ವಲ್ಲದೆ, ಭವಿಷ್ಯ ದಲ್ಲಿನ ರೂಪಾಂತರಿಗಳ ವಿರುದ್ಧವೂ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಬಲ್ಲುದು ಎಂದು ಹೇಳಿದ್ದಾರೆ. ಕೋವಿಡ್ ಸಾಂಕ್ರಾಮಿಕ ಕಾಣಿಸಿಕೊಂಡ ಆರಂಭದಿಂದಲೂ ಇಂಥದ್ದೊಂದು ಸಂಶೋಧನೆಯಲ್ಲಿ ಐಐಎಸ್ಸಿಯ ಮಾಲಿಕ್ಯೂಲರ್ ಬಯೋಫಿಸಿಕ್ಸ್ ಘಟಕದ ಪ್ರಾಧ್ಯಾಪಕ ರಾಘವ ವರದರಾಜನ್ ತೊಡಗಿಕೊಂಡಿದ್ದರು. ಎನ್ಪಿಜೆ ವ್ಯಾಕ್ಸಿನ್ ನಿಯತಕಾಲಿಕದಲ್ಲಿ ಈ ಕುರಿತ ಸಂಶೋಧನಾ ವರದಿ ಪ್ರಕಟವಾಗಿದೆ. ಕೋವಿಡ್ ಲಸಿಕೆಯಾಗಿ ಬಳಕೆಯಾಗಬಲ್ಲ ಕೃತಕ ಪ್ರತಿಜನಕ (ಸಿಂಥೆಟಿಕ್ ಆಂಟಿಜೆನ್) ರೂಪಿಸಿದ್ದು, ಇದು ಹಾಲಿ ಹಾಗೂ ಭವಿಷ್ಯದ ಕೋವಿಡ್ ರೂಪಾಂತರಿ ವೈರಸ್ಗಳ ವಿರುದ್ಧ ದಕ್ಷತೆಯಿಂದ ಕಾರ್ಯನಿರ್ವಹಿಸಬಲ್ಲುದು. ಜತೆಗೆ, ಇದನ್ನು ಅತ್ಯಂತ ತ್ವರಿತವಾಗಿ ಅಳವಡಿಸಿಕೊಳ್ಳಬಹುದು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
