ಮಲಯಾಳಿ ಪ್ರಿಯಾಂಕಾ ನ್ಯೂಜಿಲೆಂಡ್ ಸಚಿವೆ

ನವದೆಹಲಿ: ನ್ಯೂಜಿಲೆಂಡ್ ಪ್ರಧಾನಿ ಜೆಸಿಂಡಾ ಆರ್ಡೆರ್ನ್ ಅವರು ತಮ್ಮ ಕ್ಯಾಬಿನೆಟ್​ಗೆ ಐವರು ಸಚಿವರನ್ನು ನೇಮಕಗೊಳಿಸಿದ್ದು, ಮೊದಲ ಬಾರಿಗೆ ಭಾರತೀಯ ಮೂಲದ ಸಂಸದರೊಬ್ಬರು ದೇಶದ ಮಂತ್ರಿ ಸ್ಥಾನ ಅಲಂಕರಿಸಿದ್ದಾರೆ.

2017ರಲ್ಲಿ ಸಂಸತ್ತಿನಲ್ಲಿ ಮಲಯಾಳಿ ಭಾಷೆಯಲ್ಲಿ ಮಾತನಾಡುತ್ತಿದ್ದ ವಿಡಿಯೋ ತುಣುಕೊಂದನ್ನು ಕೇಂದ್ರ ನಗರಾಭಿವೃದ್ಧಿ ಸಚಿವ ಹರ್ದೀಪ್ ಸಿಂಗ್ ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಪ್ರಿಯಾಂಕಾ, ‘ನ್ಯೂಜಿಲೆಂಡ್ ಸಂಸತ್ತಿನಲ್ಲಿ ಇದೇ ಮೊದಲ ಬಾರಿಗೆ ನನ್ನ ಮಾತೃಭಾಷೆ ಮಲಯಾಳಿ ಭಾಷೆಯಲ್ಲಿ ಮಾತನಾಡಲಾಗುತ್ತಿದೆ ಎಂಬ ನಂಬಿಕೆ ನನ್ನದು’ ಎಂದು ಹೇಳುತ್ತಿದ್ದಾರೆ.

ಸಂಸದರ ಮಾತೃಭಾಷೆ ಪ್ರೇಮದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಪ್ರಿಯಾಂಕಾ ಜನಿಸಿದ್ದು ತಮಿಳುನಾಡಿನ ಚೆನೈನಲ್ಲಿ. ಆದರೆ ಅವರ ಕುಟುಂಬದ ಮೂಲವಿರುವುದು ಕೇರಳದಲ್ಲಿ.