'ಧುರಂಧರ್' ಲಿಯಾರಿಯಲ್ಲಿ ಮತ್ತೊಮ್ಮೆ ಶೂಟೌಟ್: ಮಾಜಿ ಡಾನ್ ಉಜೈರ್ ಬಲೋಚ್ ಸಹೋದರನ ಮೇಲೆ ಗುಂಡಿನ ದಾಳಿ; ಸಾವು-ಬದುಕಿನ ಹೋರಾಟದಲ್ಲಿ ಜುಬೈರ್! Zubair Baloch Shootout

ಮಾಜಿ ಡಾನ್ ಉಜೈರ್ ಬಲೋಚ್ ಸಹೋದರ ಜುಬೈರ್ ಮೇಲೆ ಶೂಟೌಟ್

Published on:

31 Jul 2026, 10:56 am

ಪ್ರಮುಖ ಮುಖ್ಯಾಂಶಗಳು

ಕರಾಚಿಯ ಲಿಯಾರಿನಲ್ಲಿ ಮತ್ತೊಮ್ಮೆ ಗುಂಡಿನ ಶಬ್ದ
ಮಾಜಿ ಡಾನ್ ಉಜೈರ್ ಬಲೋಚ್ ಸಹೋದರ ಜುಬೈರ್ ಮೇಲೆ ಶೂಟೌಟ್
ಆಸ್ಪತ್ರೆಯಲ್ಲಿ ಸಾವು- ಬದುಕಿನ ಹೋರಾಟದಲ್ಲಿರುವ ಜುಬೈರ್ ಬಲೋಚ್
ಧುರಂಧರ್ ಸಿನಿಮಾ ಬಳಿಕ ಮುನ್ನಲೆಗೆ ಬಂದಿದ್ದ ಪಾತ್ರಗಳು

ಲಿಯಾರಿ: ಪಾಕಿಸ್ತಾನದ ಕರಾಚಿಯ ಲಿಯಾರಿ ಪಟ್ಟಣದಲ್ಲಿ ಸಿನಿಮೀಯ ಶೈಲಿಯ ಶೂಟೌಟ್ ನಡೆದಿದ್ದು, ಇದರಲ್ಲಿ ಲಿಯಾರಿಯ ಮಾಜಿ ಡಾನ್ ಉಜೈರ್ ಬಲೋಚ್ ಸಹೋದರ, ಜುಬೈರ್ ಬಲೋಚ್ ಮೇಲೆ ಗುಂಡಿನ ದಾಳಿ ನಡೆದಿದೆ ಎಂದು ವರದಿಯಾಗಿದೆ.

ಬೈಕ್ ಏರಿ ಬಂದ ಅಪರಿಚಿತ ಬಂಧೂಕುಧಾರಿಗಳು ಜುಬೈರ್ ಬಲೋಚ್ ಮೇಲೆ ಗುಂಡಿನ ದಾಳಿ ನಡೆಸಿ ಪರಾರಿಯಾಗಿದ್ದು, ಜುಬೈರ್ ಆಸ್ಪತ್ರೆಯಲ್ಲಿ ಸಾವು-ಬದುಕಿನ ಹೋರಾಟ ಮುಂದುವರಿಸಿರುವುದಾಗಿ ತಿಳಿದು ಬಂದಿದೆ.

ಇದನ್ನೂ ಓದಿ: ರಾಮ ಮಂದಿರ ದೇಣಿಗೆ ವಿವಾದ: ಕೈಯಲ್ಲಿ ಕಾಣಿಕೆ ಡಬ್ಬಿ, ಹಣೆಗೆ ಕುಂಕುಮ; ಸಂಸತ್ ಮುಂದೆ ಕಾವಿ ಧರಿಸಿ ಪಪ್ಪು ಯಾದವ್ ಹೈಡ್ರಾಮಾ! Pappu Yadav Parliament Protest

ಉಜೈರ್ ಸಹೋದರ ಮೇಲೆ ಶೂಟೌಟ್!

