Drink and Drive: ಭಾರತೀಯ ಮೂಲದ ಚಾಲಕ ಅಮೆರಿಕದಲ್ಲಿ ಅರೆಸ್ಟ್​!

ಅಮೆರಿಕ: ಕ್ಯಾಲಿಫೋರ್ನಿಯಾದ ಒಂಟಾರಿಯೊದಲ್ಲಿ ಸಂಭವಿಸಿದ ಭೀಕರ ಅಪಘಾತದಲ್ಲಿ ಮೂವರು ಸಾವನ್ನಪ್ಪಿ, ನಾಲ್ವರು ಗಾಯಗೊಂಡ ಹಿನ್ನಲೆ, ಭಾರತೀಯ ಮೂಲದ ಟ್ರಕ್​ ಚಾಲಕನನ್ನು (Drink and Drive) ಗುರುವಾರ (ಅ.23) ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆರೋಪಿ ಜಶನ್‌ಪ್ರೀತ್ ಸಿಂಗ್ 2022 ರಲ್ಲಿ ಅಮೆರಿಕಕ್ಕೆ ಅಕ್ರಮವಾಗಿ ವಲಸೆ ಬಂದಿದ್ದ ಎಂದು ವರದಿಯಾಗಿದೆ. ಹೆದ್ದಾರಿಯಲ್ಲಿ ಯುಟರ್ನ್​ ತೆಗೆದುಕೊಳ್ಳುವಾಗ ಮೂವರನ್ನು ಕೊಂದಿದ್ದಾರೆ ಎಂದು ಮಾಹಿತಿ ಹೊರಬಂದಿದೆ.

ಇದನ್ನೂ ಓದಿ: 100 ಬೆಡ್ ಆಸ್ಪತ್ರೆಗೆ 42 ಕೋಟಿ ರೂ. ಮಂಜೂರು, ಸರ್ಕಾರದ ಅಧೀನ ಕಾರ್ಯದರ್ಶಿ ಆದೇಶ

ಈ ಅಪಘಾತವು ಮಂಗಳವಾರ I15 ಫ್ರೀವೇ ಜಂಕ್ಷನ್‌ನ ಪೂರ್ವಕ್ಕೆ ನಡೆದಿದೆ. ಈ ಸಂದರ್ಭದಲ್ಲಿ ಸರಕು ಸಾಗಣೆ ಟ್ರ್ಯಾಕ್ಟರ್ SUV ಹಿಂಭಾಗಕ್ಕೆ ಹೊಡೆದಿದೆ. ನಂತರ ಅದೇ ಲೈನ್​ನಲ್ಲಿರುವ ಹೆಚ್ಚುವರಿ ವಾಹನಗಳಿಗೆ ಡಿಕ್ಕಿ ಹೊಡೆದಿದ್ದು, ಇದು ಅಲ್ಲಿನ ಡ್ಯಾಶ್‌ಕ್ಯಾಮ್ ದೃಶ್ಯಗಳಲ್ಲಿ ಸೆರೆಹಿಡಿಯಲಾಗಿದೆ.

ಕ್ಯಾಲಿಫೋರ್ನಿಯಾದ ಯುಬಾ ನಗರದ ಜಶನ್‌ಪ್ರೀತ್ ಸಿಂಗ್ ಅವರನ್ನು ಮಾದಕ ದ್ರವ್ಯ ಸೇವಿಸಿ ವಾಹನ ಚಲಾಯಿಸುತ್ತಿದ್ದ ಹಾಗೂ ವಾಹನ ನರಹತ್ಯೆ ಸೇರಿದಂತೆ ಆರೋಪಗಳ ಮೇಲೆ ಬಂಧಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಸುದ್ದಿಮೂಲಗಳ ಪ್ರಕಾರ, ಸಿಂಗ್ ಭಾರತೀಯ ಪ್ರಜೆಯಾಗಿದ್ದು, 2022 ರಲ್ಲಿ ಅಕ್ರಮವಾಗಿ ಅಮೆರಿಕಕ್ಕೆ ಪ್ರವೇಶ ಪಡೆದಿದ್ದರು ಎಂದು ಕಾನೂನು ಜಾರಿ ಮೂಲಗಳು ತಿಳಿಸಿವೆ. ಇವರನ್ನು ಮಾರ್ಚ್ 2022 ರಲ್ಲಿ ಯುಎಸ್ ಗಡಿ ಗಸ್ತು ಪಡೆಯು ಎದುರಿಸಿತು ಮತ್ತು ವಲಸೆ ವಿಚಾರಣೆಯ ಬಾಕಿ ಇರುವಾಗ ದೇಶದ ಒಳಭಾಗಕ್ಕೆ ಬಿಡುಗಡೆ ಮಾಡಲಾಯಿತು ಎಂದು ಫೆಡರಲ್ ಕಾನೂನು ಜಾರಿ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಬಿಗ್ ಬಾಸ್​ 12ರ ಸ್ಪರ್ಧಿ ಅಶ್ವಿನಿ ಗೌಡಗೆ ಕಾನೂನು ಸಂಕಷ್ಟ! ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲು! Ashwini Gowda

ಪ್ರಕರಣ ಮುಂದುವರೆದಂತೆ, ಸಿಂಗ್ ಜಾಮೀನು ಇಲ್ಲದೆ ಸ್ಯಾನ್ ಬರ್ನಾರ್ಡಿನೊ ಕೌಂಟಿಯಲ್ಲಿ ಬಂಧನದಲ್ಲಿದ್ದಾರೆ ಮತ್ತು ಗುರುವಾರ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯಲಿದೆ ಎಂದು ತಿಳಿಸಿದೆ. ಇನ್ನು ಅಪಘಾತ ಸಮಯದಲ್ಲಿ ಸಿಂಗ್ ಮಾನ್ಯ ವಾಣಿಜ್ಯ ಚಾಲನಾ ಪರವಾನಗಿಯನ್ನು ಹೊಂದಿದ್ದರೇ? ಎಂಬುದರ ಬಗ್ಗೆ ತನಿಖೆಯಲ್ಲಿದೆ ಎಂದು ಕ್ಯಾಲಿಫೋರ್ನಿಯಾ ಹೆದ್ದಾರಿ ಗಸ್ತು (CHP) ಅಧಿಕಾರಿಗಳು ಸಿಬಿಎಸ್‌ಗೆ ತಿಳಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/bengaluru-airport-staff-recovers-passengers-lost-bag-with-help-of-his-upi-transaction