ಅಮೆರಿಕದಲ್ಲಿ ಆತ್ಮಾಹುತಿ, ಕೆಮಿಕಲ್​ ಬಾಂಬ್​ ದಾಳಿಗೆ ಇರಾನ್​ ಪ್ಲ್ಯಾನ್​? ಟ್ರಂಪ್​ ಆಪ್ತ ವಲಯವೇ ಟಾರ್ಗೆಟ್​; ಗುಪ್ತಚರ ಇಲಾಖೆ ವರದಿಯಲ್ಲಿ ಸ್ಫೋಟಕ ಮಾಹಿತಿ! Iran US Conflict

US President Donald Trump and Iran's Supreme Leader Mojtaba Khamenei
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಇರಾನ್ ಸವೋಚ್ಛ ನಾಯಕ ಮೊಜ್ತಬಾ ಖಮೇನಿ
Published on: 

ವಾಷಿಂಗ್ಟನ್​: ಕಳೆದೊಂದು ವರ್ಷದಿಂದ ಇರಾನ್​ ಮತ್ತು ಅಮೆರಿಕ ನಡುವಿನ ಸಂಘರ್ಷ ಜಾರಿಯಲ್ಲಿದ್ದು, ಅಲ್ಲಲ್ಲಿ ಕದನ ವಿರಾಮ ಘೋಷಣೆಯಾಗುತ್ತಿದ್ದರೂ, ಸಂಪೂರ್ಣ ಶಾಂತಿ ಇನ್ನುವರೆಗೆ ನೆಲೆಸಿಲ್ಲ.

ಹೀಗಾಗಿ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಈ ಸಂಘರ್ಷವನ್ನು ಹೇಗಾದರೂ ನಿಲ್ಲಿಸಬೇಕೆಂದು ವಿಶ್ವದ ನಾಯಕರು ಪ್ರಯತ್ನ ಮಾಡುತ್ತಿದ್ದರೆ, ಈಗ ಅಮೆರಿಕದ ಗುಪ್ತಚರ ಇಲಾಖೆ ಇನ್ನೊಂದು ಶಾಕಿಂಗ್​ ಮಾಹಿತಿ ಹೊರಹಾಕಿದೆ.

ಇರಾನ್​ ನಮ್ಮ ಮೇಲೆ ದಾಳಿ ಮಾಡಲಿದೆ!

ಒಂದು ಕಡೆ ಶಾಂತಿ ಸ್ಥಾಪನೆ ಬಗ್ಗೆ ಮಾತನಾಡುತ್ತಿರುವ ಇರಾನ್​ ಈಗ ಅಮೆರಿಕದ ಮೇಲೆ ದಾಳಿ ನಡೆಸಲು ಮುಂದಾಗಿದೆ ಎಂದು ಅಮೆರಿಕದ ಗುಪ್ತಚರ ಇಲಾಖೆ ಮಾಹಿತಿ ಹಂಚಿಕೊಂಡಿದೆ ಎಂದು ಕೆಲ ಜಾಗತಿಕ ಮಾಧ್ಯಮಗಳು ವರದಿ ಮಾಡಿವೆ.

ನಮಗೆ ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಇರಾನ್​​ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಅವರ ಆಪ್ತ ವಲಯದಲ್ಲಿರುವ ಅಧಿಕಾರಿಗಳು ಹಾಗೂ ಉನ್ನತ ಸ್ಥಾನದಲ್ಲಿರುವ ವ್ಯಕ್ತಿಗಳನ್ನು ಗುರಿಯಾಗಿಸಿ ದಾಳಿ ನಡೆಸಲಿದೆ ಎಂದು ತಿಳಿದುಬಂದಿದೆ ಎಂದು ಗುಪ್ತಚರ ಇಲಾಖೆ ಮಾಹಿತಿ ಹಂಚಿಕೊಂಡಿದೆ.

ಕೆಮಿಕಲ್​ ವೆಪನ್​​... ಸಿಕ್ರೇಟ್​ ಬಾಂಬ್​ ಬಳಕೆ ಸಾಧ್ಯತೆ!

ಇನ್ನು ಇರಾನ್​ ಯಾವ ಮಾದರಿಯಲ್ಲಿ ಸಂಭಾವ್ಯ ದಾಳಿ ನಡೆಸಬಹುದೆಂದು ಲೆಕ್ಕ ಹಾಕಿರುವ ಅಮೆರಿಕ, ಇರಾನ್​ ನೇರವಾಗಿ ವೈಮಾನಿಕ ದಾಳಿ, ಅಥವಾ ಘೋಷಿತ ಯುದ್ಧ ನಡೆಸುವುದೆಲ್ಲಾ ಅಸಾಧ್ಯವಾಗಿದೆ.

ಆದರೆ, ನಮ್ಮ ದೇಶದಲ್ಲಿರುವ ಇರಾನ್​ ಬೆಂಬಲಿಗರನ್ನು ಗುರುತಿಸಿ, ಸೂಸೈಡ್​ ಬಾಂಬಿಂಗ್​, ಡರ್ಟಿ ಬಾಂಬಿಂಗ್​ ಅಥವಾ ಕೆಮಿಕಲ್​ ವೆಪನ್​ಗಳನ್ನು ಬಳಿಸಿಕೊಂಡು ದಾಳಿ ನಡೆಸಬಹುದೆಂದು ಹೇಳಲಾಗುತ್ತಿದೆ.

