ಬೆಂಗಳೂರಿಗರನ್ನು ಬೆಚ್ಚಿಬೀಳಿಸಿದ ಘಟನೆ ಇದು; ಆತಂಕ ತಂದೊಡ್ಡಿದ ಭಯಾನಕ ಶಬ್ದ...

ಬೆಂಗಳೂರು: ಇಂದು ಮಧ್ಯಾಹ್ನ 1.30ರ ಹೊತ್ತಿಗೆ ಬೆಂಗಳೂರಿಗರು ಬೆಚ್ಚಿಬೀಳುವಂತಹ ಒಂದು ಘಟನೆ ನಡೆದಿದೆ. ನಗರದ ಅರ್ಧಕ್ಕರ್ಧ ಭಾಗದಲ್ಲಿ ಭಾರೀ ಪ್ರಮಾಣದ ಸದ್ದು ಆಗಿದ್ದು, ಜನ ಭಯಭೀತಗೊಂಡಿದ್ದಾರೆ.

ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ, ಕಲ್ಯಾಣ ನಗರ, ಎಂ.ಜಿ.ರಸ್ತೆ, ಮಾರತಹಳ್ಳಿ, ವೈಟ್​ಫೀಲ್ಡ್​, ಸರ್ಜಾಪುರ, ಎಲೆಕ್ಟ್ರಾನಿಕ್​ ಸಿಟಿ, ಕೋರಮಂಗಲ, ಲಾಲ್​ಬಾಗ್​ ಸೇರಿ ಹಲವು ಕಡೆಗಳಲ್ಲಿ ಈ ಭಾರಿ ಪ್ರಮಾಣದ ಸದ್ದು ಕೇಳಿಬಂದಿದೆ.

ಪೊಲೀಸರಂತೂ ನಗರದೆಲ್ಲೆಡೆ ತೀವ್ರ ಶೋಧದಲ್ಲಿ ತೊಡಗಿದ್ದಾರೆ. ಇದು ಭೂಕಂಪವಲ್ಲ, ರಿಕ್ಟರ್​ ಮಾಪನದಲ್ಲಿ ದಾಖಲಾಗಿಲ್ಲ ಎಂದು ಪ್ರಕೃತಿ ವಿಕೋಪ ನಿರ್ವಹಣಾ ಮಂಡಳಿ ಅಧ್ಯಕ್ಷ ಶ್ರೀನಿವಾಸ ರೆಡ್ಡಿ ತಿಳಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಹ ಬೆಂಗಳೂರಿಗರು ಈ ಸದ್ದಿನ ಬಗ್ಗೆ ಚರ್ಚೆ ಮಾಡುತ್ತಿದ್ದಾರೆ.