ಲ್ಯಾಂಡ್ ಆಗುವಾಗ ಅಪಘಾತಕ್ಕೀಡಾದ ಭಾರತೀಯ ಸೇನೆಯ ಚೀತಾ ಹೆಲಿಕಾಪ್ಟರ್​; ಪೈಲಟ್​ಗಳು ಪ್ರಾಣಾಪಾಯದಿಂದ ಪಾರು

ಜಮ್ಮು: ಭಾರತೀಯ ಸೇನೆಯ ಚೀತಾ ಹೆಲಿಕಾಪ್ಟರ್​ ಜಮ್ಮುಕಾಶ್ಮೀರದ ರುಡ್ಖುಡ್​ನ ರಾಸಿಯ ಬಳಿ ಲ್ಯಾಂಡ್ ಆಗುವಾಗ ಪತನಗೊಂಡಿದೆ.

ಇಂದು ಬೆಳಗ್ಗೆ 11.30ರಲ್ಲಿ ಘಟನೆ ನಡೆದಿದ್ದು ಹೆಲಿಕಾಪ್ಟರ್​ನಲ್ಲಿದ್ದ ಇಬ್ಬರು ಪೈಲಟ್​ಗಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ಹೆಲಿಕಾಪ್ಟರ್​ ಉದ್ಧಾಂಪುರದ ತರಬೇತಿ ಕೇಂದ್ರದಿಂದ ಹೊರಟಿತ್ತು.

ಚೀತಾ ಹೆಲಿಕಾಪ್ಟರ್​ ಹೆಚ್ಚಿನ ಕಾರ್ಯಕ್ಷಮತೆಯುಳ್ಳ ಹೆಲಿಕಾಪ್ಟರ್​ ಆಗಿದೆ. 1973ರಿಂದಲೂ ಭಾರತೀಯ ರಕ್ಷಣಾ ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿದೆ. 2019ರಲ್ಲಿ ಕೂಡ ಚೀತಾ ಹೆಲಿಕಾಪ್ಟರ್​ ಭೂತಾನ್​ ಬಳಿ ಅಪಘಾತಕ್ಕೀಡಾಗಿ ಇಬ್ಬರು ಪೈಲಟ್​ಗಳು ಮೃತಪಟ್ಟಿದ್ದರು.(ಏಜೆನ್ಸೀಸ್​)