ಇರಾನ್ ಯುದ್ಧದ ಕಿಚ್ಚು: ಹಾರ್ಮುಜ್ ಜಲಸಂಧಿ ಬಳಿ 23,000 ಭಾರತೀಯ ನಾವಿಕರು ದಿಗ್ಬಂಧನ! | Strait of Hormuz

ಇರಾನ್‌ನ ಪರಮಾಣು ಮತ್ತು ಕ್ಷಿಪಣಿ ನೆಲೆಗಳ ಮೇಲೆ ಅಮೆರಿಕ ಹಾಗೂ ಇಸ್ರೇಲ್ ನಡೆಸಿದ ದಾಳಿಗೆ ಪ್ರತಿಯಾಗಿ ಇರಾನ್ ಈ ಕಠಿಣ ಕ್ರಮ ಕೈಗೊಂಡಿದೆ. ಇದರಿಂದಾಗಿ ಭಾರತದ ಧ್ವಜ ಹೊಂದಿರುವ 36 ಹಡಗುಗಳು ಪರ್ಷಿಯನ್ ಗಲ್ಫ್‌ನಲ್ಲಿ ಸಿಲುಕಿಕೊಂಡಿವೆ. ಇವುಗಳಲ್ಲಿ 7 ಹಡಗುಗಳು ಸರ್ಕಾರಿ ಸ್ವಾಮ್ಯದ 'ಶಿಪ್ಪಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ'ಗೆ ಸೇರಿವೆ. ಈ ಹಡಗುಗಳಲ್ಲಿ ಕಚ್ಚಾ ತೈಲ, ವಾಣಿಜ್ಯ ಸರಕು ಮತ್ತು ಎಲ್‌ಪಿಜಿ (LPG) ಸಂಗ್ರಹವಿದ್ದು, ಅವುಗಳ ಮುಂದಿನ ಪ್ರಯಾಣ ಅಸಾಧ್ಯವಾಗಿದೆ.

ಈಗಾಗಲೇ ಈ ಸಮುದ್ರ ಪ್ರದೇಶದಲ್ಲಿ ನಡೆಯುತ್ತಿರುವ ಕ್ಷಿಪಣಿ ದಾಳಿಗಳು ಭಾರತೀಯ ನಾವಿಕರ ಪ್ರಾಣಕ್ಕೆ ಸಂಚಕಾರ ತಂದಿವೆ. ಓಮನ್ ಕೊಲ್ಲಿಯಲ್ಲಿ 'ಸ್ಕೈಲೈಟ್' ಎಂಬ ತೈಲ ಟ್ಯಾಂಕರ್ ಮೇಲೆ ನಡೆದ ದಾಳಿಯಲ್ಲಿ ಭಾರತದ ಆಶಿಶ್ ಕುಮಾರ್ ಮತ್ತು ದಲಿಪ್ ಸಿಂಗ್ ಎಂಬ ಇಬ್ಬರು ನಾವಿಕರು ಸಾವನ್ನಪ್ಪಿದ್ದಾರೆ. ಪ್ರಸ್ತುತ 1,074 ಭಾರತೀಯ ಸಿಬ್ಬಂದಿಗಳು ಅಪಾಯಕಾರಿ ಪರ್ಷಿಯನ್ ಗಲ್ಫ್‌ನಲ್ಲಿರುವ ಹಡಗುಗಳಲ್ಲೇ ಉಳಿದುಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಪರಿಸ್ಥಿತಿಯ ಗಂಭೀರತೆಯನ್ನು ಅರಿತ ಕೇಂದ್ರ ನೌಕಾಯಾನ ಸಚಿವ ಸರ್ಬಾನಂದ ಸೋನೊವಾಲ್ ಅವರು ಮಂಗಳವಾರ ಉನ್ನತ ಮಟ್ಟದ ಸಭೆ ನಡೆಸಿದ್ದಾರೆ. ಭಾರತೀಯ ನಾವಿಕರ ರಕ್ಷಣೆಗಾಗಿ ಸರ್ಕಾರ ಕೈಗೊಂಡಿರುವ ಪ್ರಮುಖ ಕ್ರಮಗಳಿವು.

ಪ್ರತಿ ಗಂಟೆಗೂ ಕಣ್ಗಾವಲು: ಈ ಹಿಂದೆ ಪ್ರತಿ 6 ಗಂಟೆಗೊಮ್ಮೆ ನಡೆಸಲಾಗುತ್ತಿದ್ದ ಹಡಗುಗಳ ತಪಾಸಣೆಯನ್ನು ಈಗ ಪ್ರತಿ ಗಂಟೆಗೊಮ್ಮೆ (Hourly monitoring) ಮಾಡುವಂತೆ ಸೂಚಿಸಲಾಗಿದೆ.

ಕ್ವಿಕ್ ರಿಸ್ಪಾನ್ಸ್ ಟೀಮ್ (QRT): ತುರ್ತು ಸಂದರ್ಭಗಳಲ್ಲಿ ತಕ್ಷಣ ಸ್ಪಂದಿಸಲು ವಿಶೇಷ ತಂಡವನ್ನು ರಚಿಸಲಾಗಿದೆ.

ಸಹಾಯವಾಣಿ: ಸಿಲುಕಿರುವ ನಾವಿಕರ ಕುಟುಂಬದವರಿಗಾಗಿ ಪ್ರತ್ಯೇಕ ಸಹಾಯವಾಣಿ ಸಂಖ್ಯೆಗಳನ್ನು ಬಿಡುಗಡೆ ಮಾಡಲಾಗಿದೆ.

ಸತತ ಸಂಪರ್ಕ: ಕೇಂದ್ರ ಸಚಿವಾಲಯವು ಅಂತರಾಷ್ಟ್ರೀಯ ಏಜೆನ್ಸಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದು, ನಾವಿಕರ ಸುರಕ್ಷಿತ ವಾಪಸಾತಿಗೆ ಶ್ರಮಿಸುತ್ತಿದೆ.

"

ಭಾರತೀಯ ನೌಕಾಪಡೆಯು ಕೂಡ ಹೈ-ರಿಸ್ಕ್ ವಲಯದಲ್ಲಿ ಕಣ್ಗಾವಲು ಹೆಚ್ಚಿಸಿದ್ದು, ಸಿಲುಕಿರುವ ನಾವಿಕರನ್ನು ಸುರಕ್ಷಿತವಾಗಿ ಹೊರತರಲು ರಾಜತಾಂತ್ರಿಕ ಹಂತದಲ್ಲಿ ಪ್ರಯತ್ನಗಳು ಮುಂದುವರಿದಿವೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).