ಸಿರಿಯಾ ಮೇಲೆ ಇಸ್ರೇಲ್​ ಡ್ರೋನ್ ದಾಳಿ: 6 ಸಿರಿಯನ್ ಸೈನಿಕರು ಸಾವು| Israel

Israel: ಸಿರಿಯ ರಾಜಧಾನಿ ಡಮಾಸ್ಕಸ್‌ ಮೇಲೆ ಇಸ್ರೇಲಿ ಡ್ರೋನ್ ದಾಳಿ ನಡೆಸಿದ್ದು, ಆರು ಸಿರಿಯನ್ ಸೈನಿಕರು ಸಾವನ್ನಪ್ಪಿದ್ದಾರೆ ಸರ್ಕಾರಿ ಸ್ವಾಮ್ಯದ ಅಲ್-ಇಖ್ಬರಿಯಾ ವರದಿ ಮಾಡಿದೆ.

ಈ ದಾಳಿಯ ಬಗ್ಗೆ ಇಸ್ರೇಲ್ ಸೇನೆಯು ತಕ್ಷಣಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಡಿಸೆಂಬರ್‌ನಲ್ಲಿ ಬಶರ್ ಅಸ್ಸಾದ್ ಸರ್ಕಾರದ ಪತನದ ನಂತರ, ಇಸ್ರೇಲ್ ಸಿರಿಯದ ವಿವಿಧ ಭಾಗಗಳ ಮೇಲೆ ನೂರಾರು ವೈಮಾನಿಕ ದಾಳಿಗಳನ್ನು ನಡೆಸಿದೆ. ಅಲ್ಲದೆ, ಸಿರಿಯನ್ ಸೇನೆಯ ಆಸ್ತಿಗಳನ್ನು ಇಸ್ರೇಲ್​ ನಾಶಪಡಿಸಿದೆ.

ಈ ದಾಳಿಗಳು ಡಮಾಸ್ಕಸ್ ಮತ್ತು ದಕ್ಷಿಣ ಪ್ರಾಂತ್ಯದ ಸ್ವೀಡಾ ತಲುಪಿವೆ ಎಂದು ಹೇಳಿದೆ. ಕಳೆದ ತಿಂಗಳು ಸರ್ಕಾರಿ ಪರ ಬಂದೂಕುಧಾರಿಗಳು ಮತ್ತು ಸಿರಿಯಾದ ಡ್ರೂಜ್ ಅಲ್ಪಸಂಖ್ಯಾತರ ಹೋರಾಟಗಾರರ ನಡುವೆ ಮಾರಕ ಘರ್ಷಣೆಗಳು ನಡೆದಿದೆ.

ಇದನ್ನೂ ಓದಿ: ಚುನಾವಣಾ ಆಯೋಗವು ಬಿಜೆಪಿಯ ಕೈಗೊಂಬೆಯಾಗಿದೆ: ತಮಿಳುನಾಡು ಸಿಎಂ ಸ್ಟಾಲಿನ್| CM Stalin

ಕಳೆದ ತಿಂಗಳು ನಡೆದ ಹೋರಾಟದ ಸಮಯದಲ್ಲಿ ಇಸ್ರೇಲ್ ಡ್ರೂಜ್ ಜನರ ಪರವಾಗಿ ಮಧ್ಯಪ್ರವೇಶಿಸಿತು. ಇಸ್ರೇಲ್ ಸೇನೆಯೂ ಡ್ರೋಜ್ ನಿಷ್ಠಾವಂತ ಅಲ್ಪಸಂಖ್ಯಾತರಾಗಿ ನೋಡಲಾಗುತ್ತದೆ. ಇದರಿಂದ ಇಸ್ರೇಲಿ ಮಿಲಿಟರಿಯಲ್ಲಿ ಸೇವೆ ಸಲ್ಲಿಸುತ್ತಾರೆ.

ಮಂಗಳವಾರವು ದಾಳಿಗೊಳಗಾದ ಸಿರಿಯನ್​ ಪ್ರದೇಶವು ಸುಮಾರು ಒಂಬತ್ತು ತಿಂಗಳ ಹಿಂದೆ ಅಸ್ಸಾದ್ ಪತನಗೊಳ್ಳುವ ಮೊದಲು ಅವರ ಮಿಲಿಟರಿ ಪೋಸ್ಟ್‌ಗಳನ್ನು ಹೊಂದಿತ್ತು ಎಂದು ವೀಕ್ಷಣಾಲಯ ತಿಳಿಸಿದೆ. ಅಲ್ಲದೆ, ಸಿರಿಯನ್​ ಪ್ರದೇಶದಲ್ಲಿ ಹಲವಾರು ದಾಳಿಗಳು ನಡೆದಿವೆ ಎಂದು ವೀಕ್ಷಣಾಲಯ ತಿಳಿಸಿದೆ. ಆರು ಸೈನಿಕರು ಸಾವನ್ನಪ್ಪುವುದರ ಜೊತೆಗೆ, ಮೂವರು ಗಾಯಗೊಂಡಿದ್ದಾರೆ ಎಂದು ಹೇಳಿದೆ.

ಅಲ್ಲದೆ, ದಕ್ಷಿಣ ಪಟ್ಟಣದ ಕುನೈತ್ರಾ ಬಳಿ ಇಸ್ರೇಲಿ ಡ್ರೋನ್ ದಾಳಿಯಲ್ಲಿ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದಾನೆ ಎಂದು ಅಲ್-ಇಖ್ಬರಿಯಾ ಮತ್ತು ವೀಕ್ಷಣಾಲಯ ತಿಳಿಸಿದೆ. ಕುನೈತ್ರಾ ಬಳಿ ನಡೆದ ದಾಳಿಯನ್ನು ಸಿರಿಯಾದ ವಿದೇಶಾಂಗ ಸಚಿವಾಲಯ ಖಂಡಿಸಿದ್ದು, ಇದು ಅಂತರರಾಷ್ಟ್ರೀಯ ಕಾನೂನನ್ನು ಉಲ್ಲಂಘಿಸುತ್ತದೆ ಮತ್ತು ಈ ಪ್ರದೇಶದಲ್ಲಿ ಶಾಂತಿ ಮತ್ತು ಸ್ಥಿರತೆಗೆ ಧಕ್ಕೆ ತರುತ್ತದೆ ಎಂದು ಹೇಳಿದೆ. (ಏಜೆನ್ಸೀಸ್)

https://www.vijayavani.net/rahul-gandhi-accuses-election-commission-of-india-of-helping-bjp