ಬೆಂಗಳೂರು: ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್ಸಿ) ನಡೆಸುವ ಭಾರತೀಯ ಅರಣ್ಯ ಸೇವೆ (ಐಎಫ್ಎಸ್) ನೇಮಕಾತಿ ಪರೀಕ್ಷೆ-2021ರ ಆವೃತ್ತಿಯ ಅಂತಿಮ ಫಲಿತಾಂಶ ಪ್ರಕಟವಾಗಿದ್ದು, ರಾಜ್ಯದ ಹತ್ತಕ್ಕೂ ಹೆಚ್ಚು ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಶ್ರುತಿ ಮೊದಲ ಟಾಪರ್ ಆದರೆ, ಕರ್ನಾಟಕದ ವರದರಾಜ್ ಗಾಂವ್ಕರ್ ದೇಶಕ್ಕೇ ಎರಡನೇ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಒಟ್ಟಾರೆ 108 ಮಂದಿಯನ್ನು ಐಎಫ್ಎಸ್ ಹುದ್ದೆಗಳಿಗೆ ಆಯ್ಕೆ ಮಾಡಲಾಗಿದೆ. 110 ಸ್ಥಾನಗಳಿಗೆ ಒಟ್ಟು 108 ಮಂದಿಯನ್ನು ಯುಪಿಎಸ್ಸಿ ಶಿಫಾರಸು ಮಾಡಿದೆ. ಈ ಪೈಕಿ ಸಾಮಾನ್ಯ ವರ್ಗದಲ್ಲಿ -30, ಆರ್ಥಿಕವಾಗಿ ಹಿಂದುಳಿದ ಮೀಸಲಾತಿಯಲ್ಲಿ -14, ಎಸ್ಸಿ-16, ಎಸ್ಟಿ -88, ಇತರ ಕೋಟಾದಡಿ 40 ಜನರನ್ನು ಆಯ್ಕೆ ಮಾಡಲಾಗಿದೆ.
