ಮಧ್ಯಪ್ರಾಚ್ಯದಲ್ಲಿ ಮುಗಿಯದ ಯುದ್ಧ: ಹಾರ್ಮುಜ್​ ಮೇಲೆ ಅಮೆರಿಕ ದಾಳಿ; ಬಹ್ರೇನ್​, ಕುವೈತ್​, ಜೊರ್ಡನ್ ಮೇಲೆ ಇರಾನ್ ಪ್ರತಿದಾಳಿ! Iran Attacks Bahrain, Kuwait, Jordan

ಇರಾನ್​: ಮಧ್ಯಪ್ರಾಚ್ಯದಲ್ಲಿ ಸಂಘರ್ಷ ಶುರುವಾಗಿ ಸುಮಾರು ನೂರು ದಿನಗಳು ಕಳೆದರೂ ಸಹ ಶಾಂತಿ ಸ್ಥಾಪನೆಯ ಯಾವುದೇ ಲಕ್ಷಣಗಳು ಕಂಡುಬರುತ್ತಿಲ್ಲ.

ಇರಾನ್​ ಮೇಲೆ ಅಮೆರಿಕ ದಾಳಿ ಮಾಡಿದ ಹಿನ್ನಲೆ ಬುಧವಾರ (ಜೂ.10) ಇರಾನ್​ ಕುವೈತ್​, ಬಹ್ರೇನ್​ ಮೇಲೆ ವೈಮಾನಿಕ ದಾಳಿ ನಡೆಸಿದೆ ಎಂದು ತಿಳಿದು ಬಂದಿದೆ. ಇದರ ಜೊತೆಗೆ ಜೊರ್ಡನ್​ ಮೇಲೆ ಸಹ ಇರಾನ್​ ಮಿಸೈಲ್​ ದಾಳಿ (Iran Attacks Bahrain, Kuwait, Jordan) ನಡೆಸಿದೆ ಎಂದು ವರದಿಯಾಗಿದೆ.

ಹಾರ್ಮುಜ್​ ಜಲಸಂಧಿ ಬಳಿ ಹಾರಾಟ ನಡೆಸುತ್ತಿದ್ದ ಅಮೆರಿಕದ ಆಧುನಿಕ ಅಪಾಚೆ ಹೆಲಿಕಾಪ್ಟರ್​ನ್ನು ಇರಾನ್​ ಹೊಡೆದು ಹಾಕಿದೆ ಎಂದು ಅಮೆರಿಕ ಹೇಳಿದೆ. ಈ ದಾಳಿಗೆ ಪ್ರತೀದಾಳಿಯಾಗಿ ಯುಎಸ್​, ಇರಾನಿನ ಹಾರ್ಮುಜ್​ ಬಳಿ ಭಾರಿ ಮಿಸೈಲ್​ ದಾಳಿಯನ್ನು ನಡೆಸಿದೆ.

ಇತ್ತ ಅಮರಿಕ ಇರಾನ್​ ಮೇಲೆ ದಾಳಿ ಮಾಡುತ್ತಿದ್ದಂತೆ ಇರಾನ್​ ಕುವೈತ್​, ಬಹ್ರೇನ್​ ಮತ್ತು ಜೊರ್ಡನ್​ನಲ್ಲಿರುವ ಅಮೆರಿಕದ ನೆಲೆಗಳ ಮೇಲೆ ದಾಳಿ ಮಾಡಿದೆ.

ಜೊರ್ಡನ್​ ಸಚಿವಾಲಯ ತಿಳಿಸಿದಂತೆ ಅವರು ಇರಾನ್​ನಿಂದ ಬಂದ ಐದು ಮಿಸೈಲ್​ಗಳನ್ನು ತಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಇರಾನ್​ ಜೊರ್ಡನ್​ನ ಮುವಾಫಾಕ್ ಸಾಲ್ಟಿ ವಾಯುನೆಲೆ ಮೇಲೆ ದಾಳಿ ನಡೆಸಿದ್ದು, ಇಲ್ಲಿ ಅಮೆರಿಕದ ಶಕ್ತಿಶಾಲಿ ಯುದ್ಧವಿಮಾನವಾದ ಎಫ್​-35 ಹೆಲಿಕಾಪ್ಟರ್​ನ್ನು ಗುರಿಯಾಗಿಸಿ ದಾಳಿ ಮಾಡಿದೆ ಎಂದು ಹೇಳಲಾಗುತ್ತಿದೆ.

ಬಹ್ರೇನ್​, ಕುವೈತ್​ ಹಾಗೂ ಜೊರ್ಡನ್​ ಈ ಮೂರು ದೇಶಗಳು ತಮ್ಮ ರಕ್ಷಣಾ ಕವಚವನ್ನು ಸಕ್ರೀಯಗೊಳಿಸಿಕೊಳ್ಳುತ್ತಿದ್ದು, ಇರಾನ್​ನಿಂದ ಮುಂದೆ ಬರಲಿರುವ ಮಿಸೈಲ್​ಗಳು ಹಾಗೂ ವೈಮಾನಿಕ ದಾಳಿಯನ್ನು ಹೇಗೆ ತಡೆಗಟ್ಟಬೇಕೆಂದು ಚರ್ಚೆ ನಡೆಸುತ್ತಿವೆ ಎಂದು ಮಾಹಿತಿ ಲಭ್ಯವಾಗಿದೆ, (ಏಜನ್ಸೀಸ್​).