"ಇಸ್ರೇಲ್‌ನಲ್ಲಿ ನನ್ನ ರೇಟಿಂಗ್ 99%"!
ಸಂದರ್ಶನದಲ್ಲಿ ಮಾತನಾಡುತ್ತಾ ಅಮೆರಿಕ ಹಾಗೂ ಇಸ್ರೇಲ್ ರಾಜಕೀಯದ ಬಗ್ಗೆ ಚರ್ಚಿಸಿದ ಟ್ರಂಪ್, ಇಸ್ರೇಲ್‌ನಲ್ಲಿ ನನ್ನ ಜನಪ್ರಿಯತೆಯ ರೇಟಿಂಗ್ ಶೇಕಡಾ 99ರಷ್ಟಿದೆ. ಒಂದು ವೇಳೆ ಯುನೈಟೆಡ್ ಸ್ಟೇಟ್ಸ್‌ನ ಜನರು ನನ್ನಿಂದ ಬೇಸತ್ತರೆ, ನಾನು ನೇರವಾಗಿ ಇಸ್ರೇಲ್‌ಗೆ ತೆರಳಿ ಅಲ್ಲಿನ ಪ್ರಧಾನಮಂತ್ರಿ ಆಗಿಬಿಡುತ್ತೇನೆ" ಎಂದು ಹಾಸ್ಯ ಚಟಾಕಿ ಹಾರಿಸಿದ್ದಾರೆ.
ಡೆಮಾಕ್ರಟ್‌ಗಳು ಕಾಂಗ್ರೆಸ್ ಮೇಲೆ ಹಿಡಿತ ಸಾಧಿಸಲು ಭಾರೀ ಕಸರತ್ತು ನಡೆಸುತ್ತಿರುವ ಬೆನ್ನಲ್ಲೇ, ಟ್ರಂಪ್ ಅವರ ಎರಡನೇ ಅವಧಿಯ ಶಾಸಕಾಂಗ ಪರೀಕ್ಷೆಯಂತಿರುವ ಮಧ್ಯಂತರ ಚುನಾವಣೆ ವೇಳೆ ಈ ಹೇಳಿಕೆ ಹೊರಬಿದ್ದಿರುವುದು ರಾಜಕೀಯ ಪಡಸಾಲೆಯಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.
ಇಸ್ರೇಲ್‌ಗೆ ನೀಡುತ್ತಿದ್ದ 4 ಬಿಲಿಯನ್ ಡಾಲರ್ ನೆರವು ಕಟ್!
ಕೇವಲ ಪ್ರಧಾನಿ ಹುದ್ದೆಯ ಮಾತು ಮಾತ್ರವಲ್ಲದೆ, ಇಸ್ರೇಲ್‌ಗೆ ಅಮೆರಿಕ ನೀಡುತ್ತಿದ್ದ ಬೃಹತ್ ಆರ್ಥಿಕ ಪ್ಯಾಕೇಜ್ ಕುರಿತು ಟ್ರಂಪ್ ಶಾಕಿಂಗ್ ಸತ್ಯವೊಂದನ್ನು ಬಹಿರಂಗಪಡಿಸಿದ್ದಾರೆ. ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರೊಂದಿಗೆ ತಾವು ಈಗಾಗಲೇ ಮಹತ್ವದ ಒಪ್ಪಂದ ಮಾಡಿಕೊಂಡಿರುವುದಾಗಿ ಅವರು ತಿಳಿಸಿದ್ದಾರೆ.
ನೆರವು ಬಂದ್: ವಾಷಿಂಗ್ಟನ್ ಇನ್ಮುಂದೆ ಇಸ್ರೇಲ್‌ಗೆ ಪ್ರತಿ ವರ್ಷ ನೀಡುತ್ತಿದ್ದ ಸುಮಾರು 4 ಬಿಲಿಯನ್ ಡಾಲರ್ ಆರ್ಥಿಕ ನೆರವನ್ನು ಈ ವರ್ಷದ ಅಂತ್ಯದ ನಂತರ ಸಂಪೂರ್ಣವಾಗಿ ನಿಲ್ಲಿಸಲಿದೆ.
