ವಿದೇಶ

ಆಸ್ಟ್ರೇಲಿಯಾದಲ್ಲಿ ಪ್ರೀತಿ, ಪಾಕಿಸ್ತಾನದಲ್ಲಿ ನರಕಯಾತನೆ: ಫ್ರೆಂಚ್ ಮಹಿಳೆ ಮತ್ತು ಐವರು ಮಕ್ಕಳ ರಕ್ಷಣೆ; 12 ವರ್ಷಗಳ ಗೃಹಬಂಧನಕ್ಕೆ ಮುಕ್ತಿ! French Woman Rescued in Pakistan

ಪಾಕಿಸ್ತಾನದ ಖೈಬರ್ ಪ್ರಾಂತ್ಯದಲ್ಲಿ 12 ವರ್ಷಗಳ ಕಾಲ ಗೃಹಬಂಧನದಲ್ಲಿದ್ದ ಫ್ರೆಂಚ್ ಮಹಿಳೆ ಸಿಲ್ವಿ ಯಾಸ್ಮಿನಾ
ಪಾಕಿಸ್ತಾನದ ಖೈಬರ್ ಪ್ರಾಂತ್ಯದಲ್ಲಿ 12 ವರ್ಷಗಳ ಕಾಲ ಗೃಹಬಂಧನದಲ್ಲಿದ್ದ ಫ್ರೆಂಚ್ ಮಹಿಳೆ ಸಿಲ್ವಿ ಯಾಸ್ಮಿನಾ
Published on: 

ಪ್ರಮುಖ ಮುಖ್ಯಾಂಶಗಳು

  • ಪಾಕಿಸ್ತಾನದಲ್ಲಿ ಅಮಾನವೀಯ ಕೃತ್ಯ!
  • ಫ್ರೆಂಚ್ ಮಹಿಳೆ ಮತ್ತು ಐವರು ಮಕ್ಕಳನ್ನು 12 ವರ್ಷಗಳ ಕಾಲ ಮನೆಯಲ್ಲೇ ಕೂಡಿಹಾಕಿದ್ದ ಕ್ರೂರಿ ಪತಿ
  • ಪಾಕಿಸ್ತಾನದ ಖೈಬರ್ ಪ್ರಾಂತ್ಯದಲ್ಲಿ 12 ವರ್ಷಗಳ ಕಾಲ ಗೃಹಬಂಧನದಲ್ಲಿದ್ದ ಫ್ರೆಂಚ್ ಮಹಿಳೆ ಸಿಲ್ವಿ ಯಾಸ್ಮಿನಾ
ಇಸ್ಲಾಮಾಬಾದ್​: ಪಾಕಿಸ್ತಾನದಲ್ಲಿ ತನ್ನ ಐವರು ಮಕ್ಕಳೊಂದಿಗೆ ಸುಮಾರು ಹತ್ತು ವರ್ಷಗಳಿಗೂ ಹೆಚ್ಚಿನ ಕಾಲದಿಂದ ಮನೆಯಲ್ಲಿಯೇ ಬಂಧಿಯಾಗಿದ್ದ ಪ್ರೆಂಚ್​ ದೇಶದ ಮಹಿಳೆ (French Woman Rescued in Pakistan) ಯನ್ನು ರಕ್ಷಣೆ ಮಾಡಿರುವ ಘಟನೆ ವರದಿಯಾಗಿದೆ.
ಇವಳನ್ನು ಇಕೆಯ ಪತಿ ಮಾನಸಿಕ ಹಾಗೂ ದೈಹಿಕ ಶೋಷಣೆಗೆ ಒಳಪಡಿಸಿ ಸುಮಾರು 12 ವರ್ಷದಿಂದ ಪಾಕಿಸ್ತಾನದ ಖೈಬರ್​ ಪ್ರಾಂತ್ಯದ ಒಂಟಿ ಮನೆಯಲ್ಲಿ ಇಕೆ ಜೀವನ ನಡೆಸಿದ್ದಳೆಂದು ತಿಳಿದು ಬಂದಿದೆ.
ಇಕೆಯ ಮಗನೊಬ್ಬ ಮನೆಯಿಂದ ಹೊರಹೋಗಿ ಪೊಲೀಸರಿಗೆ ಮಾಹಿತಿ ನೀಡಿದ ತರುವಾಯ ಇಕೆಯನ್ನು ಆ ಮನೆಯಿಂದ ರಕ್ಷಣೆ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ.

