ಐಟಿ ಕಂಪನಿ ಷೇರು ಬೆಲೆ ಒಂದೇ ದಿನದಲ್ಲಿ 20% ಏರಿಕೆ; ಅಪ್ಪರ್ ಸರ್ಕ್ಯೂಟ್ ಹಿಟ್​

ಮುಂಬೈ: ಡಿಆರ್‌ಸಿ ಸಿಸ್ಟಮ್ಸ್ ಇಂಡಿಯಾ ಲಿಮಿಟೆಡ್‌ನ ಷೇರುಗಳು ಗುರುವಾರ ಗಮನಸೆಳೆದವು. ಕಂಪನಿಯ ಷೇರುಗಳ ಬೆಲೆ 20% ರಷ್ಟು ಏರಿಕೆಯಾದವು. ಈ ಮೂಲಕ ಅಪ್ಪರ್ ಸರ್ಕ್ಯೂಟ್ ಹಿಟ್​ ಆಗಿ 26.11 ರೂ. ತಲುಪಿದವು.

ಡಿಆರ್‌ಸಿ ಸಿಸ್ಟಮ್ಸ್‌ನ ಪ್ರಸ್ತುತ ಮಾರುಕಟ್ಟೆ ಮೌಲ್ಯವು 347.06 ಕೋಟಿ ರೂಪಾಯಿ ಇದೆ. ಈ ಷೇರುಗಳ ಬೆಲೆ ಕೇವಲ 3 ತಿಂಗಳಲ್ಲಿ ಅಂದಾಜು 54 ಪ್ರತಿಶತದಷ್ಟು ಬಲವಾದ ಏರಿಕೆ ಕಂಡಿವೆ. ಇತ್ತೀಚೆಗೆ ಕಂಪನಿ ತನ್ನ ಷೇರುದಾರರಿಗೆ 2:1 ಅನುಪಾತದಲ್ಲಿ ಬೋನಸ್ ಷೇರುಗಳನ್ನು ನೀಡಿದೆ. ಇದಲ್ಲದೆ, 2022 ರಲ್ಲಿ, ಇದು 10:1 ರ ಅನುಪಾತದಲ್ಲಿ ಸ್ಟಾಕ್ ವಿಭಜನೆಯನ್ನು ಕೂಡ ಮಾಡಿತ್ತು.

ತ್ರೈಮಾಸಿಕ ಫಲಿತಾಂಶಗಳ ಪ್ರಕಾರ, 2023- 2024 ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿಯು 17.12 ಕೋಟಿ ರೂ. ಆದಾಯ ದಾಖಲಿಸಿದೆ. ಈ ಅವಧಿಯಲ್ಲಿ ಕಾರ್ಯಾಚರಣೆಯ ಲಾಭವು 4.80 ಕೋಟಿ ರೂ. ಇದೆ. ಈ ಕಾರ್ಯಾಚರಣೆಯ ಲಾಭಾಂಶವು 28 ಪ್ರತಿಶತದಷ್ಟಿದೆ. ವಾರ್ಷಿಕ ಕಾರ್ಯಕ್ಷಮತೆಯನ್ನು ಗಮನಿಸಿದರೆ, ಕಂಪನಿಯು 2022-23ರ ಹಣಕಾಸು ವರ್ಷದಲ್ಲಿ 26 ಕೋಟಿ ರೂಪಾಯಿ ಆದಾಯಕ್ಕೆ ಹೋಲಿಸಿದರೆ, 2023-24ನೇ ಹಣಕಾಸು ವರ್ಷದಲ್ಲಿ 48 ಕೋಟಿ ರೂಪಾಯಿ ಆದಾಯ ಗಳಿಸಿದೆ. 2023-24ನೇ ಹಣಕಾಸು ವರ್ಷದಲ್ಲಿ ಕಾರ್ಯಾಚರಣೆಯ ಲಾಭವು 15 ಕೋಟಿ ರೂ.ಗಳಾಗಿದ್ದು, ನಿವ್ವಳ ಲಾಭವು 12 ಕೋಟಿ ರೂ. ಇದೆ.

ಪ್ರವರ್ತಕರು ಕಂಪನಿಯಲ್ಲಿ ಶೇಕಡಾ 22.44 ಪಾಲನ್ನು ಹೊಂದಿದ್ದರೆ, ಸಾರ್ವಜನಿಕ ಅಥವಾ ಚಿಲ್ಲರೆ ಹೂಡಿಕೆದಾರರು ಶೇಕಡಾ 76.88 ಪಾಲು ಹೊಂದಿದ್ದಾರೆ.

2012 ರಲ್ಲಿ ಸಂಯೋಜಿತವಾದ ಈ ಸ್ಮಾಲ್-ಕ್ಯಾಪ್ ಐಟಿ ಕಂಪನಿಯು ಐಟಿ ಸೇವೆಗಳು ಮತ್ತು ಸಲಹಾ ಕಂಪನಿಯಾಗಿದೆ. ಕಂಪನಿಯು ಸಂಪೂರ್ಣ ಶ್ರೇಣಿಯ ಸಾಫ್ಟ್‌ವೇರ್ ಅಭಿವೃದ್ಧಿ ಮತ್ತು ಐಟಿ ಶಕ್ತಗೊಂಡ ಪರಿಹಾರಗಳನ್ನು ಒದಗಿಸುತ್ತದೆ, ಇದರಲ್ಲಿ ಮೊಬೈಲ್ ಅಪ್ಲಿಕೇಶನ್ ಅಭಿವೃದ್ಧಿ, ವೆಬ್‌ಸೈಟ್ ಅಭಿವೃದ್ಧಿ, ಎಐ ಮತ್ತು ಆಟೊಮೇಷನ್, ಎಂಟರ್‌ಪ್ರೈಸ್ ಪರಿಹಾರಗಳು, ಕ್ಲೌಡ್-ಆಧಾರಿತ ಸೇವೆಗಳು ಮತ್ತು ಡಿಜಿಟಲ್ ಮಾರ್ಕೆಟಿಂಗ್ ಸೇವೆಗಳು ಸೇರಿವೆ.

https://www.vijayavani.net/demand-for-stocks-that-returned-5470-in-3-years-now

https://www.vijayavani.net/a-stormy-rise-in-the-share-price-25-increase-in-a-week-what-is-changing-at-paytm