ಮತ್ತೊಂದೆಡೆ ನೇಪಾಳ ಪ್ರವಾಹದಲ್ಲಿ ಮೃತಪಟ್ಟವರ ಸಂಖ್ಯೆ 1,093ಕ್ಕೆ ಏರಿಕೆಯಾಗಿದ್ದು, ಸುಮಾರು 4,000 ಜನರು ಕಾಣೆಯಾಗಿದ್ದಾರೆ. ದೇಶದ ವಿವಿಧ ಜಲವಿದ್ಯುತ್ ಯೋಜನೆಗಳಿಂದ ನೂರಾರು ಕಾರ್ಮಿಕರು ನಾಪತ್ತೆಯಾಗಿದ್ದಾರೆ. 216 MW ಸಾಮರ್ಥ್ಯದ ಅಪ್ಪರ್ ತ್ರಿಶೂಲಿ-1 ಯೋಜನೆಯಿಂದಲೇ 557ಕ್ಕೂ ಹೆಚ್ಚು ಜನರು ನಾಪತ್ತೆಯಾಗಿದ್ದು, 254 ಜನರನ್ನು ರಕ್ಷಿಸಲಾಗಿದೆ. ಇಲ್ಲಿ ಚೀನಾ ಮತ್ತು ದಕ್ಷಿಣ ಕೊರಿಯಾ ತಂಡಗಳು ಕಾರ್ಯಾಚರಣೆಯಲ್ಲಿ ತೊಡಗಿವೆ. 37 MW ನ ಅಪ್ಪರ್ ತ್ರಿಶೂಲಿ-3B ಯೋಜನೆಯಲ್ಲಿ 122 ಜನರು, 22 MW ನ ಚಿಲಿಮೆ ಯೋಜನೆಯಲ್ಲಿ 8 ಜನರು, 20 MW ನ ಲಾಂಗ್ಟಾಂಗ್ ಖೋಲಾದಲ್ಲಿ 41 ಜನರು ಹಾಗೂ 14.1 MW ನ ಮೈಲುಂಗ್ ಖೋಲಾ ಯೋಜನೆಯಲ್ಲಿ 7 ಜನರು ನಾಪತ್ತೆಯಾಗಿದ್ದಾರೆ. ಇವುಗಳ ಹೊರತಾಗಿ ರಸುವಾಗಢಿ ಯೋಜನೆಯಲ್ಲಿ 93, ರಸುವಾ-ಭೋಟೇಕೋಶಿಯಲ್ಲಿ 4, ಮಿಡಲ್ ತ್ರಿಶೂಲಿ ಗಂಗಾದಲ್ಲಿ 2 ಹಾಗೂ ತ್ರಿಶೂಲಿ ಮತ್ತು ದೇವಿಘಾಟ್ ಯೋಜನೆಗಳಲ್ಲಿ ತಲಾ ಒಬ್ಬರು ನಾಪತ್ತೆಯಾಗಿದ್ದಾರೆ(ಏಜೆನ್ಸೀಸ್).
