ಹೊಸ ಪಾಕಿಸ್ತಾನದ ಭರವಸೆ ಕೊಟ್ಟ ಇಮ್ರಾನ್​ ಖಾನ್ ಅರೆಸ್ಟ್; ಜತೆಗೆ ಐವರು ಬೆಂಬಲಿಗರೂ ಒಳಗೆ!

ನವದೆಹಲಿ: ಹೊಸ ಪಾಕಿಸ್ತಾನದ ಭರವಸೆ ನೀಡಿದ ಇಮ್ರಾನ್​ ಖಾನ್​ನನ್ನು ಪೊಲೀಸರು ಬಂಧಿಸಿದ್ದಾರೆ. ಜತೆಗೆ ಐವರು ಬೆಂಬಲಿಗರನ್ನೂ ಜೈಲಿನ ಒಳಗೆ ಹಾಕಿದ ಪ್ರಸಂಗ ನಡೆದಿದೆ. ಗೆದ್ದು ಬೀಗಿದ ಇವರೆಲ್ಲ ಕೆಲವೇ ಕ್ಷಣಗಳಲ್ಲಿ ತಲೆ ಕೆಡಿಸಿಕೊಳ್ಳುವಂತಾಗಿದೆ.

ಹೀಗೊಂದು ಪ್ರಕರಣ ಉತ್ತರಪ್ರದೇಶದ ಅಮೇಠಿಯಲ್ಲಿ ನಡೆದಿದೆ. ಇಲ್ಲಿ ನೂತನವಾಗಿ ಆಯ್ಕೆ ಆದ ಗ್ರಾಮ ಪ್ರಧಾನ್ ಇಮ್ರಾನ್​ ಖಾನ್ ಎಂಬಾತನೇ ಬಂಧಿತ ಆರೋಪಿ. ಈತ ವಿಜಯೋತ್ಸವ ಆಚರಣೆ ವೇಳೆ ಹೊಸ ಪಾಕಿಸ್ತಾನದ ಭರವಸೆ ನೀಡುವಂತೆ ಸಂದೇಶ ರವಾನಿಸಿದ್ದರಿಂದ ಪೊಲೀಸರು ಬಂಧಿಸಿದ್ದಾರೆ.

ಇಲ್ಲಿನ ರಾಮ್​ಗಂಜ್ ಪ್ರದೇಶದ ಮಂಗ್ರಾ ಗ್ರಾಮದ ಪ್ರಧಾನ್​ ಆಗಿ ಆಯ್ಕೆಯಾದ ಇಮ್ರಾನ್, ಮೇ 4ರಂದು ವಿಜಯೋತ್ಸವ ಆಚರಿಸಿದ್ದಾನೆ. ಈ ವೇಳೆ ಬೆಂಬಲಿಗರೊಂದಿಗೆ 'ದೇಖೋ ಇಮ್ರಾನ್​ ಖಾನ್ ಆಯಾ, ನಯಾ ಪಾಕಿಸ್ತಾನ್ ಲಾಯಾ' ಎಂಬ ಹಾಡಿನೊಂದಿಗೆ ಮೆರವಣಿಗೆ ಸಾಗಿದ್ದಾನೆ. ಈ ವಿಡಿಯೋ ವೈರಲ್ ಆಗಿತ್ತು.​ ಈ ಹಿನ್ನೆಲೆಯಲ್ಲಿ ಅಮೇಠಿ ಡಿಸ್ಟ್ರಿಕ್ಟ್​ ಮ್ಯಾಜಿಸ್ಟ್ರೇಟರ್​ ಅರುಣ್​ ಕುಮಾರ್ ತನಿಖೆಗೆ ಆದೇಶಿಸಿದ್ದರು.

ಇದನ್ನೂ ಓದಿ: ಧೂಮಪಾನಿಗಳು-ಸಸ್ಯಾಹಾರಿಗಳಲ್ಲಿ ಕೋವಿಡ್ ಸೋಂಕು ಸಾಧ್ಯತೆ ಕಡಿಮೆ; ಸಿಎಸ್​ಐಆರ್ ಸಮೀಕ್ಷೆಯಲ್ಲಿ ಬಹಿರಂಗ

ಪರಿಣಾಮವಾಗಿ ಇಮ್ರಾನ್ ಖಾನ್ ಹಾಗೂ ಆತನ ಬೆಂಬಲಿಗರ ವಿರುದ್ಧ ಮೇ 6ರಂದು ಎಫ್​ಐಆರ್ ದಾಖಲಾಗಿತ್ತು. ಮಾತ್ರವಲ್ಲ ಅದರ ಮಾರನೇ ದಿನವೇ ಅವರನ್ನು ಬಂಧಿಸಲಾಗಿದೆ. ಕರೊನಾ ಹಿನ್ನೆಲೆಯಲ್ಲಿ ಚುನಾವಣಾ ಆಯೋಗ ವಿಜಯೋತ್ಸವ ಆಚರಿಸುವುದನ್ನು ನಿಷೇಧಿಸಿದ್ದರೂ ಇಮ್ರಾನ್ ಆ ನಿಯಮವನ್ನೂ ಉಲ್ಲಂಘಿಸಿದ್ದಾನೆ. ಆ ಬಗ್ಗೆಯೂ ಕೇಸ್ ದಾಖಲಿಸಿಕೊಳ್ಳಲಾಗಿದೆ. ಇಮ್ರಾನ್​ ಖಾನ್​ನ ಬೆಂಬಲಿಗರಾದ ಜಬೀರ್ ರೆಹಮಾನ್, ಮಕ್ಸೂದ್, ಇಷ್ತಿಕಾರ್, ಅಲೀಂ, ಶಾರುಖ್​ ಖಾನ್​ ಎಂಬವರನ್ನು ಪೊಲೀಸರು ಬಂಧಿಸಿದ್ದು, ಮೂರು ಸ್ಪೋರ್ಟ್ಸ್ ಬೈಕ್​​ಗಳನ್ನೂ ವಶ ಪಡಿಸಿಕೊಳ್ಳಲಾಗಿದೆ.

https://www.vijayavani.net/son-got-ready-to-do-final-rights-of-mother-but-faced-opposition-from-local-people/

https://www.vijayavani.net/covid-positive-patient-escaped-from-hospital-and-caught/

https://www.vijayavani.net/oxygen-cylinder-theft-at-chikkaballapur-hospital/