ಇದನ್ನೂ ಓದಿ : 26 ಮಂದಿಯನ್ನು ಬಲಿಪಡೆದ ಭೀಕರ ಅಪಘಾತ; ಸಾವಿನ ದವಡೆಯಿಂದ ಪವಾಡದಂತೆ ಪಾರಾದ 2 ವರ್ಷದ ಕಂದಮ್ಮ! Death News
ಮನೆಯ ಕಪಾಟುಗಳನ್ನೇ ತೆರೆಯುವ ತುಂಟ ಡೈಸಿ
ಮನೆಗೆ ಬಂದಾಗ ಕೇವಲ 9 ಪೌಂಡ್ ಇದ್ದ ಪುಟ್ಟ ಡೈಸಿ, ಈಗ ಭರ್ತಿ 50 ಪೌಂಡ್ ತೂಕದಷ್ಟು ಬೆಳೆದು ನಿಂತಿದೆ. ಮನೆಯೊಳಗೇ ರಾಜಾರೋಷವಾಗಿ ಓಡಾಡಿಕೊಂಡಿರುವ ಡೈಸಿಯ ತುಂಟಾಟಗಳು ಗೈಲಾಗೆ ನಿತ್ಯವೂ ಹೊಸ ಮನರಂಜನೆ ಹಾಗೂ ಸವಾಲುಗಳನ್ನು ನೀಡುತ್ತಿವೆ.
ಡೈಸಿಗೆ ಮೂರು ತಿಂಗಳಿದ್ದಾಗಲೇ ಅಡುಗೆಮನೆಯ ಕಪಾಟುಗಳನ್ನು ತನ್ನ ಮೂತಿಯಿಂದಲೇ ತೆರೆಯುವ ಕಲೆಯನ್ನು ಕರಗತ ಮಾಡಿಕೊಂಡಿತ್ತಂತೆ, ಕಪಾಟಿನಲ್ಲಿದ್ದ ವಸ್ತುಗಳನ್ನೆಲ್ಲಾ ಹೊರಗೆಳೆದು ಚೆಲ್ಲಾಪಿಲ್ಲಿ ಮಾಡುವುದು ಅದರ ಫೇವರಿಟ್ ಆಟ. ಹಂದಿಗಳಿಗೆ ಸಹಜವಾಗಿಯೇ ನೆಲವನ್ನು ಮೂಗಿನಿಂದ ಅಗೆಯುವ ಮತ್ತು ಕೆದಕುವ ಸ್ವಭಾವವಿರುವುದರಿಂದ, ಮನೆಯ ಬೆಲೆಬಾಳುವ ವಸ್ತುಗಳು ಹಾಗೂ ಕಾರ್ಪೆಟ್‌ಗಳನ್ನು ಡೈಸಿಯ ತುಂಟಾಟದಿಂದ ರಕ್ಷಿಸಲು ಗೈಲಾ ವಿಶೇಷ ಎಚ್ಚರಿಕೆ ವಹಿಸಬೇಕಾಯಿತು.
'ಚಾರ್ಲೆಟ್ಸ್ ವೆಬ್' ಚಿತ್ರದ ಹುಡುಗಿಯೇ ನಾನು
ಡೈಸಿಯೊಂದಿಗಿನ ತಮ್ಮ ಅಪರೂಪದ ಬಾಂಧವ್ಯವನ್ನು ನೆನೆಯುವ ಗೈಲಾ, ಹಾಲಿವುಡ್‌ನ ಜನಪ್ರಿಯ 'ಚಾರ್ಲೆಟ್ಸ್ ವೆಬ್' (Charlotte's Web) ಸಿನಿಮಾದ ಪುಟ್ಟ ಹುಡುಗಿಯ ಪಾತ್ರವನ್ನು ನೆನಪಿಸಿಕೊಳ್ಳುತ್ತಾರೆ. ಆ ಸಿನಿಮಾದಲ್ಲಿ ಹಂದಿಯ ಮೇಲೆ ಅಪಾರ ಪ್ರೀತಿ ತೋರಿಸುವ ಪುಟ್ಟ ಹುಡುಗಿ ನಾನೇ ಎಂದು ನನಗೆ ಭಾಸವಾಗುತ್ತದೆ ಎನ್ನುತ್ತಾರೆ ಅವರು.
ಗೈಲಾ ಅವರಿಗೆ ಮೂಕಪ್ರಾಣಿಗಳ ಮೇಲಿನ ಈ ಪ್ರೀತಿ ಹೊಸದೇನಲ್ಲ. ಈ ಹಿಂದೆಯೂ ಗಾಯಗೊಂಡಿದ್ದ ಅನೇಕ ಪುಟ್ಟ ಪಕ್ಷಿಗಳನ್ನು ರಕ್ಷಿಸಿ, ಅವುಗಳಿಗೆ ಆರೈಕೆ ಮಾಡಿ ಮರುಜೀವ ನೀಡಿದ್ದಾರೆ. "ನಾನು ಯಾವಾಗಲೂ ಪುಟ್ಟ ಪಕ್ಷಿಗಳನ್ನು ರಕ್ಷಿಸಿ ಬೆಳೆಸುತ್ತಿದ್ದೆ. ಹೀಗಿರುವಾಗ ಮನೆಯಲ್ಲಿ ಹಂದಿಯನ್ನು ಸಾಕುವುದು ನನಗೆ ದೊಡ್ಡ ವಿಷಯವೇನಲ್ಲ. ಇದು ನನ್ನ ಬಹುದಿನಗಳ ಕನಸಾಗಿತ್ತು, ಕೊನೆಗೂ ಅದನ್ನು ನನಸಾಗಿಸಿಕೊಂಡಿದ್ದೇನೆ" ಎಂದು ಗೈಲಾ ಸಂತಸ ವ್ಯಕ್ತಪಡಿಸಿದ್ದಾರೆ. ಒಂದು ದಾಂಪತ್ಯದ ಅಂತ್ಯ ಗೈಲಾ ಅವರ ಜೀವನದಲ್ಲಿ ಹೊಸ ಬೆಳಕು ಹಾಗೂ ಕನಸಿನ ಆರಂಭಕ್ಕೆ ನಾಂದಿ ಹಾಡಿದೆ. ಡೈಸಿಯ ಕ್ಯೂಟ್ ತುಂಟಾಟಗಳು ಮತ್ತು ಗೈಲಾ ಅವರ ಅಪರಿಮಿತ ಪ್ರೀತಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ನೆಟ್ಟಿಗರ ಮನಗೆದ್ದಿದೆ.
