ನಮ್ಮವರನ್ನೇ ಟಾರ್ಗೆಟ್​ ಮಾಡಿದ್ದಾರೆ! 'ಅಪರಿಚಿತ ಬಂದೂಕುಧಾರಿ' ಗುಂಡಿಗೆ 30 ಕ್ಕೂ ಅಧಿಕ ಉಗ್ರರು ಮಟಾಶ್​​; ಲಷ್ಕರ್​ ಕಮಾಂಡರ್​ ರಿಜ್ವಾನ್ ಹನೀಫ್ ವಿಡಿಯೋ ವೈರಲ್​! Rizwan Hanif on Unknown Gunman

ನವದೆಹಲಿ: ಕೆಲ ತಿಂಗಳುಗಳ ಹಿಂದೆ ಬಿಡುಗಡೆಯಾಗಿದ್ದ ಬಾಲಿವುಡ್​ ಸಿನಿಮಾ ಧುರಂಧರ್​ನಲ್ಲಿ ಭಾರತದ ಗೂಢಚರರು 'ಅಪರಿಚಿತ ಬಂದೂಕುಧಾರಿ' ಗಳಾಗಿ ಪಾಕಿಸ್ತಾನದಲ್ಲಿರುವ ಉಗ್ರರನ್ನು ಕೊಲ್ಲುವ ದೃಶ್ಯಗಳನ್ನು ತೋರಿಸಿದ್ದರು.

ಈಗ ಆ ಸಿನಿಮಾದಲ್ಲಿ ತೋರಿಸಿದಂತೆ, ಅಪರಿಚಿತ ಬಂದೂಕುಧಾರಿಗಳು ಕುಖ್ಯಾತ ಭಯೋತ್ಪಾದನಾ ಸಂಘಟನೆಯಾದ ಲಷ್ಕರ್​-ಎ- ತೊಯ್ಬಾದ ಸುಮಾರು 30 ಕ್ಕೂ ಅಧಿಕ ಉಗ್ರರನ್ನು ಕೊಂದಿದ್ದಾರೆಂದು, ಖುದ್ದು ಈ ಸಂಘಟನೆಯ ಭಯೋತ್ಪಾದಕ (Rizwan Hanif on Unknown Gunman) ಒಪ್ಪಿಕೊಂಡಿರುವ ವಿಡಿಯೋವೊಂದು ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವಿಡಿಯೋನಲ್ಲಿ, ಲಷ್ಕರ್​ ಸಂಘಟನೆಯ ಭಯೋತ್ಪಾದಕ ರಿಜ್ವಾನ್ ಹನೀಫ್, ಕಳೆದ ನಾಲ್ಕು ವರ್ಷಗಳಿಂದ ನಮ್ಮ ಸುಮಾರು 30 ಕ್ಕೂ ಹೆಚ್ಚು ಜನರನ್ನು ಅಪರಿಚಿತ ಬಂದೂಕುಧಾರಿಗಳ ಕೈಯಲ್ಲಿ ಸಾವನ್ನಪ್ಪಿದ್ದಾರೆ.

ಈ ವಿಡಿಯೋನಲ್ಲಿ ಮಾತನಾಡಿರುವ ಉಗ್ರ ರಿಜ್ವಾನ್​ ಹನೀಫ್ ಕೂಡ ಭಾರತದ ಹಿಟ್​ ಲಿಸ್ಟ್​ನಲ್ಲಿದ್ದು, ಇವನ ಮೇಲೆ ವಾರೆಂಟ್​ಅನ್ನು ಜಾರಿ ಮಾಡಲಾಗಿದೆ. ಆದರೆ ಪಾಕಿಸ್ತಾನದ ನೆಲದಲ್ಲಿ ನಡೆಯುತ್ತಿರುವ ಈ ಅಪರಿಚಿತ ಬಂದೂಕುಧಾರಿ ಕಾರ್ಯಾಚರಣೆಯಲ್ಲಿ ಭಾರತದ ಯಾವುದೇ ಪಾತ್ರವಿಲ್ಲ ಎಂದು ಗುಪ್ತಚರ ಇಲಾಖೆ ಸ್ಪಷ್ಟ ಪಡಿಸಿದೆ, (ಏಜನ್ಸೀಸ್​).