‘ನಾವು ವಾರಗಟ್ಟಲೆ, ತಿಂಗಳುಗಟ್ಟಲೆ ನಮ್ಮ ಪ್ರಯತ್ನಗಳನ್ನು ಮುಂದುವರಿಸಲು ಸಾಧ್ಯವಿಲ್ಲ. ಬೇಗನೇ ನಿರ್ಧಾರ ಕೈಗೊಳ್ಳಬೇಕಾಗಿದೆ’ ಎಂದು ಪ್ಯಾರಿಸ್ನಲ್ಲಿ ಐರೋಪ್ಯ ಮತ್ತು ಯೂಕ್ರೇನ್ ನಾಯಕರ ಭೇಟಿಯ ನಂತರ ರೂಬಿಯೋ ಹೇಳಿದರು. ಈ ವಿಚಾರದಲ್ಲಿ ಅಧ್ಯಕ್ಷ ಟ್ರಂಪ್ರ ನಿಲುವು ದೃಢವಾಗಿದೆ. ಅವರು ಈ ವಿಷಯದಲ್ಲಿ ಸಾಕಷ್ಟು ಸಮಯ ಹಾಗೂ ಶಕ್ತಿಯನ್ನು ವಿನಿಯೋಗಿಸಿದ್ದಾರೆ. ಇದು ಮುಖ್ಯವೇ. ಆದರೆ, ಗಮನ ಹರಿಸಬೇಕಾದ ಇನ್ನೂ ಹಲವು ವಿಚಾರಗಳಿವೆ ಎಂದಿದ್ದಾರೆ. ಯೂಕ್ರೇನ್ ಜತೆಗಿನ ಅಮೆರಿಕ ಮಾತುಕತೆಯಲ್ಲಿ ಸ್ವಲ್ಪ ಪ್ರಗತಿಯಾಗಿರುವುದರ ನಡುವೆಯೇ ರೂಬಿಯೋ ಶಾಂತಿ ಸಂಧಾನ ಕೈಬಿಡುವ ಎಚ್ಚರಿಕೆ ನೀಡಿದ್ದಾರೆ. 2022ರ ಫೆಬ್ರವರಿ 24ರಂದು ಆರಂಭವಾದ ಕದನ ಇನ್ನೂ ಮುಂದುವರಿದಿದೆ.
