ರೋವರ್ 'ಪ್ರಜ್ಞಾನ್' ಗೆ ಸ್ಲೀಪಿಂಗ್ ಸರ್ಕ್ಯೂಟ್ ಅಳವಡಿಸಲಾಗಿದ್ದು, ಚಂದ್ರನ ಮೇಲ್ಮೈಯಲ್ಲಿ 14 ದಿನಗಳ ನಂತರ ಸೂರ್ಯನ ಬೆಳಕು ಮಸುಕಾದ ನಂತರ 'ನಿದ್ರೆ' ಮಾಡಲು ಅನುವು ಮಾಡಿಕೊಡುತ್ತದೆ ಎಂದು ಅವರು ಹೇಳಿದರು. "ನಾವು ಕಂಪ್ಯೂಟರ್ ಪ್ರೋಗ್ರಾಂ ಅನ್ನು ಪ್ರಾರಂಭಿಸಲಿದ್ದು, ರೋವರ್ ಅನ್ನು ಕಂಪ್ಯೂಟರ್ನಂತೆ ಸ್ಲೀಪಿಂಗ್ ಮೋಡ್ಗೆ ತರುತ್ತೇವೆ. 14 ದಿನಗಳ ನಂತರ ಸೂರ್ಯನ ಬೆಳಕು ಮತ್ತೆ ಚಂದ್ರನ ಮೇಲೆ ಬಿದ್ದಾಗ, ಅಲ್ಲಿನ ವಾತಾವರಣ ಬಿಸಿಯಾಗುತ್ತದೆ, ಹಾಗೂ ರೋವರ್ ಕೆಲಸ ಮಾಡಲು ಪ್ರಾರಂಭಿಸುತ್ತದೆ. ಅದಕ್ಕಾಗಿ ಕಂಪ್ಯೂಟರ್ ಪ್ರೋಗ್ರಾಂ ಅನ್ನು ಸ್ವತಃ ಸಕ್ರಿಯಗೊಳಿಸುತ್ತದೆ. ಇದು ಮತ್ತೆ ಕೆಲಸ ಮಾಡಿದರೆ, ನಮಗೆ ಇನ್ನೂ 14 ದಿನಗಳು ಸಿಗುತ್ತದೆ. ಹಾಗಾದಲ್ಲಿ ನಾವು ನಿಜಕ್ಕೂ ಅದೃಷ್ಟವಂತರು. ಚಂದ್ರನ ಮೇಲಿನ ತಾಪಮಾನವು ತುಂಬಾ ಕಡಿಮೆ ಇರುವುದರಿಂದ ಅನೇಕ ಅಪಾಯಗಳಿವೆ. ಆದರೆ ನಾವು ಪರೀಕ್ಷೆಗಳನ್ನು ಮಾಡಿದ್ದು ಕಾರ್ಯಾಚರಣೆಗಳನ್ನು ಯಶಸ್ವಿ ಆಗಿಸುವ ವಿಶ್ವಾಸ ಹೊಂದಿದ್ದೇವೆ, "ಎಂದು ಅವರು ಹೇಳಿದರು. (ಏಜೆನ್ಸೀಸ್)
