ಪರಮಾಣು ತ್ಯಜಿಸಿದರೆ 6 ಬಿಲಿಯನ್ ಡಾಲರ್ ಆಫರ್! ಹೊರ್ಮುಜ್​ನಲ್ಲಿ ನಿಮ್ಮದೆ ಅಧಿಕಾರ; ಅಮೆರಿಕ-ಇರಾನ್​ ಶಾಂತಿ ಒಪ್ಪಂದದ ಅಸಲಿ ಕಥೆ ಇಲ್ಲಿದೆ! US Iran Peace Deal

ವಾಷಿಂಗ್ಟನ್: ಕಳೆದ ನಾಲ್ಕು ತಿಂಗಳಿನಿಂದ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿದ್ದ ಸಂಘರ್ಷ ಈಗ ಮಾತುಕತೆ ಮೂಲಕ ಪರಿಹಾರವನ್ನು (US Iran Peace Deal) ಕಂಡುಕೊಂಡಿದ್ದು, ಅಂತೂ ಇರಾನ್​ ಮತ್ತು ಅಮೆರಿಕ ನೆಲದಲ್ಲಿ ಶಾಂತಿ ಮೂಡಿದೆ ಎಂದು ಹೇಳಬಹುದಾಗಿದೆ.

ಸ್ವಿಟ್ಜರ್ಲ್ಯಾಂಡ್​ನಲ್ಲಿ ಈ ವಾರ ಪೂರ್ತಿ ನಡೆಯಲಿರುವ ಶಾಂತಿ ಸಭೆಗೆ ಅಮೆರಿಕದ ಉಪಾಧ್ಯಕ್ಷ ಜೆ.ಡಿ. ವ್ಯಾನ್ಸ್ ಹಾಜರಿಲಲಿದ್ದಾರೆ ಎಂದು ತಿಳಿದು ಬಂದಿದೆ. ಆದರೆ, ಅಮೆರಿಕ ಇರಾನ್​ ಮುಂದೆ ಏನು ಷರತ್ತು ಇಡಲಿದೆ? ಇರಾನ್​ ಬೇಡಿಕೆಗಳು ಏನಿರಲಿದೆ ಎಂಬ ಕುರಿತು ಜಾಗತಿಕ ಮಟ್ಟದಲ್ಲಿ ಚರ್ಚೆ ಏರ್ಪಟ್ಟಿದೆ.

ಈ ಸಂಘರ್ಷ ಪ್ರಾರಂಭವಾಗಲು ಮೂಲ ಕಾರಣವೇ ಇರಾನ್​ ಪರಮಾಣು ಶಕ್ತಿ ಪಡೆಯಲು ನಡೆಸಿದ ಪ್ರಯೋಗಗಳಾಗಿವೆ. ಹೀಗಾಗಿ ಅಮೆರಿಕ ಯಾವುದೇ ಕಾರಣಕ್ಕೆ ಇರಾನ್​ ಪರಮಾಣು ಶಕ್ತಿ ಪಡೆಯುವುದನ್ನು ತಡೆಯುತ್ತದೆ. ಇದಕ್ಕಾಗಿ ಅಮೆರಿಕ ಇರಾನ್​ಗೆ ಸುಮಾರು 6 ಬಿಲಿಯನ್​ ಡಾಲರ್​ಗಳನ್ನು ಪರಿಹಾರ ನಿಧಿಯಾಗಿ ನೀಡಿ ಪರಮಾಣು ಶಕ್ತಿ ಪಡೆಯುವ ಯೋಜನೆಯನ್ನು ಕೈ ಬಿಡುವಂತೆ ಕೇಳಿಕೊಳ್ಳಲಿದೆ ಎಂದು ಹೇಳಲಾಗುತ್ತಿದೆ.

ಅಮೆರಿಕ ನೀಡುವ ಹಣವನ್ನು ಪಡೆದು ಇರಾನ್​ ಪರಮಾಣು ಯೋಜನೆಯನ್ನು ಕೈಬಿಟ್ಟರೆ, ಇನ್ನೊಂದು ಕಡೆ ಇರಾನ್​ ಹೊರ್ಮುಜ್​ ಜಲಸಂಧಿಯಲ್ಲಿ ಕೇವಲ ಇರಾನ್​ನ ಹಿಡಿತ ಮಾತ್ರ ಇರಬೇಕು, ತಾವು ತಮಗೆ ಬೇಕಾದ ಹಡಗುಗಳ ಮೇಲೆ ತೆರಿಗೆ ವಿಧಿಸುತ್ತೆವೆ. ಇದಕ್ಕೆ ಅಮೆರಿಕ ಯಾವುದೇ ರೀತಿಯ ತಕರಾರು ಮಾಡುವಂತಿಲ್ಲ ಎಂದು ಪ್ರಸ್ತಾಪ ಮಾಡಲಿದೆ ಎಂದು ತಿಳಿದು ಬಂದಿದೆ.

