ಟೇಸ್ಟ್ ಅಟ್ಲಾಸ್​​ ಶ್ರೇಯಾಂಕದಲ್ಲಿ ಫಸ್ಟ್​ ಪ್ಲೇಸ್​​​ ಪಡೆದ ಮಾವಿನ ಹಣ್ಣಿನ ಆಮ್ರಾಸ್‌; ಮಾಡುವ ಸುಲಭ ವಿಧಾನ ಹೀಗಿದೆ

ಮಾವಿನಹಣ್ಣನ್ನು ಹಣ್ಣುಗಳ ರಾಜ ಎಂದು ಕರೆಯಲಾಗುತ್ತದೆ. ಸಿಹಿ ಮತ್ತು ರಸಭರಿತವಾದ ಮಾವಿನ ಹಣ್ಣು ಎಲ್ಲರ ಫೇವರೆಟ್​​. ಸಿಹಿಯಾದ ಮಾಗಿದ ಮಾವಿನ ಹಣ್ಣಿನಿಂದ ತಯಾರಿಸುವ ಆಮ್ರಾಸ್​​ ಖಾದ್ಯ ಅತ್ಯಂತ ರುಚಿಕರವಾಗಿರುತ್ತದೆ. ಇದು ಮಹಾರಾಷ್ಟ್ರ ಮತ್ತು ಗುಜರಾತ್‌ನ ಪ್ರದೇಶಗಳಲ್ಲಿ ಬಹಳ ಜನಪ್ರಿಯವಾಗಿದೆ. ಇದು ಜೂನ್ 2024ರ ಟೇಸ್ಟ್ ಅಟ್ಲಾಸ್‌ನ ಟಾಪ್ 10 ಮಾವಿನ ಖಾದ್ಯಗಳಲ್ಲಿ ಮೊದಲ ಸ್ಥಾನದಲ್ಲಿದೆ. ಇದರಿಂದಾಗಿ ಈ ಭಾರತೀಯ ಖಾದ್ಯಕ್ಕೆ ಜಾಗತಿಕ ಮಟ್ಟದಲ್ಲಿ ಭಾರೀ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಅದನ್ನು ನೀವು ಸುಲಭವಾಗಿ ಮಾಡಬಹುದು. ಹೀಗಿದೆ ಮಾಡುವ ವಿಧಾನ

ಇದನ್ನು ಓದಿ: ನಟನ ಜತೆ ಡೇಟಿಂಗ್​​​​ ಮಾಡಿದ್ದಕ್ಕೆ ಸಾಬಾ ಆಜಾದ್​​ಗೆ ಕೆಲಸ ಸಿಕ್ಕಿಲ್ವಂತೆ! ಕಾರಣ ಏನು ಗೊತ್ತಾ ಬೇಕಾಗುವ ಪದಾರ್ಥಗಳು:

• ಒಂದು ಕಿಲೋ ಮಾಗಿದ ಮಾವಿನಹಣ್ಣು
• ಸಕ್ಕರೆ
• ಎರಡೂವರೆ ಕಪ್ ಹಾಲು
• 3-4 ಕೇಸರಿ ಎಳೆಗಳು

ಆಮ್ರಾಸ್​​ ಮಾಡುವ ವಿಧಾನ:

• ಆಮ್ರಾಸ್ ಮಾಡಲು, ಮೊದಲು ಮಾವಿನ ಸಿಪ್ಪೆಯನ್ನು ತೆಗೆದುಹಾಕಿ ಮತ್ತು ತಿರುಳನ್ನು ಒಂದು ಪಾತ್ರೆಯಲ್ಲಿ ಬೇರ್ಪಡಿಸಿಕೊಳ್ಳಬೇಕು.
• ನಂತರ ತಿರುಳನ್ನು ಮ್ಯಾಶರ್ ಸಹಾಯದಿಂದ ಮ್ಯಾಶ್ ಮಾಡಿ ಮತ್ತು ಗ್ರೈಂಡರ್​​​ನಲ್ಲಿ ರುಬ್ಬಿಕೊಳ್ಳಿ.
• ರುಬ್ಬಿದ ನಂತರ ಹಾಲು ಮತ್ತು ಕೇಸರಿ ಸೇರಿಸಿ ಮತ್ತೊಮ್ಮೆ ರುಬ್ಬಿಕೊಳ್ಳಿ. ಮಿಶ್ರಣವು ತುಂಬಾ ದಪ್ಪವಾಗಿದ್ದರೆ ನೀವು ಹೆಚ್ಚು ಹಾಲು ಸೇರಿಸಬಹುದು.
• ರುಚಿಗೆ ತಕ್ಕಂತೆ ಸಕ್ಕರೆ ಸೇರಿಸಿ ಮಿಶ್ರಣ ಮಾಡಿ.
• ನಂತರ ಸ್ವಲ್ಪ ಸಮಯದವರೆಗೆ ರೆಫ್ರಿಜರೇಟರ್​​ನಲ್ಲಿ ತಣ್ಣಗಾಗಲು ಬಿಡಿ
• ಬಳಿಕ ಕೇಸರಿಯ ಕೆಲವು ಎಳೆ, ಡ್ರೈ ಫ್ರೂಟ್ಸ್ ಗಳಿಂದ ಅಲಂಕರಿಸಿ ಬಡಿಸಿ.

https://www.vijayavani.net/court-order-not-to-make-defamatory-statement-against-actress-sapthami-gowda