ದೇಶದ ಅವ್ಯವಸ್ಥೆಯನ್ನೆಲ್ಲ ಸರಿಪಡಿಸಬೇಕೆಂದು ಆಗ್ರಹಿಸಿ ‘ಬ್ಲಾಕ್ ಎವರಿಥಿಂಗ್’ ಎಂಬ ಅಭಿಯಾನ ಕಳೆದ ಬೇಸಿಗೆಯಲ್ಲಿ ಟಿಕ್ಟಾಕ್, ಎಕ್ಸ್ ಮುಂತಾದ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಾರಂಭವಾಯಿತು. ಅದು ಕರೆ ಕೊಡುತ್ತಿದ್ದ ಮುಷ್ಕರ, ಬಹಿಷ್ಕಾರ, ಪ್ರತಿಭಟನೆಗಳಿಗೆ ಕಾರ್ವಿುಕರು, ವಿದ್ಯಾರ್ಥಿಗಳು, ಕಾರ್ಯಕರ್ತರಿಂದ ವ್ಯಾಪಕ ಬೆಂಬಲ ವ್ಯಕ್ತವಾಗತೊಡಗಿತು. ಮ್ಯಾಕ್ರನ್ ಅನುಸರಿಸುತ್ತಿರುವ ನೀತಿಗಳಿಂದಾಗಿ ದೇಶದಲ್ಲಿ ಅಸಮಾನತೆ ತಾಂಡವವಾಡುತ್ತಿದೆ ಎಂಬ ವಾದಕ್ಕೆ ಬಲ ಸಿಕ್ಕಿತು. ಈ ಆಂದೋಲನಕ್ಕೆ ನಿರ್ದಿಷ್ಟ ಮುಂದಾಳತ್ವ ಇಲ್ಲ. ಹಾಗಾಗಿ ಇದು ಯಾವಾಗ ಏನು ಕರೆ ಕೊಡುತ್ತೋ ಅಂತ ಮೊದಲೇ ಊಹಿಸಲು ಅಧಿಕಾರಸ್ಥರಿಗೆ, ಪೊಲೀಸರಿಗೆ ಸಾಧ್ಯವಾಗುವುದಿಲ್ಲ. ಶಾಂತಿಯುತ ಪ್ರತಿಭಟನೆಗೆ ಕರೆ ನೀಡಿದ್ದರೂ ಅನಿರೀಕ್ಷಿತವಾಗಿ ಹಿಂಸಾಚಾರ ಸಂಭವಿಸುತ್ತದೆ. ಬುಧವಾರ ಆಗಿದ್ದೂ ಅದೇ.