ಪಿಪಲ್ಸ್ ಅಮನ್ ಕಮಿಟಿ ಮುಖ್ಯಸ್ಥ, ಲಿಯಾರಿಯ ಕುಖ್ಯಾತ್ ಡಾನ್ ಉಜೈರ್ ಬಲೋಚ್, ಸಹೋದರ ಜುಬೈರ್ ಬಲೋಚ್ ಮೇಲೆ ಗುಂಡಿನ ದಾಳಿ ನಡೆದಿದ್ದು, ಬುಲೆಟ್ಗಳು ಕುತ್ತಿಗೆ, ಎದೆಗೆ ತಗುಲಿದ್ದು ತೀವ್ರ ರಸ್ತಸ್ರಾವವಾಗಿದೆ ಎಂದು ಹೇಳಲಾಗುತ್ತಿದೆ. ಸದ್ಯ ಕರಾಚಿಯ ಸಿವಿಲ್ ಆಸ್ಪತ್ರೆಯಲ್ಲಿ ಜುಬೈರ್ಗೆ ಚಿಕಿತ್ಸೆ ಮುಂದುವರಿದಿದೆ.

ಲಿಯಾರಿ ಡಿಐಜಿ ಸೈಯದ್ ಅಸಾದ್ ರಜಾ ಹೇಳಿಕೆಯಂತೆ, ಈ ಜುಬೈರ್ನನ್ನು 2012 ರಲ್ಲಿ ಹಲವು ಕೊಲೆ, ಸುಲಿಗೆ ಮೊದಲಾದ ಪ್ರಕರಣಗಳಲ್ಲಿ ಬಂಧಿಸಲಾಗಿದ್ದು, ಕಳೆದ ವರ್ಷವಷ್ಟೇ ಜೈಲಿನಿಂದ ಬಿಡುಗಡೆಯಾಗಿದ್ದ ಎಂದು ಅವರು ತಿಳಿಸಿದ್ದಾರೆ.

ತನಿಖೆ ನಡೆಸುತ್ತಿದ್ದೆವೆ!

ಡಿಐಜಿ ಸೈಯದ್ ಅಸಾದ್ ರಜಾ ಪ್ರಕಾರ, ಲಿಯಾರಿ ಪಟ್ಟಣದಲ್ಲಿ ಈ ಶೂಟೌಟ್ ನಡೆದಿದ್ದು, ಬೈಕ್ ಏರಿ ಬಂದ ಇಬ್ಬರು ಬಂದೂಕುಧಾರಿಗಳು ಜುಬೈರ್ ಮೇಲೆ ಒಮ್ಮೆಲೆ ಗುಂಡಿನ ದಾಳಿ ನಡೆಸಿ ಪರಾರಿಯಾಗಿದ್ದಾರೆ.

ಸಿಡಿದ ಬುಲೆಟ್ಗಳು ಜುಬೈರ್ನ ಹೊಟ್ಟೆ, ಕುತ್ತಿಗೆ ಹಾಗೂ ಎದೆಗೆ ತಗುಲಿದ್ದು, ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆ ಮುಂದುವರಿದಿದೆ ಎಂದು ಹೇಳಲಾಗುತ್ತಿದೆ. ಪೊಲೀಸರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಬಂದೂಕುಧಾರಿಗಳ ಪತ್ತೆಗೆ ವಿಶೇಷ ತಂಡವನ್ನು ರಚಿಸಿದ್ದಾಗಿ ತಿಳಿಸಿದ್ದಾರೆ.

ಇದನ್ನೂ ಓದಿ: ದೇಶದ ಭವಿಷ್ಯಕ್ಕಿಂತ ನಿಮ್ಮ ಮುಖವೇ ಉಜ್ವಲಿಸುತ್ತಿದೆ! ನೀವು ಪ್ರಧಾನಿ ಸ್ಥಾನದಿಂದ ಕೆಳಗಿಳಿಯಿರಿ; ಮೋದಿ ಸೆಲ್ಫಿ ವಿಡಿಯೋಗೆ 'ಕಾಕ್ರೋಚ್' ಅಭಿಜಿತ್ ವ್ಯಂಗ್ಯ! Abhijith Dipke on PM Modi Selfie Video