ನನ್ನ ಗಂಡ ಒಬ್ಬ ಕ್ರೂರಿ!

ರಕ್ಷಣೆಗೆ ಒಳಪಟ್ಟಿರುವ ಮಹಿಳೆಯನ್ನು 54 ವರ್ಷದ ಸಿಲ್ವಿ ಯಾಸ್ಮಿನಾ ಎಂದು ಗುರುತಿಸಲಾಗಿದೆ. ಇಕೆ 2003 ರಲ್ಲಿ ಪಾಕಿಸ್ತಾನದ ವ್ಯಕ್ತಿಯನ್ನು ಆಸ್ಟ್ರೇಲಿಯಾನಲ್ಲಿ ಮದುವೆಯಾದ್ದಳು. ಆದರೆ ಇವರು ಅಲ್ಲಿ ಅಕ್ರಮವಾಗಿ ವಾಸಿಸುತ್ತಿದ್ದ ಕಾರಣ 2014 ರಲ್ಲಿ ಪಾಕಿಸ್ತಾನಕ್ಕೆ ಮರಳಿದ್ದಾರೆ.
ಯಾವಾಗ ಪಾಕಿಸ್ತಾನಕ್ಕೆ ಕಾಲಿಟ್ಟಿದ್ದಾರೋ ಅಂದಿನಿಂದ ಈಕೆ ಮನೆಯ ಹೊರಗೆ ಕಾಲನ್ನೇ ಇಟ್ಟಿಲ್ಲವಂತೆ. ತನಗೆ ನನ್ನ ಪತಿ ದಿನಾಲೂ ಹೊಡೆಯುತ್ತಿದ್ದ, ನನಗೆ ಒಟ್ಟು ಐದು ಜನ ಮಕ್ಕಳಿದ್ದಾರೆ. ಆದರೆ ಒಬ್ಬರೂ ಸಹ ಸರಿಯಾಗಿ ಶಿಕ್ಷಣ ಪಡೆದಿಲ್ಲ. ನನ್ನ ಗಂಡ ಒಬ್ಬ ಕ್ರೂರಿ, ನನ್ನ ಜೀವನವಂತು ಹಾಳಾಯಿತು, ಆದರೆ ನನ್ನ ಮಕ್ಕಳು ಜೀವನವಾದರೂ ಚೆನ್ನಾಗಿ ಸಾಗಲಿ ಎಂದು ಯಾಸ್ಮಿನಾ ಕಣ್ಣೀರನ್ನು ಸುರಿಸಿದ್ದಾಳೆ.

ಫ್ರಾನ್ಸ್​ಗೆ ತೆರಳಲು ಸಿದ್ಧರಾದ ಶೋಷಿತರು

ಪಾಕಿಸ್ತಾನದ ಮನೆಯಿಂದ ರಕ್ಷಣೆಗೆ ಒಳಪಟ್ಟ ಮಹಿಳೆ ಹಾಗೂ ಆಕೆಯ ಮಕ್ಕಳು ಫ್ರಾನ್ಸ್​ಗೆ ಹೋಗಲು ಇಷ್ಟಪಟ್ಟಿದ್ದಾರೆ. ಹೀಗಾಗಿ ಪಾಕಿಸ್ತಾನದ ವಿದೇಶಾಂಗ ಇಲಾಖೆ ಫ್ರಾನ್ಸ್ ಅಂಬಾಸಿಡರ್​ ಜೊತೆಗೆ ಮಾತುಕತೆಗೆ ಮುಂದಾಗಿದ್ದು, ಆಕೆ ಹಾಗೂ ಆಕೆಯ ಮಕ್ಕಳನ್ನು ಫ್ರಾನ್ಸ್​ಗೆ ಕಳುಹಿಸಲು ಏರ್ಪಾಡು ಮಾಡಲಾಗುತ್ತಿದೆ ಎಂದು ತಿಳಿದು ಬಂದಿದೆ, (ಏಜನ್ಸೀಸ್​).
Pakistan
kannadanews
VijayavaniNews
Pakhtunkhwa
humanrights
domesticviolence
frenchwomanrescued
sylvieyasmina
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net