ನಿಮ್ಮ ಆಧಾರ್​​ಅನ್ನು ಬೇರೆಯರವರು ಬಳಸುತ್ತಿದ್ದಾರೆಯೇ? ಅದನ್ನು ಹೇಗೆ ಪತ್ತೆಹಚ್ಚುವುದು ಗೊತ್ತಾ?Aadhaar

Aadhaar: ಇಂದಿನ ಕಾಲದಲ್ಲಿ ಆಧಾರ್ ಕಾರ್ಡ್ ಬಹಳ ಮುಖ್ಯವಾದ ದಾಖಲೆಯಾಗಿದೆ. ಪ್ರಯಾಣವಾಗಲಿ, ಶಾಲೆ ಅಥವಾ ಕಾಲೇಜಿಗೆ ಪ್ರವೇಶ ಪಡೆಯುವಾಗ ಅಥವಾ ಬ್ಯಾಂಕ್​​ ಖಾತೆಗೆ ತೆರೆಯುವಾಗ ಎಲ್ಲಾ ಕಡೆ ಗುರುತಿನ ಚೀಟಿಗಾಗಿ ಆಧಾರ್ ಸಂಖ್ಯೆಯನ್ನು ಕೇಳಲಾಗುತ್ತದೆ.

ಆದರೆ ಇದರ ಬಳಕೆ ಹೆಚ್ಚಾದಂತೆ, ಅದು ವಂಚನೆ ಮತ್ತು ನಕಲಿಗೂ ಗುರಿಯಾಗುತ್ತಿದೆ. ಹಲವು ಬಾರಿ ನಮಗೆ ತಿಳಿಯದೆಯೇ ಬೇರೆಯವರು ನಮ್ಮ ಆಧಾರ್​​​ಅನ್ನು ಬಳಸಬಹುದು. ಅಂತಹ ಪರಿಸ್ಥಿತಿಯಲ್ಲಿ ನಮ್ಮ ಆಧಾರ್ ದುರುಪಯೋಗವಾಗುತ್ತಿದೆಯೇ ಅಥವಾ ಇಲ್ಲವೇ ಎಂಬುದನ್ನು ನಾವು ಪರಿಶೀಲಿಸುತ್ತಿರುವುದು ಮುಖ್ಯ. ಅದು ಹೇಗೆ ಗೊತ್ತಾ? ಇಲ್ಲಿದೆ ನೋಡಿ ಮಾಹಿತಿ.

ನಿಮ್ಮ ಆಧಾರ್ ಎಲ್ಲಿ ಬಳಸಲಾಗಿದೆ ಎಂದು ಕಂಡುಹಿಡಿಯುವುದು ಹೇಗೆ?

ಯುಐಡಿಎಐ (ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ) 'ದೃಢೀಕರಣ ಇತಿಹಾಸ' ಎಂಬ ಆನ್‌ಲೈನ್ ಸೌಲಭ್ಯವನ್ನು ಒದಗಿಸಿದ್ದು, ಅದರ ಮೂಲಕ ನಿಮ್ಮ ಆಧಾರ್ಅನ್ನು ಯಾವಾಗ ಮತ್ತು ಎಲ್ಲಿ ಬಳಸಲಾಗಿದೆ ಎಂಬುದನ್ನು ನೀವು ನೋಡಬಹುದಾಗಿದೆ.

ಹಂತ ಹಂತದ ಮಾಹಿತಿ

ಮೊದಲು ನೀವು ನನ್ನ ಆಧಾರ್ ಪೋರ್ಟಲ್‌ಗೆ ಹೋಗಿ ಅಲ್ಲಿ ನಿಮ್ಮ ಆಧಾರ್ ಸಂಖ್ಯೆ ಮತ್ತು ಕ್ಯಾಪ್ಚಾ ಕೋಡ್ ಅನ್ನು ಹಾಕಬೇಕು. ನಂತರ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬಂದ OTP ಹಾಕಿ ಲಾಗಿನ್ ಮಾಡಿ ಆಗಬೇಕು.

ಲಾಗಿನ್ ಆದ ನಂತರ 'ದೃಢೀಕರಣ ಇತಿಹಾಸ' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಮತ್ತು ನೀವು ಮಾಹಿತಿಯನ್ನು ನೋಡಲು ಬಯಸುವ ದಿನಾಂಕವನ್ನು ಆಯ್ಕೆ ಮಾಡಬೇಕು

ಅಲ್ಲಿ ನಿಮ್ಮ ಆಧಾರ್ ಅನ್ನು ಎಷ್ಟು ಬಾರಿ ಬಳಸಲಾಗಿದೆ ಎಂಬುದರ ಮಾಹಿತಿಯನ್ನು ನೋಡಬಹುದು.