ಅಮೆರಿಕ ಮತ್ತು ಇಸ್ರೇಲ್​ ಜಂಟಿಯಾಗಿ ಇರಾನ್​ ಮೇಲೆ ದಾಳಿ ಮಾಡಿದಾಗ, ಇರಾನ್​ ಪರ ನಿಂತ ಏಕೈಕ ಮಧ್ಯಪ್ರಾಚ್ಯ ದೇಶವೆಂದರೆ ಅದು ಲೆಬನಾನ್​. ಆದರೆ, ಈಗ ಅಮೆರಿಕ ಇರಾನ್​ ಜೊತೆ ಶಾಂತಿ ಒಪ್ಪಂದ ಮಾಡಿಕೊಳ್ಳುತ್ತಿದ್ದೆ, ಇಸ್ರೇಲ್​, ಲೆಬನಾನ್​ ಮೇಲೆ ದಾಳಿ ಮಾಡುವುದನ್ನು ನಿಲ್ಲಿಸುತ್ತಲೇ ಇಲ್ಲ. ಹೀಗಾಗಿ ಶಾಶ್ವತ ಶಾಂತಿ ಸ್ಥಪನೆಯಾಗಬೇಕಾದರೆ ಇಸ್ರೇಲ್​, ಲೆಬನಾನ್​ ಮೇಲೆ ದಾಳಿ ಮಾಡುವುದನ್ನು ಮೊದಲು ನಿಲ್ಲಿಸಬೇಕೆಂದು ಇರಾನ್​ ಪಟ್ಟು ಹಿಡಿಯಲಿದೆ.

ಲೆಬನಾನ್​ ಮೇಲೆ ಇಸ್ರೇಲ್​ ನಿರಂತರ ದಾಳಿ ನಡೆಸುತ್ತಿರುವುದು ಇರಾನ್​ ಕೋಪಕ್ಕೆ ಕಾರಣವಾಗಿದೆ, ಹೀಗಾಗಿ ಹೊರ್ಮುಜ್​ ಜಲಸಂಧಿಯನ್ನು ಮುಚ್ಚುವುದಾಗಿ ಬೆದರಿಕೆ ಒಡ್ಡಲಿದೆ ಎಂದು ಹೇಳಲಾಗುತ್ತಿದೆ. ಹೊರ್ಮುಜ್​ ಜಲಸಂಧಿಯನ್ನು ಹೀಗೆ ಮುಚ್ಚಿದ್ದರೆ, ಜಾಗತಿಕ ಮಾರುಕಟ್ಟೆಯಲ್ಲಿ ಭಾರಿ ಏರುಪೇರಾಗುವ ಕಾರಣ ಅಮೆರಿಕ ಒತ್ತಡಕ್ಕೆ ಸಿಲುಕಿದೆ ಎಂದು ಹೇಳಲಾಗುತ್ತಿದೆ.

ಇನ್ನು ಕೆಲ ಜಾಗತಿಕ ತಜ್ಞರ ಪ್ರಕಾರ, ಅಮೆರಿಕ ಒಂದು ದೇಶದ ಮೇಲೆ ಸೇಡನ್ನು ಇಟ್ಟುಕೊಂಡರೆ ಅವರನ್ನು ನಾಶ ಮಾಡುವವರೆಗೆ ಸುಮ್ಮನಿರುವುದಿಲ್ಲ. ಹೀಗಾಗಿ ಇರಾನ್​ ಜೊತೆಗಿನ ಈ ಒಪ್ಪಂದ ಕೂಡ ತಾತ್ಕಾಲಿಕವಾಗಿದ್ದು, ಸರಿಯಾದ ಸಮಯ ನೋಡಿ ಇರಾನ್​ ಮೇಲೆ ಮತ್ತೆ ಅಮೆರಿಕ ದಾಳಿ ಮಾಡಲಿದೆ ಎಂದೂ ಹೇಳಲಾಗುತ್ತಿದೆ, (ಏಜನ್ಸೀಸ್​).