ಟ್ರಂಪ್​ನನ್ನು ಕೊಂದೇ ಕೊಲ್ಲುತ್ತೇವೆ: ಇರಾನ್​ ಬೀದಿಗಳಲ್ಲಿ ಶವ ಪೆಟ್ಟಿಗೆಯಲ್ಲಿ ಮಲಗಿರುವ ಅಮೆರಿಕ ಅಧ್ಯಕ್ಷನ ಬಿಲ್​ಬೋರ್ಡ್​ ವೈರಲ್​! Donald Trump in Coffin

ತೆಹ್ರಾನ್​: ಕಳೆದ ಕೆಲ ದಿನಗಳಿಂದ ಸ್ವಲ್ಪಮಟ್ಟಿಗೆ ಶಾಂತವಾಗಿದ್ದ ಮಧ್ಯಪ್ರಾಚ್ಯದಲ್ಲಿ ಈಗ ಮತ್ತೆ ಸಂಘರ್ಷ ಭುಗಿಲೆದ್ದಿದೆ. ಇರಾನ್​ನ ಆಯತೊಲ್ಲಾ ಅಲಿ ಖಮೇನಿ ಅವರ ಅಂತ್ಯಕ್ರಿಯೆ ನಡೆದ ನಂತರ ಅಮೆರಿಕ ಇರಾನ್​ ಮೇಲೆ ದಾಳಿ ಮುಂದುವರಿಸಿದೆ.

ಇರಾನ್​ನಲ್ಲಿ ಆಯತೊಲ್ಲಾ ಅಲಿ ಖಮೇನಿಯ ಅಂತ್ಯಸಂಸ್ಕಾರ ನಡೆಯುತ್ತಿದ್ದ ಸಮಯದಲ್ಲಿ ನಾಟೋ ಶೃಂಗ ಸಭೆಯಲ್ಲಿ ಪಾಲ್ಗೊಂಡಿದ್ದ ಅಮೆರಿಕ ಅಧ್ಯಕ್ಷ ಟ್ರಂಪ್​ (Donald Trump in Coffin) ನಾವು ಇರಾನ್​ ಜೊತೆ ಯಾವುದೇ ಒಪ್ಪಂದ ಮಾಡಿಕೊಂಡಿಲ್ಲ, ಇಲ್ಲಿವರೆಗೆ ಘೋಷಣೆ ಮಾಡಿರುವ ಎಲ್ಲಾ ಕದನ ವಿರಾಮ ಇನ್ಮುಂದೆ ಇರುವುದಿಲ್ಲ ಎಂದು ಹೇಳುವ ಮೂಲಕ ಯುದ್ಧದ ಸೆಕೆಂಡ್​ ಇನ್ನಿಂಗ್ಸ್​ಗೆ ನಾಂದಿಹಾಡಿದರು.

ಒಂದು ಕಡೆ ಟ್ರಂಪ್​ ಕದನ ವಿರಾಮ ಮೊಟಕುಗೊಳಿಸುತ್ತಿದ್ದಂತೆ ಇನ್ನೊಂದೆಡೆ ಇರಾನ್​ನಲ್ಲಿ ತಮ್ಮ ಮಾಜಿ ನಾಯಕ ಆಯತೊಲ್ಲಾ ಅಲಿ ಖಮೇನಿಯ ಸಾವಿಗೆ ಕಾರಣನಾದ ಡೊನಾಲ್ಡ್​ ಟ್ರಂಪ್​ನನ್ನು ಕೊಲ್ಲಲೇಬೇಕು ಎಂಬ ಆಕ್ರೋಶ ಮುಗಿಲು ಮುಟ್ಟಿದೆ.

ಖಮೇನಿಯ ಶವಸಂಸ್ಕಾರದ ಯಾತ್ರೆಯಲ್ಲಿ ಕೂಡ ಟ್ರಂಪ್​ನನ್ನು ನಾವು ಕೊಲ್ಲುತ್ತೆವೆ, ಟ್ರಂಪ್​ ಸತ್ತರೆ ಮಾತ್ರ ನಮ್ಮ ನಾಯಕ ಸಾವಿಗೆ ನ್ಯಾಯ ಸಿಗುತ್ತದೆ ಎಂಬ ಘೋಷಣೆಗಳು ಕೇಳಿಬಂದಿದ್ದವು.

ಇಂದು (ಗುರುವಾರ, ಜು.16) ಇರಾನ್​ನ ಬಿದಿಗಳಲ್ಲಿ ಡೊನಾಲ್ಡ್​ ಟ್ರಂಪ್​ನನ್ನು ಶವಪೆಟ್ಟಿಗೆ (ಕಾಫಿನ್​) ಯಲ್ಲಿ ಮಲಗಿಸಿರುವ ಚಿತ್ರ ಹೊಂದಿರುವ ಬಿಲ್​ ಬೋರ್ಡ್​ಗಳನ್ನು ನಗರದ ಪ್ರಮುಖ ಬೀದಿಗಳಲ್ಲಿ ಅಂಟಿಸಿ, ಟ್ರಂಪ್​ನನ್ನು ನಾವು ಕೊಲ್ಲುತ್ತೆವೆ ಎಂದು ಪರ್ಷಿಯನ್​ ಹಾಗೂ ಇಂಗ್ಲೀಷ್​​ ಭಾಷೆಗಳಲ್ಲಿ ಬರೆಯಲಾಗಿದೆ, (ಏಜನ್ಸೀಸ್​).