ನೀವು ಯಾವುದೇ ಅನುಮಾನಾಸ್ಪದ ಅಥವಾ ಅಪರಿಚಿತ ಮಾಹಿತಿಯನ್ನು ನೋಡಿದರೆ ತಕ್ಷಣ ದೂರು ನೀಡುವುದು ಉತ್ತಮ.

ಇದನ್ನೂ ಓದಿ: ಪಹಲ್ಗಾಮ್ ಭಯೋತ್ಪಾದಕ ದಾಳಿ; ಮೊರಾರಿ ಬಾಪು ಕಾರ್ಯಕ್ರಮ ನೋಡಲು ಬಂದ ತಂದೆ-ಮಗನ ಹತ್ಯೆ

ಎಲ್ಲಿ ದೂರು ನೀಡಬೇಕು?

ನಿಮಗೆ ಅಲ್ಲಿ ಏನಾದರೂ ತಪ್ಪು ಕಂಡುಬಂದರೆ, ನೀವು UIDAI ಸಹಾಯವಾಣಿ ಸಂಖ್ಯೆ 1947 ಗೆ ಕರೆ ಮಾಡುವ ಮೂಲಕ ದೂರು ಸಲ್ಲಿಸಬಹುದು. ಅಥವಾ ನೀವು help@uidai.gov.in ಗೆ ಇಮೇಲ್ ಕಳುಹಿಸಬಹುದು .

ಮತ್ತೊಂದೆಡೆ ಯಾರೂ ನಿಮ್ಮ ಫಿಂಗರ್‌ಪ್ರಿಂಟ್ ಅಥವಾ ಕಣ್ಣಿನ ಸ್ಕ್ಯಾನ್ ಅನ್ನು ದುರುಪಯೋಗಪಡಿಸಿಕೊಳ್ಳಬಾರದು ಎಂದು ನೀವು ಬಯಸಿದರೆ, ನೀವು ನಿಮ್ಮ ಆಧಾರ್‌ನ ಬಯೋಮೆಟ್ರಿಕ್ ಮಾಹಿತಿಯನ್ನು ಲಾಕ್ ಮಾಡಬಹುದು.

ಬಯೋಮೆಟ್ರಿಕ್ಸ್ ಲಾಕ್ ಮಾಡುವುದು ಹೇಗೆ

UIDAI ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು "ಲಾಕ್/ಅನ್‌ಲಾಕ್ ಬಯೋಮೆಟ್ರಿಕ್ಸ್" ಹೋಗಬೇಕು.

ವರ್ಚುವಲ್ ಐಡಿ (ವಿಐಡಿ), ಹೆಸರು, ಪಿನ್ ಕೋಡ್ ಮತ್ತು ಕ್ಯಾಪ್ಚಾ ನಮೂದಿಸಬೇಕು

ನಂತರ OTP ಮೂಲಕ ಪರಿಶೀಲಿಸಿ ಮತ್ತು ಬಯೋಮೆಟ್ರಿಕ್ಸ್ ಅನ್ನು ಲಾಕ್ ಮಾಡಿ

ಪ್ರಮುಖ ಸಲಹೆಗಳು

ನಿಮ್ಮ ಆಧಾರ್ ಚಟುವಟಿಕೆಯನ್ನು ಕಾಲಕಾಲಕ್ಕೆ ಪರಿಶೀಲಿಸುತ್ತಿರಿ. ಮೊಬೈಲ್ ಸಂಖ್ಯೆ, ವಿಳಾಸ ಮತ್ತು ಬಯೋಮೆಟ್ರಿಕ್ಸ್‌ನಂತಹ ಆಧಾರ್ ವಿವರಗಳನ್ನು ನವೀಕರಿಸುತ್ತಲೇ ಇರಿ. ವಿಶೇಷವಾಗಿ ನೀವು ಕಳೆದ 10 ವರ್ಷಗಳಿಂದ ಅದನ್ನು ನವೀಕರಿಸದಿದ್ದರೆ, ಅಥವಾ ಅಪಘಾತದಿಂದಾಗಿ ಬಯೋಮೆಟ್ರಿಕ್ಸ್ ಬದಲಾಗಿದ್ದರೆ, ಅಥವಾ ಮಗುವಿಗೆ 15 ವರ್ಷ ಪೂರ್ಣಗೊಂಡಿದ್ದರೆ ಆಧಾರ್​ ನವೀಕರಿಸುವುದು ಉತ್ತಮ. (ಏಜೆನ್ಸೀಸ್​)