ಆಶಸ್ ಅಂತಿಮ ಟೆಸ್ಟ್; ಜೋ ರೂಟ್ ಶತಕ, ಎರಡನೇ ದಿನದ ಅಂತ್ಯಕ್ಕೆ 166 ರನ್​ಗಳಿಸಿದ ಆಸೀಸ್ | Ashes final Test

ಎರೆಡನೇ ದಿನ ಬ್ಯಾಟಿಂಗ್​ ಆರಂಭಿಸಿದ ಆಂಗ್ಲರು ರೂಟ್​ಗಳಿಸಿದ 160 (242 ಎಸೆತಗಳು) ರನ್ ಅದ್ಭುತ ಪ್ರದರ್ಶನದಿಂದ 384 ಆಲೌಟ್ ಆಯಿತು.

ಮಧ್ಯಮ ಕ್ರಮಂಕದಲ್ಲಿ ಬ್ಯಾಟಿಂಗ್​ ಮಾಡಲು ಬಂದ ನಾಯಕ ಬೆನ್ ಸ್ಟೋಕ್ಸ್ ಶೂನ್ಯಕ್ಕೆ ಮಿಚೆಲ್ ಸ್ಟಾರ್ಕ್ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ಜೇಮೀ ಸ್ಮಿತ್ 46 ರನ್ ಗಳಿಸಿದರು. ಜೇಮೀ ಔಟ್​ ಆದ ಬಳಿಕ ಇಂಗ್ಲೆಂಡ್ ತಂಡವು ಕೇವಲ ಒಂಬತ್ತು ರನ್‌ಗಳಿಗೆ ತಮ್ಮ ಕೊನೆಯ ನಾಲ್ಕು ವಿಕೆಟ್‌ಗಳನ್ನು ಕಳೆದುಕೊಂಡಿತು.

ಕಾಂಗರೂಗಳ ಪರವಾಗಿ ಮೈಕಲ್ ನೆಸರ್ 4 ವಿಕೆಟ್, ಮಿಚೆಲ್ ಸ್ಟಾರ್ಕ್ ಮತ್ತು ಸ್ಕಾಟ್ ಬೋಲ್ಯಾಂಡ್ 2 ವಿಕೆಟ್ ಕಿತ್ತು ಸಂಭ್ರಮಿಸಿದರು.

ಇಂಗ್ಲೆಂಡ್ ತಂಡದ ಮೊದಲ ಇನಿಂಗ್ಸ್‌ನ 384 ರನ್‌ಗಳಿಗೆ ಉತ್ತರವಾಗಿ ಆಸ್ಟ್ರೇಲಿಯಾ ತಂಡವು ಎರಡನೇ ದಿನದ ಅಂತ್ಯಕ್ಕೆ 166/2 ಸ್ಕೋರ್ ಮಾಡಿದೆ. ಆಸೀಸ್ ಸದ್ಯ 218 ರನ್‌ಗಳ ಹಿನ್ನಡೆಯಲ್ಲಿದೆ.

ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಟ್ರಾವಿಸ್ ಹೆಡ್ ಬಿರುಸಿನ ಬ್ಯಾಟಿಂಗ್ ಮೂಲಕ ಕೇವಲ 87 ರಲ್ಲಿ ಅಜೇಯ 91 ರನ್ ಸಿಡಿಸಿದ್ದಾರೆ. ಇವರ ಇನಿಂಗ್ಸ್‌ನಲ್ಲಿ 15 ಆಕರ್ಷಕ ಬೌಂಡರಿಗಳಿವೆ. ಈ ಮೂಲಕ ಅವರು ಈ ಸರಣಿಯಲ್ಲಿ 500 ರನ್‌ಗಳ ಗಡಿ ದಾಟಿದ ಮೊದಲ ಆಟಗಾರ ಎನಿಸಿಕೊಂಡರು.

ಕಾಂಗರೂ ಪರವಾಗಿ ಮಾರ್ನಸ್ ಲಬುಶೇನ್ ಹೆಡ್ ಜೊತೆಗೂಡಿ ಎರಡನೇ ದಾಖಲೆ ಅವರಿಗೆ 105 ರನ್‌ಗಳ ಮಹತ್ವದ ಜೊತೆಯಾಟವಾಡಿದರು. ಅಲ್ಲದೆ, ಮಾರ್ನಸ್ 48 ರನ್ ಗಳಿಸಿ ಬೆನ್ ಸ್ಟೋಕ್ಸ್ ವಿಕೆಟ್​ ಒಪ್ಪಿಸಿದರು. ಮೊದಲ ಬಾರಿಗೆ ಟ್ರಾವಿಸ್ ಹೆಡ್ ಜೊತೆ 57 ರನ್ ಸೇರಿಸಿದ ಜೇಕ್ ವೆಡರಾಲ್ಡ್, 21 ರನ್ ಗಳಿಸಿದ್ದಾಗ ಬೆನ್ ಸ್ಟೋಕ್ಸ್ ಎಸೆತದಲ್ಲಿ ಎಲ್ ಬಿಡಬ್ಲೂ ಬಲೆಗೆ ಬಿದ್ದರು.

ನೈಟ್ ವಾಚ್‌ಮನ್: ದಿನದ ಕೊನೆಯಲ್ಲಿ ಮೈಕಲ್ ನೆಸರ್ (1*) ನೈಟ್ ವಾಚ್‌ಮನ್ ಆಗಿ ಕ್ರೀಸ್‌ನಲ್ಲಿದ್ದಾರೆ. ಇಂಗ್ಲೆಂಡ್ ಪರ ನಾಯಕ ಬೆನ್ ಸ್ಟೋಕ್ಸ್ ಅಮೋಘ ಬೌಲಿಂಗ್ ದಾಳಿ ನಡೆಸಿ ಬಿದ್ದಿರುವ ಎರಡೂ ವಿಕೆಟ್​ಗಳನ್ನು (2/30) ಕಬಳಿಸಿದ್ದಾರೆ,(ಏಜೆನ್ಸೀಸ್).