ಗ್ಯಾರಂಟಿಗಳಿಂದಾಗಿ ಮಹಿಳೆಯರು, ಅಹಿಂದ ವರ್ಗ ಖುಷಿಯಾಗಿದೆ ಎಂದು ಕಾಂಗ್ರೆಸ್ ಬೀಗುತ್ತಿತ್ತು. ಬೆಲೆ ಏರಿಕೆ ಹಾಗೂ ತೆರಿಗೆ, ಅನುದಾನ ವಿಚಾರದಲ್ಲಿ ಕೇಂದ್ರದಿಂದ ಅನ್ಯಾಯವಾಗುತ್ತಿದೆ ಎಂಬ ಆರೋಪ ವರವಾಗಬಹುದೆಂದು ಕೈ ಪಡೆ ಎಣಿಸಿತ್ತು. ಆದರೆ ತಳಮಟ್ಟದಲ್ಲಿ ಬೇರೆಯದೇ ಚಿತ್ರಣ ಇದೆ ಎಂಬುದು ಕಾಂಗ್ರೆಸ್ ನಾಯಕರ ಗಮನಕ್ಕೆ ಬಂದಿದೆ. ಉಚಿತ ವಿದ್ಯುತ್ ನೀಡಿಕೆ, ಮಹಿಳೆಯರ ಖಾತೆಗೆ ನೇರ ಹಣ ಹೋಗುವುದು ವಿಧಾನಸಭೆ ಬಳಿಕ ಲೋಕಸಭೆ ಚುನಾವಣೆಯಲ್ಲೂ ಭರ್ಜರಿ ಮತ ಫಸಲು ಬರಬಹುದೆಂದು ಕೈಪಡೆ ಲೆಕ್ಕಾಚಾರ ಹಾಕಿತ್ತು. ಆದರೆ ಶ್ರಮಿಕ ವರ್ಗ ಸೇರಿದಂತೆ ತಳಮಟ್ಟ ದಲ್ಲೂ ಮತದಾರರ ನಾಡಿಬಡಿತಕ್ಕೆ ಸ್ಟೆತ ಸ್ಕೋಪ್ ಇಟ್ಟಿರುವ ಕಾಂಗ್ರೆಸ್ಗೆ ಪುರುಷ ಮತ ದಾರರ ಮುನಿಸಿನ ಅರಿವಾಗಿದೆ.
