ಪ್ರಾಚೀನ ಹಲ್ಲುಗಳ ಪಳೆಯುಳಿಕೆಗಳು, ಸ್ಥಿರ ಐಸೊಟೋಪ್ ಅಧ್ಯಯನಗಳು, ಬಣ್ಣ ದೃಷ್ಟಿ, ಹಲ್ಲಿನ ಹುಳುಕು ಮತ್ತು ಮಾನವ ತಳಿಶಾಸ್ತ್ರದ ಪುರಾವೆಗಳನ್ನು ಈ ಅಧ್ಯಯನವು ಆಧರಿಸಿದೆ. ಈ ಎಲ್ಲಾ ಅಂಶಗಳು ಆರಂಭಿಕ ಹಾಮಿನಿನ್ಗಳು ಕೇವಲ ಮಾಂಸಾಹಾರಕ್ಕೆ ಮಾತ್ರ ಸೀಮಿತವಾಗದೆ, ಕಾರ್ಬೋಹೈಡ್ರೇಟ್ ಸಮೃದ್ಧ ಆಹಾರಕ್ಕೆ ಹೊಂದಿಕೊಂಡಿದ್ದವು ಎಂಬುದನ್ನು ಸೂಚಿಸುತ್ತವೆ. ನಮ್ಮ ಆಧುನಿಕ ಶರೀರಶಾಸ್ತ್ರ ಮತ್ತು ಅಂಗರಚನಾಶಾಸ್ತ್ರ, ವಿಶೇಷವಾಗಿ ಸಿಹಿ ರುಚಿ ಗ್ರಾಹಕಗಳು, ಸಣ್ಣ ಹಲ್ಲುಗಳು, ದವಡೆ, ಕರುಳು ಮತ್ತು ಗ್ಲುಕೋಸ್ ಚಯಾಪಚಯ ಕ್ರಿಯೆಗೆ ಸಂಬಂಧಿಸಿದ ಅನುವಂಶಿಕ ವ್ಯತ್ಯಾಸಗಳು ಆಹಾರದ ಕಾರ್ಬೋಹೈಡ್ರೇಟ್ಗಳಿಂದಲೇ ನಿರ್ದಿಷ್ಟವಾಗಿ ಪ್ರೇರಿತವಾದ ಅನುವಂಶಿಕ ಆಯ್ಕೆಯನ್ನು ಬಿಂಬಿಸುತ್ತವೆ ಎಂದು ಸಂಶೋಧಕರು ತಮ್ಮ ಪ್ರಬಂಧದಲ್ಲಿ ಉಲ್ಲೇಖಿಸಿದ್ದಾರೆ.