ರಾಜಕೀಯ ನಾಯಕರ ಅಥವಾ ಸಾರ್ವಜನಿಕ ಸಭೆಗಳಿಗೆ ಪ್ರವೇಶ ಪಡೆದು ಅಲ್ಲಿ ಆತ್ಮಾಹುತಿ ಬಾಂಬಿಂಗ್​ ಮಾಡುವುದು ಮಧ್ಯಪ್ರಾಚ್ಯದವರ ಸಾಂಪ್ರದಾಯಿಕ ವಿಧಾನವಾಗಿದ್ದು, ಇದನ್ನು ಆದಷ್ಟು ಬೇಗ ಹಾಗೂ ಪರಿಣಾಮಾತ್ಮಕವಾಗಿ ಎದುರಿಸುವ ಜವಾಬ್ದಾರಿ ಅಮೆರಿಕದ ಮೇಲಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

Also Read
ನಾನು ಜೀವಂತವಾಗಿ ಆಚೆ ಬರುವುದಿಲ್ಲ!: ಅಡಿಯಾಲಾ ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಆತಂಕಕಾರಿ ಸಂದೇಶ! Imran Khan
US President Donald Trump and Iran's Supreme Leader Mojtaba Khamenei

ಏಳು ಷರತ್ತುಗಳಿಟ್ಟ ಇರಾನ್​!

ಮಾಹಿತಿ ಪ್ರಕಾರ, ಟೆಹ್ರಾನ್ ಅಮೆರಿಕದ ಮುಂದೆ ಇಟ್ಟಿರುವ ಪ್ರಮುಖ ಬೇಡಿಕೆಗಳ ಪಟ್ಟಿ ಹೀಗಿದೆ:

  1. ಲೆಬನಾನ್ ಯುದ್ಧಕ್ಕೆ ಫುಲ್‌ಸ್ಟಾಪ್: ಲೆಬನಾನ್‌ನಲ್ಲಿ ನಡೆಯುತ್ತಿರುವ ಮಿಲಿಟರಿ ಸಂಘರ್ಷವನ್ನು ಸಂಪೂರ್ಣವಾಗಿ ನಿಲ್ಲಿಸಬೇಕು.

  2. ನೌಕಾ ದಿಗ್ಬಂಧನ ತೆರವು: ಇರಾನ್‌ನ ಪ್ರಮುಖ ಬಂದರುಗಳ ಮೇಲೆ ಅಮೆರಿಕ ವಿಧಿಸಿರುವ ನೌಕಾ ದಿಗ್ಬಂಧನವನ್ನು ತಕ್ಷಣವೇ ಹಿಂಪಡೆಯಬೇಕು.

  3. ನಿರ್ಬಂಧಗಳ ರದ್ದು: ಇರಾನ್ ಮೇಲೆ ಹೇರಿರುವ ಎಲ್ಲಾ ಆರ್ಥಿಕ ನಿರ್ಬಂಧಗಳನ್ನು ರದ್ದುಗೊಳಿಸಬೇಕು.

  4. ಆಸ್ತಿ ಬಿಡುಗಡೆ: ವಿದೇಶಗಳಲ್ಲಿ ಅಮೆರಿಕ ಮುಟ್ಟುಗೋಲು ಹಾಕಿಕೊಂಡಿರುವ ಇರಾನ್‌ನ ಬಿಲಿಯನ್‌ಗಟ್ಟಲೆ ಡಾಲರ್ ಮೌಲ್ಯದ ಆಸ್ತಿಯನ್ನು ಮುಕ್ತಗೊಳಿಸಬೇಕು.

  5. ಅಮೆರಿಕ ಸೇನೆ ವಾಪಸ್: ಮಧ್ಯಪ್ರಾಚ್ಯ ಭಾಗದಲ್ಲಿ ಬೀಡುಬಿಟ್ಟಿರುವ ಅಮೆರಿಕದ ಸೇನಾ ಪಡೆಯನ್ನು ಗಣನೀಯವಾಗಿ ಕಡಿತಗೊಳಿಸಬೇಕು.

  6. ಯುದ್ಧ ನಷ್ಟ ಪರಿಹಾರ: ಈವರೆಗೆ ನಡೆದಿರುವ ದಾಳಿ ಮತ್ತು ಹಾನಿಗೆ ಅಮೆರಿಕವೇ ಸಂಪೂರ್ಣ ನಷ್ಟ ಪರಿಹಾರ ನೀಡಬೇಕು.

  7. ದಾಳಿಗೆ ಬ್ರೇಕ್: ಇರಾನ್ ಭೂಪ್ರದೇಶದ ಮೇಲೆ ಅಮೆರಿಕ ನಡೆಸುತ್ತಿರುವ ದಾಳಿಗಳನ್ನು ಸಂಪೂರ್ಣವಾಗಿ ಕೊನೆಗೊಳಿಸಬೇಕು.

ಇತ್ತ ವಾಷಿಂಗ್ಟನ್ ಮಾತ್ರ, ಯಾವುದೇ ಶಾಂತಿ ಮಾತುಕತೆ ಶುರುವಾಗಬೇಕಿದ್ದರೂ ಮೊದಲು ಇರಾನ್‌ನ ಅಣ್ವಸ್ತ್ರ ಕಾರ್ಯಕ್ರಮಗಳ ಮೇಲೆಯೇ ಚರ್ಚೆ ನಡೆಯಬೇಕು ಎಂದು ಪಟ್ಟು ಹಿಡಿದಿದೆ, (ಏಜೆನ್ಸೀಸ್).