ನಾಯಿಯಂತೆ ಬದಲಾಗಲು 12 ಲಕ್ಷ ಖರ್ಚು ಮಾಡಿದ್ರಾ ಮಿಲಿಯನೇರ್​? ವೈರಲ್​ ವಿಡಿಯೋ ಹಿಂದಿನ ಅಸಲಿ ಸಂಗತಿ ಇಲ್ಲಿದೆ...Dog

ಟೋಕಿಯೊ: ಜಪಾನಿನ ವ್ಯಕ್ತಿಯೊಬ್ಬರು ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ನಾಯಿಯ ( Dog ) ರೀತಿ ಬದಲಾಗಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಸುದ್ದಿಯು ಸಂಪೂರ್ಣ ಸುಳ್ಳು ಮತ್ತು ಕಲ್ಪನೆಯಾಗಿದೆ.

ವಾಸ್ತವದಲ್ಲಿ 'ಜಾಸೋ' ಎಂಬ ವ್ಯಕ್ತಿ ಶಸ್ತ್ರಚಿಕಿತ್ಸೆ ಮೂಲಕ ನಾಯಿಯಾಗಿ ಬದಲಾಗಲು 220 ಕೋಟಿ ರೂ. ಖರ್ಚು ಮಾಡಿಲ್ಲ, ಬದಲಿಗೆ 'ಟೊಕೊ' (Toco) ಎನ್ನುವ ಜಪಾನಿನ ವ್ಯಕ್ತಿಯೊಬ್ಬರು ತನ್ನ ಬಾಲ್ಯದ ಕನಸನ್ನು ಈಡೇರಿಸಿಕೊಳ್ಳಲು ಜಪಾನಿನ 'ಜೆಪೆಟ್' (Zeppet) ಸ್ಪೆಷಲ್ ಮಾಡೆಲಿಂಗ್ ಕಂಪನಿಯಿಂದ ಸುಮಾರು 14,000 ಡಾಲರ್‌ಗಳ (ಅಂದಾಜು 12 ಲಕ್ಷ ರೂ.) ವೆಚ್ಚದಲ್ಲಿ ಅತ್ಯಂತ ನೈಜವಾಗಿ ಕಾಣುವ ಬಾರ್ಡರ್ ಕಾಲಿ (Collie) ನಾಯಿಯ ಕೃತಕ ವೇಷಭೂಷಣವನ್ನು ಮಾತ್ರ ತಯಾರಿಸಿಕೊಂಡಿದ್ದಾರೆ.

ಹೇಳಬೇಕೆಂದರೆ, ಯಾವುದೇ ಶಸ್ತ್ರಚಿಕಿತ್ಸೆಯಿಂದ ಆದ ದೇಹದ ಬದಲಾವಣೆಯಲ್ಲ, ಕೇವಲ ನಾಯಿಯ ವೇಷ ಧರಿಸಿ ಆನಂದಿಸುವ ಒಂದು ಹವ್ಯಾಸವಾಗಿದ್ದು, ಪ್ರಸ್ತುತ ವೈರಲ್ ಆಗಿರುವ ವಿಡಿಯೋ ಮತ್ತು ಕೋಟ್ಯಂತರ ಹಣದ ವರದಿಗಳು ಸಂಪೂರ್ಣ ಆಧಾರರಹಿತ ಮತ್ತು ಕೃತಕ ಬುದ್ಧಿಮತ್ತೆಯಿಂದ (AI) ಸೃಷ್ಟಿಸಲ್ಪಟ್ಟ ಸುಳ್ಳು ಸುದ್ದಿಗಳಾಗಿವೆ.

ಅಂದಹಾಗೆ, ಪ್ರಸ್ತುತ ಹರಿದಾಡುತ್ತಿರುವ ವಿಡಿಯೋಗಳು ಹಳೆಯದಾಗಿದ್ದು, ವಿಜ್ಞಾನ ಮತ್ತು ತಂತ್ರಜ್ಞಾನದ ಪ್ರಕಾರ ಮನುಷ್ಯನು ಶಸ್ತ್ರಚಿಕಿತ್ಸೆ ಮೂಲಕ ಸಂಪೂರ್ಣವಾಗಿ ನಾಯಿಯಾಗುವುದು ಅಸಾಧ್ಯ. ಈ ರೀತಿಯ ವಿಡಿಯೋಗಳು ಕೃತಕ ಬುದ್ಧಿಮತ್ತೆ (AI) ಅಥವಾ ವೇಷಭೂಷಣದ ತಂತ್ರಜ್ಞಾನದಿಂದ ಸೃಷ್ಟಿಸಲ್ಪಟ್ಟ ಕಲ್ಪನೆಯಷ್ಟೇ ಆಗಿವೆ.

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಅತಿಶಯೋಕ್ತಿಯಿಂದ ಕೂಡಿದ ವಿಡಿಯೋಗಳು ಮತ್ತು ಸುದ್ದಿಗಳನ್ನು ಕುರುಡಾಗಿ ನಂಬುವ ಮೊದಲು, ಅವುಗಳ ನೈಜತೆಯನ್ನು ಪರಿಶೀಲಿಸುವುದು ಅತ್ಯಗತ್ಯ. ಇತ್ತೀಚಿನ ದಿನಗಳಲ್ಲಿ ಕೃತಕ ಬುದ್ಧಿಮತ್ತೆ (AI) ಮತ್ತು ವೇಷಭೂಷಣಗಳ ಬಳಕೆಯಿಂದ ಸುಳ್ಳು ಮಾಹಿತಿಗಳು ಬಹಳ ವೇಗವಾಗಿ ವೈರಲ್ ಆಗುತ್ತಿರುವುದರಿಂದ, ಯಾವುದೇ ಸುದ್ದಿಯನ್ನು ಹಂಚಿಕೊಳ್ಳುವ ಅಥವಾ ನಂಬುವ ಮುನ್ನ ಅಧಿಕೃತ ಮೂಲಗಳಿಂದ ಅದರ ಸತ್ಯಾಸತ್ಯತೆಯನ್ನು ಒಮ್ಮೆ ಪರಮಾರ್ಶಿಸುವುದು ಪ್ರತಿಯೊಬ್ಬ ಜಾಗೃತ ನಾಗರಿಕನ ಜವಾಬ್ದಾರಿಯಾಗಿದೆ, (ಏಜೆನ್ಸೀಸ್​).