ಅಯ್ಯೋ…2 ನಿಮಿಷ ಹಿಂದಿಯಲ್ಲಿ ಮಾತನಾಡಿ ಕೆಲಸ ಕಳೆದುಕೊಂಡ ಟೆಕ್ಕಿ!

ವಾಷಿಂಗ್ಟನ್: ಸಾಯುತ್ತಿರುವ ತನ್ನ ಸಂಬಂಧಿಯೊಂದಿಗೆ ಫೋನ್‌ನಲ್ಲಿ ಎರಡು ನಿಮಿಷ  ಹಿಂದಿಯಲ್ಲಿ ಮಾತನಾಡಿದ್ದಕ್ಕಾಗಿ ಕಾರಣಕ್ಕೆ ಟೆಕ್ಕಿಯೊಬ್ಬ ಕೆಲಸ ಕಳೆದುಕೊಂಡಿದ್ದಾನೆ. ವ್ಯಕ್ತಿ ತನಗೆ ನ್ಯಾಯ ದೊರಕಿಸಿಕೊಡುವಂತೆ ನ್ಯಾಯಾಲಯದ ಮೊರೆ ಹೋಗಿದ್ದಾರೆ.

ನಡೆದಿದ್ದೇನು?: ಭಾರತೀಯ ಮೂಲದ ಅನಿಲ್ ವರ್ಷನ್ 2002 ರಿಂದ ಅಮೆರಿಕದಲ್ಲಿ ಲೇಯರ್ಡ್ ಮಿಸೈಲ್ ಡಿಫೆನ್ಸ್ ಏಜೆನ್ಸಿ ವಿಭಾಗದಲ್ಲಿ ಪಾರ್ಸನ್ಸ್ ಕಾರ್ಪೊರೇಷನ್ ಎಂಬ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಸೀನಿಯರ್​ ಸಿಸ್ಟಂ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು.

2022 ಸೆಪ್ಟೆಂಬರ್ 26ರಂದು, ಅವರು ಭಾರತದಲ್ಲಿ ಮರಣಶಯ್ಯೆಯಲ್ಲಿದ್ದ ಅವರ ಸೋದರ ಮಾವನೊಂದಿಗೆ ವಿಡಿಯೋ ಕರೆ ಮಾಡಿದ್ದರು. ತನ್ನ ಸಂಬಂಧಿ ಸಾಯುತ್ತಿದ್ದರಿಂದ ಖಾಲಿ ಕ್ಯಾಬಿನ್‌ನಲ್ಲಿ ನಿಂತು ವರ್ಷನ್ 2 ನಿಮಿಷಗಳ ಕಾಲ ಮಾತನಾಡಿದರು. ಸಹೋದ್ಯೋಗಿಯೊಬ್ಬರು ವರ್ಷೆ ಫೋನ್ ನಲ್ಲಿ ಮಾತನಾಡುತ್ತಿರುವುದನ್ನು ನೋಡಿ ಇಲ್ಲಿ ಫೋನ್ ನಲ್ಲಿ ಮಾತನಾಡಬೇಡಿ ಎಂದು ಸಲಹೆ ನೀಡಿದ್ದಾರೆ. ಇದರಿಂದ ವರ್ಷೆ ಕಾಲ್ ಕಟ್ ಮಾಡಿದ.

ಫೋನ್ ಕರೆಯಲ್ಲಿ ವರ್ಷೆ ಅರ್ಥವಾಗದ ಭಾಷೆಯಲ್ಲಿ ಮಾತನಾಡಿದ್ದಾರೆ ಎಂದು ಸಹೋದ್ಯೋಗಿ ಮೇಲಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಏಜೆನ್ಸಿಗೆ ಸಂಬಂಧಿಸಿದ ಗೌಪ್ಯ ಮಾಹಿತಿಯನ್ನು ಸೋರಿಕೆ ಮಾಡಿದ ಮತ್ತು ಫೋನ್‌ನಲ್ಲಿ ಮಾತನಾಡುವ ಮೂಲಕ ಭದ್ರತಾ ಮಾನದಂಡಗಳನ್ನು ಉಲ್ಲಂಘಿಸಿದ ಆಧಾರದ ಮೇಲೆ ಅವರನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ. ಇದಲ್ಲದೆ, ಮುಂದೆ ಕೂಡಾ ಸಂಸ್ಥೆಯಲ್ಲಿ ಕೆಲಸ ಮಾಡದಂತೆ ಕಪ್ಪು ಚುಕ್ಕೆಯನ್ನು ನೀಡಲಾಯಿತು.

ವರ್ಷನ್ ಅವರು ಜುಲೈ 24 ರಂದು ನ್ಯಾಯಾಲಯದಲ್ಲಿ ಏಜೆನ್ಸಿ ಕಂಪನಿಯ ವಿರುದ್ಧ ಮೊಕದ್ದಮೆ ಹೂಡಿದರು. ಅನ್ಯಾಯವಾಗಿ ವಜಾಗೊಳಿಸಿದ್ದಾರೆ ಮತ್ತು ತಾರತಮ್ಯದ ಪಕ್ಷಪಾತದ ಆರೋಪ ಮಾಡಿದ್ದಾರೆ ಎಂದು ಅವರು ಹೇಳಿದ್ದಾರೆ. ಜತೆಗೆ ನ್ಯಾಯಾಲಯದಲ್ಲಿ ವಕೀಲರ ಶುಲ್ಕ ಹಾಗೂ ವೆಚ್ಚವನ್ನು ಕಂಪನಿಯೇ ಭರಿಸುವಂತೆ ಒತ್ತಾಯಿಸಿದೆ.

https://www.vijayavani.net/janrooz-feat-of-walking-on-rope-between-two-towers