ಹಣದುಬ್ಬರದ ಪರಿಣಾಮ ಬೆಲೆ ಏರಿಕೆ ಆಗಿರುವುದರಿಂದ ಜೀವನ ದುರ್ಬರವಾಗಿದೆ. ಆದರೆ, ಶ್ರೀಸಾಮಾನ್ಯರಿಗೆ ವಿಶೇಷವಾಗಿ ಮಧ್ಯಮ ವರ್ಗದ ವೇತನದಾರರಿಗೆ ತೆರಿಗೆ ಹೊರೆ ಇಳಿದಿಲ್ಲ. ವೈಯಕ್ತಿಕ ಆದಾಯ ತೆರಿಗೆಯ ಮಿತಿ ಹೆಚ್ಚಳ ಮಾಡಬೇಕು ಎಂಬ ಒತ್ತಾಯ ಕಳೆದ ವರ್ಷವೇ ಕೇಳಿ ಬಂದಿತ್ತು ಆದರೆ, ಕೋವಿಡ್ ಸಾಂಕ್ರಾಮಿಕದ ಕಾರಣ ಸರ್ಕಾರ ಯಾವುದೇ ಪರಿಷ್ಕರಣೆ ಮಾಡಿರಲಿಲ್ಲ. ಆದರೆ, ಇದೇ ಶ್ರೇಣಿಯಲ್ಲಿ ಹಳೆಯ ವಿಧಾನ ಮತ್ತು ಹೊಸ ವಿಧಾನ ಎಂಬ ಆಯ್ಕೆಯನ್ನು ಸರ್ಕಾರ ನೀಡಿತ್ತು. ಅದೂ ಅಲ್ಲದೆ, 2024ರಲ್ಲಿ ಲೋಕಸಭಾ ಚುನಾವಣೆ ಇರುವ ಕಾರಣ ಮುಂದಿನ ಫೆಬ್ರವರಿಯಲ್ಲಿ ಮಂಡನೆಯಾಗುವ ಬಜೆಟ್ ಪ್ರಧಾನಿ ಮೋದಿ ಅವರ ಎರಡನೇ ಅವಧಿಯ ಪೂರ್ಣಪ್ರಮಣದ ಆಯವ್ಯಯ ಆಗಿರಲಿದೆ. ಹೀಗಾಗಿ ಈ ಬಜೆಟ್ನಲ್ಲೇ ತೆರಿಗೆ ಮಿತಿ ಏರಿಕೆ ಕಾಣಲಿದೆ ಎಂಬ ರ್ತಾಕ ವಿವರಣೆಯನ್ನು ಮೂಲಗಳು ನೀಡಿವೆ.