ಜೈಲಿನಿಂದ ಬಿಡುಗಡೆಯಾದ ಬಳಿಕ ಜುಬೈರ್ ಬಲೋಚ್ ರಾಜಕೀಯದಲ್ಲಿ ಸಕ್ರಿಯವಾಗಿದ್ದು, ಲಿಯಾರಿ ಭೂಗತ ಲೋಕ ಸಕ್ರಿಯವಾಗಿದ್ದ ಸಮಯದಲ್ಲಿದ್ದ ಇತನ ಹಾಗೂ ಇತನ ಅಣ್ಣನ ವಿರೋಧಿಗಳೇ ಈ ಕೃತ್ಯವನ್ನು ಎಸೆಗಿದ್ದಾಗಿ ಮಾಹಿತಿಯಿದೆ, ಈ ಕೆಲಸವನ್ನು ಯಾರೇ ಮಾಡಿರಲಿ ಅವರನ್ನು ಬಂಧಿಸುವುದಾಗಿ ರಜಾ ಭರವಸೆ ನೀಡಿದ್ದಾರೆ.

ಜೀವಾವಧಿ ಶಿಕ್ಷೆಗೆ ಗುರಿಯಾಗಿರುವ ಉಜೈರ್!

ಇತ್ತ ತಮ್ಮ ಜುಬೈರ್ ಬಲೋಚ್ ಮೇಲೆ ಗುಂಡಿನ ದಾಳಿ ನಡೆದಿದ್ದರೆ, ಅತ್ತ ಅಣ್ಣ ಉಜೈರ್ ಜೀವಾವಧಿ ಶಿಕ್ಷೆಯನ್ನು ಅನುಭವಿಸುತ್ತಿದ್ದಾನೆ. 2012 ರಲ್ಲಿ ಉಜೈರ್ ಬಲೋಚ್ ಹಾಗೂ ಆತನ ಗ್ಯಾಂಗ್ ಭದ್ರತಾ ಸಿಬ್ಬಂದಿಗಳ ಮೇಲೆ ಶಸಸ್ತ್ರ ದಾಳಿ ನಡೆಸಿದ್ದ ಹಿನ್ನಲೆ ಉಜೈರ್ ಬಲೋಚ್ಗೆ ಜೀವಾವಧಿ ಶಿಕ್ಷೆಯನ್ನು ನೀಡಲಾಗಿದೆ. ಪ್ರಸ್ತುತ ಬಲೋಚ್ ಕರಾಚಿ ಕೇಂದ್ರ ಕಾರಾಗ್ರಹದಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾನೆ.

ಇದನ್ನೂ ಓದಿ: ಈ ಸಿನಿಮಾವನ್ನು ಖಂಡಿತವಾಗಿ ನೋಡುತ್ತೇವೆ: 'ರಾಮಾಯಣ' ಟ್ರೇಲರ್ಗೆ 'ಪಾಕಿಸ್ತಾನ' ಫಿದಾ; ಯಶ್ 'ರಾವಣ' ನ ಅವತಾರಕ್ಕೆ ಪಾಕ್ ಬಹುಪರಾಕ್! Pakistan Reaction on Ramayana Trailer

ಧುರಂಧರ್ ಬಳಿಕ ಮುನ್ನಲೆಗೆ ಬಂದ ಪಾತ್ರಗಳು!

ಕಳೆದ ವರ್ಷ ಬಿಡುಗಡೆ ಕಂಡಿದ್ದ, ಆದಿತ್ಯ ಧರ್ ನಿರ್ದೇಶನದ ಧುರಂಧರ್ ಸಿನಿಮಾದಲ್ಲಿ ಭಾರತದ ಗೂಢಾಚರನೊಬ್ಬ ಕರಾಚಿಯ ಲಿಯಾರಿಗೆ ತೆರಳಿ ಅಲ್ಲಿನ ಭೂಗತ ಜಗತ್ತನ್ನು ನಾಶ ಪಡಿಸುವುದನ್ನು ತೋರಿಸಲಾಗಿತ್ತು. ಈ ಸಿನಿಮಾದಲ್ಲಿಯೇ ಉಜೈರ್ ಬಲೋಚ್, ರೆಹಮಾನ್ ಡಕಾಯತ್, ಅರ್ಷದ್ ಪಪ್ಪು ಮೊದಲಾದ ಕುಖ್ಯಾತ ಲಿಯಾರಿ ಗ್ಯಾಂಗ್ಸ್ಟರ್ಗಳನ್ನು ಭಾರತೀಯ ಪ್ರೇಕ್ಷಕರಿಗೆ ಪರಿಚಯ ಮಾಡಿಸಲಾಗಿತ್ತು, (ಏಜನ್ಸೀಸ್).

Trending