ಮೇ ತಿಂಗಳಲ್ಲೂ ಇದೇ ಹೇಳಿಕೆ
ಇನ್ಸ್ಟಾಗ್ರಾಂ ಕುರಿತು ಮಸ್ಕ್ ಈ ರೀತಿಯ ಹೇಳಿಕೆ ನೀಡಿರುವುದು ಇದೇ ಮೊದಲಲ್ಲ. ಈ ವರ್ಷದ ಮೇ ತಿಂಗಳಲ್ಲೂ ಸಾಮಾಜಿಕ ಜಾಲತಾಣಗಳ ಬಳಕೆ ಮತ್ತು ಆನ್ಲೈನ್ ಟ್ರೆಂಡ್ಗಳ ಕುರಿತು ನಡೆದ ವೈರಲ್ ಚರ್ಚೆಯೊಂದಕ್ಕೆ ಪ್ರತಿಕ್ರಿಯಿಸುವಾಗ “ಇನ್ಸ್ಟಾಗ್ರಾಂ ಫಾರ್ ಗರ್ಲ್ಸ್” ಎಂದು ಹೇಳಿದ್ದರು.
ಜನರ ಆನ್ಲೈನ್ ಚಟುವಟಿಕೆಗಳು ಅವರ ಜೀವನದ ವಿವಿಧ ಹಂತಗಳನ್ನು ಹೇಗೆ ಪ್ರತಿಬಿಂಬಿಸುತ್ತವೆ ಎಂಬ ವಿಷಯದ ಕುರಿತು ಚರ್ಚೆ ನಡೆದಿತ್ತು. ಈ ವೇಳೆ ಇನ್ಸ್ಟಾಗ್ರಾಂನಲ್ಲಿ ‘ಥರ್ಸ್ಟ್ ಟ್ರಾಪ್ಸ್ ( ಸಾಮಾಜಿಕ ಜಾಲತಾಣಗಳಲ್ಲಿ ಅಪ್‌‌ಲೋಡ್ ಮಾಡುವ ಅಥವಾ ಹಂಚಿಕೊಳ್ಳುವಂತಹ ಆಕರ್ಷಕ, ಬಿಸಿಬಿಸಿ ಅಥವಾ ಪ್ರಚೋದನಕಾರಿ ಫೋಟೋಗಳು ಅಥವಾ ವಿಡಿಯೋಗಳು), ದಿನವಿಡೀ ಸ್ಟೋರಿಸ್ ಹಾಕುವುದು, ಮನೆಯಲ್ಲಿ ತಯಾರಿಸಿದ ಆಹಾರದ ಫೋಟೋಗಳನ್ನು ಹಂಚಿಕೊಳ್ಳುವುದು ಸೇರಿದಂತೆ ಹಲವು ಟ್ರೆಂಡ್ಗಳ ಕುರಿತು ಚರ್ಚಿಲಾಗಿತ್ತು.
ಇದೇ ಸಂದರ್ಭದಲ್ಲಿ ಮಸ್ಕ್ ಮತ್ತೊಂದು ಕಾಮೆಂಟ್ ಮಾಡುತ್ತಾ, ಪ್ರೌಢ ವಯಸ್ಸಿನ ಪುರುಷರು ತಮ್ಮ ಇನ್ಸ್ಟಾಗ್ರಾಂ ಪ್ರೊಫೈಲ್‌ಗಳನ್ನು ತಮಗೆ ಕಳುಹಿಸಿದಾಗ, ಅವರೇನು 'ಲಿಂಗ ಪರಿವರ್ತನೆ ಮಾಡಿಕೊಳ್ಳುತ್ತಿದ್ದಾರೋ ಅಥವಾ ಏನೋ' ಎಂದು ತಮಗೆ ಆಶ್ಚರ್ಯವಾಗುತ್ತದೆ ಎಂದು ಮಸ್ಕ್ ಹೇಳಿದರು. ಮಸ್ಕ್ ಅವರ ಈ ಹೇಳಿಕೆಗಳು ಆ ಸಮಯದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದ್ದವು. ಕೆಲ ಬಳಕೆದಾರರು ಅವರ ಕಾಮೆಂಟ್ಗಳನ್ನು ಲಿಂಗಭೇದದ ಮತ್ತು ಆಕ್ಷೇಪಾರ್ಹ ಹೇಳಿಕೆಗಳೆಂದು ಟೀಕಿಸಿದ್ದರು.
