹೆಚ್ಚು ಹಣ ಕಳೆದುಕೊಂಡ ಹಿರಿಯ ನಾಗರಿಕ

ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಈ ಚಿತ್ರವು ಬಿಡುಗಡೆಯಾದ ಕೇವಲ 3 ದಿನಗಳಲ್ಲಿ ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ 220 ಕೋಟಿ ರೂ.ಗಳ ಗಳಿಕೆಯನ್ನು ತಲುಪಿದೆ. ಅಮೆರಿಕಾದಲ್ಲಿ ಮೊದಲ ದಿನವೇ ಜೈಲರ್​ ಅದ್ದೂರಿ ಪ್ರದರ್ಶನ ಕಾಣುವುದರ ಜತೆ 1 ಮಿಲಿಯನ್​ ಡಾಲರ್​ ಕ್ಲಬ್​ ಸೇರಿತು. ಈ ಮುಖೇನ ಹೊಸ ದಾಖಲೆಯನ್ನು ಕೂಡ ನಿರ್ಮಿಸಿತು. ವಿದೇಶಗಳಲ್ಲಿಯೂ ಸಹ ತಮ್ಮ ನೆಚ್ಚಿನ ನಟನ ಚಿತ್ರಕ್ಕೆ ಜನಮನ್ನಣೆ ಲಭಿಸುತ್ತಿರುವುದನ್ನು ಕಂಡು ಸಹಸ್ರಾರು ಸಂಖ್ಯೆಯ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.

ಜೈಲರ್‌ ಚಿತ್ರದಲ್ಲಿ ಶಿವರಾಜ್​ಕುಮಾರ್​, ವಿನಾಯಕನ್, ತಮನ್ನಾ ಭಾಟಿಯಾ, ರಮ್ಯಾ ಕೃಷ್ಣನ್, ಮೋಹನ್‌ಲಾಲ್, ಜಾಕಿ ಶ್ರಾಫ್, ಮಿರ್ನಾ ಮೆನನ್, ಸುನೀಲ್ ಮತ್ತು ಯೋಗಿ ಬಾಬು ಸೇರಿದಂತೆ ಮುಂತಾದ ಕಲಾವಿದರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/walk-for-20-minutes-daily-get-amazing-health-benefits