ಅಣ್ವಸ್ತ್ರ ದಾಸ್ತಾನು ಚೀನಾ ಪಾಕ್​ ಮುಂದೆ

ನವದೆಹಲಿ: ನೆರೆ ರಾಷ್ಟ್ರಗಳಾದ ಚೀನಾ ಮತ್ತು ಪಾಕಿಸ್ತಾನಗಳಿಂದ ಎದುರಾಗಬಹುದಾದ ಸಮರ ಸನ್ನಿವೇಶ ಎದುರಿಸುವುದಕ್ಕೆ ಭಾರತ ಯುದ್ಧತಂತ್ರಗಾರಿಕೆಗೆ ಹೆಚ್ಚಿನ ಆದ್ಯತೆ ನೀಡಿದೆ. ಅಗ್ನಿ ಸರಣಿಯ ಪಣಿಗಳನ್ನು ಸೇನೆಗೆ ಸೇರಿಸುತ್ತ ಬಂದಿದೆ. ರೇಲ್​ ಯುದ್ಧ ವಿಮಾನ, ಜಲಾಂತರ್ಗಾಮಿ ಸೇರ್ಪಡೆಗಳು ನಡೆದಿವೆ. ಆದಾಗ್ಯೂ, ಅಣು ಸಿಡಿತಲೆ ಸಂಗ್ರಹ ಮತ್ತು ದಾಸ್ತಾನಿನ ವಿಚಾರದಲ್ಲಿ ಚೀನಾ ಮತ್ತು ಪಾಕಿಸ್ತಾನಗಳು ಭಾರತಕ್ಕಿಂತ ಮುಂದಿವೆ.

ಏಷ್ಯಾ ರಾಷ್ಟ್ರಗಳ ಚಟುವಟಿಕೆ ಹೆಚ್ಚು
ಕಳೆದ ವರ್ಷ ಗಲ್ವಾನ್​ ಸಂರ್ಷದ ಬಳಿಕ ಚೀನಾ, ಪಾಕಿಸ್ತಾನ ಮತ್ತು ಭಾರತಗಳು ಅಣ್ವಸ್ತ್ರ ಅಭಿವೃದ್ಧಿ, ಸಂಗ್ರಹ, ದಾಸ್ತಾನಿನ ಕಡೆಗೆ ಹೆಚ್ಚಿನ ಗಮನಹರಿಸಿವೆ. ಚೀನಾ ತನ್ನ ಸೇನಾ ಆಧುನೀಕರಣ ಮತ್ತು ಹೊಸ ಅಣ್ವಸ್ತ್ರ ಅಭಿವೃದ್ಧಿ ಪಡಿಸುವ ಕೆಲಸಕ್ಕೆ ವೇಗ ನೀಡಿದೆ ಎಂಬುದನ್ನು ಆಧ್ಯಯನ ಬೊಟ್ಟು ಮಾಡಿದೆ.

ಚೀನಾ ಏನು ಮಾಡಿದೆ?
1. ಪೂರ್ವ ಲಡಾಖ್​ ವಿರುದ್ಧ ದಿಕ್ಕಿನ ತನ್ನ ಗಡಿ ಭಾಗದಲ್ಲಿ ರಸ್ತೆ ಮೂಲ ಸೌಕರ್ಯ ಹೆಚ್ಚಳ
2. 50,000ದಿಂದ 60,000 ಟ್ರೂಪ್​ಗಳನ್ನು ಗಡಿ ಭಾಗದಲ್ಲಿ ನಿಯೋಜಿಸಿದೆ
3. ವಾಯುಸೇನೆಯನ್ನು ನಿಯೋಜಿಸಿದ್ದು, ವಾಯು ನೆಲೆಯನ್ನು ಭದ್ರಗೊಳಿಸಿದೆ
4. ಚಳಿಗಾಲದಲ್ಲೂ ಸದಾ ಸನ್ನದ್ಧ ಪಿಎಲ್​ಎ ಯೋಧರ ನಿಯೋಜನೆ
5. ವಾಯುಪಡೆಯಿಂದ ಪದೇ ಪದೆ ಅಭ್ಯಾಸ ಕವಾಯಿತು